Lauritz Melchior

Lauritz Melchior
Irudi gehiago
Bizitza
Jaiotzako izen-deiturak	Lauritz Lebrecht Hommel Melchior
Jaiotza	Kopenhage, 1890eko martxoaren 20a
Herrialdea	Danimarka
Heriotza	Santa Monica, 1973ko martxoaren 18a (82 urte)
Hobiratze lekua	Assistens Cemetery ^(en)
Familia
Seme-alabak	ikusi Ib Melchior ^(en)
Haurrideak	ikusi Agnes Melchior ^(en)
Hezkuntza
Hizkuntzak	ingelesa
Jarduerak
Jarduerak	opera abeslaria eta aktorea
Jasotako sariak	ikusi Commander's Cross of the Order of Merit of the Federal Republic of Germany commander of the Order of the Dannebrog Izarra Hollywoodeko Ospearen pasealekuan Order of the Dannebrog
Genero artistikoa	opera
Ahots mota	Heldentenor ^(en)
Fach	Heldentenor ^(en)
Musika instrumentua	ahotsa
Diskoetxea	Warner Bros. Records

Lauritz Lebrecht Hommel Melchior (1890eko martxoak 20, Kopenhage-1973ko martxoak 18, Santa Monica, Kalifornia) tenorra izan zen. Bere garaiko wagnertar tenor, tenor heroiko edo heldentenor gailentzat hartua da. Kopenhagen jaio zen, Beniamino Gigli italiar tenorra jaio zen egun berean. Eta jaiotzez daniarra zen arren, 1947an estatubatuar nazionalizatu zen.

Baritono bezala debutatu zuen 1913an, eta tenor lanetan 1918an estreinatu zen, Tannhäuser operan parte hartuz.

Berlinen debutatu zuen, eta jarraian Nurembergen, Munichen, Frankfurten, Kolnen, Hannoverren, Bremenen, Dresden, Leipzigen eta Chemnitzen.

Bayreuthen 1924tik 1931 arte kantatu zuen, eta bere garaiko wagnertar tenorrik nabarmenena izatea lortu. Sarri agertu zen Royal Opera Housen 1939 arte, eta Metropolitan Opera Housen 1926tik 1950 arte.

1931, 1933, 1942 eta 1943an Buenos Aireseko Colon Antzokian arrakasta lortu zuen Otto Klempererren eta Fritz Buschen zuzendaritzapean.

Frida Leider, Lotte Lehmann, Marjorie Lawrence eta Helen Trabuel sopranoen ondoan izan zituen partehartzeak historiara pasa ziren, baina Kirsten Flagstad soprano norvegiarrarekin osatu zuen Tristan eta Isolda operako bikoterik ezagunena, Sir Thomas Beecham eta Fritz Reinerrek zuzendutako grabaketetan lekukotua.

1950ean erretiratu zen, baina telebistan, komedia musikaletan eta Hollywoodeko filmeetan parte hartzen jarraitu zuen.

1960an, bere 70. urtebetetzea ospatzeko, Valkiria operaren lehen ekitaldia kantatu zuen Kopenhagen, "Daniar Handia" ezizena jasotzen zuen (ezizen hau aurreikusitako telebista ziklo batentzako hartu zen, baina honen hasierako atala baino ez zen grabatu).

Lehen ekitaldi horren grabaketa 1933an, Bruno Walterrek zuzendua eta Lotte Lehmannen ondoan erreferentziazkotzat hartzen da.

Kopenhageko hilerrian lurperatua dago.

Bere seme Ib Georg Melchiorrek bere aitari buruzko biografia bat idatzi zuen.

Kanpo estekak