François de Malherbe

François de Malherbe
Irudi gehiago
Bizitza
Jaiotza	Caen, 1555
Herrialdea	Frantzia
Lehen hizkuntza	frantsesa
Heriotza	Paris, 1628ko urriaren 16a (72/73 urte)
Familia
Seme-alabak	ikusi Marc-Antoine de Malherbe ^(en)
Leinua	de Malherbe ^(en)
Hezkuntza
Hizkuntzak	frantsesa frantses ertaina
Jarduerak
Jarduerak	poeta, idazlea, itzultzailea eta literatura-kritikaria
Lan nabarmenak	ikusi Consolation à M. du Perrier sur la mort de sa fille ^(en)
Mugimendua	klasizismoa

François de Malherbe (Caen, 1555 – Paris, 1628ko urriaren 16a) frantses olerkaria izan zen. Angulemako Henrikeren idazkari izan zen Aachenen, hamar urtez. Angulemako Henrike hil ondoren Normandiara joan zen bizitzera. 1605ean, Vauquelin de La Fresnayek gortean aurkeztu zuen. Ondoren, Bellegardeko dukearen ezkutari eta Henrike IV.aren ganberako kide izan zen. Luis XIII.a erregeak ere bere babespean izan zuen. Bizitzako azken urteak atsekabean murgildurik iragan zituen, bere seme Marc-Antoine hil ondoren. Idatzi zituen lehen olerkiak italiar poeten eragina zuten. Malherberen lanen ezaugarri nagusia formalismoa da, oso-osorik betetzen baititu bere garaiko poesiagintzaren arau guztiak. Gortearen ospakizunak eta erregeren balentriak kantatzen ditu batez ere. Hauek ditu lan azpimarragarrienak: Prière pour le Roi allant en Limousin (1605, Otoitza Limousinera doan erregeren alde), Henrike IV.aren garaikoa; Ode pour le roi allant châtier la rébellion des rochellois (1628, Oda rotxelatarren matxinada zigortzera doan erregeren alde), Luis XIII.aren garaikoa. Ospe handikoak dira, bestalde, Malherbek idatzi zituen gutunak.

Erreferentziak

Wikimedia Commonsen badira fitxategi gehiago, gai hau dutenak: François de Malherbe

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.