Jean Hamburger

Jean Hamburger
285. Frantziako Zientzien Akademiako lehendakari 1991ko urtarrilaren 1a - 1992ko otsailaren 1a ← Jean Aubouin ^(en) - Jacques Friedel → 21. seat 4 of the Académie française ^(en) 1985eko apirilaren 18a - 1992ko otsailaren 1a ← Pierre Emmanuel - Albert Decourtray ^(mul) →
Bizitza
Jaiotza	Parisko 8. barrutia, 1909ko uztailaren 15a
Herrialdea	Frantzia
Heriotza	Parisko 18. barrutia, 1992ko otsailaren 1a (82 urte)
Hobiratze lekua	Montmartreko hilerria
Familia
Aita	Abraham Hamburger
Ezkontidea(k)	Annette Haas
Seme-alabak	ikusi Michel Berger Bernard Hamburger
Hezkuntza
Heziketa	Lycée Carnot ^(en) Parisko Unibertsitatea
Hizkuntzak	frantsesa
Jarduerak
Jarduerak	medikua, mediku idazlea, Frantziako Erresistentziako kidea eta ikertzailea
Enplegatzailea(k)	Institut national de la santé et de la recherche médicale
Jasotako sariak	ikusi Ohorezko Legioko ofizial handia Arte eta letren komendadorea Prix mondial Cino Del Duca  (1979) Grand Officer of the National Order of Merit Prix Cazes  (1989)
Kidetza	Frantses Akademia Frantziako Zientzien Akademia Académie Nationale de Médecine ^(en) Belgikako Medikuntzako Errege Akademia

Jean Hamburger (Paris, 1909ko uztailaren 15a - 1992ko otsailaren 1a) frantses medikua izan zen.

Nefrologiaren aitzindaria, eta Nefrologiako Nazioarteko Elkartearen sortzailea eta lehendakaria, 1960-1963 bitartean. Natura-zientzietako ikasketak egin zituen, Sorbonan, eta medikuntzakoak gero. 1930tik 1940ra, zenbait azterketa kliniko egin zituen Parisko erietxeetan: zaintza-metodo berriak saiatu zituen, elektrolito-gorabeheren eta giltzurrunetako gaitzen arteko loturak aztertu zituen, eta giltzurrun artifiziala asmatzeko lanak gainbegiratu zituen. 1952an Hamburgerren taldeak giltzurrun bat txertatu zuen, eta hartzailea bizi izan zen denbora garrantzi handikoa gertatu zen histobateragarritasuna aztertzeko. Aurrerago, giltzurrunaren histologia eta immunologiari buruzko azterketa sakonak egin zituen, eta artikulu eta liburu asko idatzi zituen horren gainean. 1962an Hamburgerren taldeak giltzurruna arrakastaz txertatzea lortu zuen. Frantzian egiten zen lehen organo-txertaketa zen. Hurrengo urtean, hildako baten gorputzeko organoaren txertaketa arrakastaz amaitzea lortu zuten. Hamburgerrek Ohorezko Legioaren saria jaso zuen, eta Merituaren Ordenarena. Txertaketarako Nazioarteko Elkartearen lehendakari izan zen 1968tik 1970ra, eta Medikuntza Akademia Nazionaleko kide, besteak beste. 1991n Frantziako Zientzien Akademiako lehendakari izendatu zuten.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.