Dušan Makavejev

Dušan Makavejev
Irudi gehiago
Bizitza
Jaiotza	Belgrad, 1932ko urriaren 13a
Herrialdea	Serbia  Jugoslaviako Errepublika Federal Sozialista  Serbia eta Montenegro  Jugoslaviako Erresuma
Heriotza	Belgrad, 2019ko urtarrilaren 25a (86 urte)
Hezkuntza
Heziketa	Belgradeko Unibertsitatea 1955) : psikologia Jovan Jovanović Zmaj Gymnasium (Novi Sad) ^(en)
Hizkuntzak	ingelesa serbiera
Jarduerak
Jarduerak	film-zuzendaria, gidoilaria eta unibertsitateko irakaslea
Enplegatzailea(k)	Harvard Unibertsitatea
Jasotako sariak	ikusi John Simon Guggenheim Memorial Foundation beka Награда Александар Лифка

Dušan Makavejev (serbieraz: Душан Макавејев, dǔʃan makaʋɛ̌jɛʋ ahoskatua; Belgrad, 1932ko urriaren 13a - ibidem, 2019ko urtarrilaren 25a) jugoslaviar zinema-zuzendaria izan zen. Belgradeko Unibertsitatean egin zituen ikasketak, eta 1955ean graduatu zen. Belgraden egin zituen, orobat, zuzendaritzako ikasketak, Antzerki, Irrati, Zinema eta Telebistako Akademian. 1955etik 1958ra, Kino-Club film esperimentala egin zuen, eta Zagreb Films eta Avala Films etxeentzat lan egin zuen gero. 1964ra arte, film laburrak eta dokumentalak egin zituen nagusiki, eta geroago hasi zen film luzeak egiten. 1960ko hamarraldian, Novi film delako zinemagintza berriaren mugimenduko kidea izan zen. 1974az gero, Estatu Batuetan lan egin zuen gehienbat. Haren zinemagintzaren ezaugarri nabarmenenak sarkasmoa, probokazioa eta pesimismoa dira; kontakizun-moldeekin saioak egin zituen, eta, gaiei dagokienez, gizarte-egituraren eta sexu-bizitzaren arteko lotura aztertu zuen.

Filmografia

• Čovek nije tica (Gizona ez da txoria, 1965)
• Ljubavni slučaj ili tragedija službenice PTT (Maitasun-istorioa, 1967)
• Nevinost bez zaštite (1968)
• W. R. - Misterije organizma (WR: Organismoaren misterioak, 1971)
• Nedostaje mi Sonja Heni (1972)
• Sweet Movie (1973.)
• Montenegro or Pigs and pearls (1981)
• The Coca-Cola kid (1985)
• Manifesto (1988)
• Gorila se kupa u podne (1993.)
• Rupa u duši (1994)
• Danish Girls Show Everything (1996.)

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.