Juan Valera

Juan Valera
Irudi gehiago
ambassador of Spain to Austria-Hungary ^(en) 1893 - 1895 Espainiako enbaxadorea Ameriketako Estatu Batuetan 1883 - 1886 Espainiako enbaxadorea Portugalen Espainiako senataria
Bizitza
Jaiotza	Cabra, 1824ko urriaren 18a
Herrialdea	Espainia
Lehen hizkuntza	gaztelania
Heriotza	Madril, 1905eko apirilaren 18a (80 urte)
Hobiratze lekua	Cementerio de Cabra ^(en)
Familia
Seme-alabak	ikusi Luis Valera ^(en)
Haurrideak	ikusi José Freüller ^(en)
Hezkuntza
Hizkuntzak	gaztelania
Jarduerak
Jarduerak	idazlea, diplomazialaria, kazetaria, politikaria, poeta eta eleberrigilea
Jasotako sariak	ikusi Karlos III.aren Ordenaren Gurutze Handia  (1882) Elisabet Katolikoaren Ordenaren komendadorea Grand cross of the Civil Order of Alfonso XII  (1902) Order of Saint Januarius [[]]  (1871)
Kidetza	Real Academia Española Zientzia Moral eta Politikoen Errege Akademia Académie des sciences morales et politiques

Juan Valera Alcalá-Galiano (Cabra, Kordoba, Espainia, 1824ko urriaren 18a - Madril, Espainia, 1905eko apirilaren 18a) espainiar idazlea eta diplomatikoa izan zen.

Biografia

Granadako eta Madrilgo unibertsitateetan ikasketak egin ondoren diplomazia hartu zuen lankidetzat; Napoli, Lisboa, Rio de Janeiro, Dresden, San Petersburgo, Frankfurt, Washington, Brusela eta Vienan izan zen enbaxadore. 1868. urtean Espainiako estatuko idazkaria izendatu zuten Madrilen.

Diplomatiko trebea izan bazen ere, idazle gisa nabarmendu zen batez ere. Egunkari ezagun batzuetan artikuluak eta saiakerak idatzi ondoren (1862, Sobre el Quijote; 1864, Estudios críticos sobre literatura, política y costumbres de nuestro días), 1873. urtean argitaratu zuen bere lehen eleberria, arrakasta handia izan zuena, eta, maisutasun handiz, Andaluziako nekazarien bizimodua islatu zuena: Pepita Jiménez. Ondoren Las ilusiones del doctor Faustino (1875, Faustino doktorearen ametsak) eta Doña Luz (1879) eleberriak idatzi zituen.

1881. urtean bizitza guztirako senatari izendatu zuten eta, Ameriketan eta Europan zehar bidaiatu ondoren, 1895ean Espainiara itzuli zen. Handik gutxira argitaratu zuen bere eleberri ospetsuenetako bat, Juanita la Larga (Juanita Luzea). 1861 urteaz gero Espainiako Errege Akademiako kidea zen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak