Lofi Girl (lehen ChilledCow) YouTubeko kanala da eta 2015eko diskoetxe frantsesa. 2020an, YouTubeko kanala ChilledCowtik Lofi Girl izatera igaro zen. lo-fihip hop musika transmisioa eskaintzen du zuzenean eta etengabe, LoFi Girl ikasten ari den anime neska japoniar bat da. 12 milioi harpidedun baino gehiago ditu. Study Girl bezala ere ezaguna da eta, Juan Pablo Machadok YouTubeko Chilled Cow kanalerako eta YouTubeko Lofi hip hop nahasketarako sortutako pertsonaia animatua da: neskak arikularrak ditu, etengabe bere idazmahaian dago ikasten, katuarekin eta leiho baten ondoan.[1]
Dimitrik "ChilledCow" YouTubeko kanala sortu zuen 2015eko martxoaren 18an. Bertan hip hop lo-fi musika transmititzen hasi zen 2017ko otsailaren 25ean, eta lanean edo ikasten ari direnentzako erlaxazio-musika gisa markatu zuen.[2][3] Zuzeneko transmisioa YouTubek ezabatu zuen, 2017ko uztailetik abuztura bitartean, Studio Ghiblik 1995ean egindako film animatutik ateratako neska ikasle baten irudiak erabiltzeagatik. Zuzeneko transmisioa berrezarri egin zen, ikasten ari zen neska baten animazio pertsonalizatu bat erabiliz.[4][5]
ChilledCow-en zuzeneko transmisioetan erabilitako musika Chilledcow zigiluak argitaratu zuen edo beste artista batek erabiltzeko baimena eman zitzaion. YouTubek ezabatu zuen kanala inolako azalpenik eman gabe, baina berrezarri egin zuen jendearen erreakzioa ikusita. Ezabatutako zuzeneko transmisioak 13.000 ordu baino gehiago zituen, eta YouTubeko bideo luzeenetako bat bihurtu zen.[6][7]
2021eko martxoaren 18an, kanala sortu eta sei urtera, ChilledCowtik Lofi Girlera marka aldatuko zuela iragarri zen. [8] YouTubeko komunitatearen argitalpenek azaltzen zutenez, Lofi Girl kanalaren ikono bihurtu zen, eta kanalaren izen berria izango zen.[9][10]
2023an kanalak hamabi milioi harpidedunetik gora lortu ditu. 2022an 2020ko otsailaren 22tik aurrera aktibo zegoen transmisioa ospatu zen, festa baten bidez, txatean.[11]
Kanalari (transmisio nagusia etenik gabe urtebete baino gehiago igarota) behin baino gehiagotan eman zaio baja, egile eskubideen arau-hausteak gaizki aplikatu direlako. 2020ko otsailean, YouTubek kanala itxi zuen arrazoiak zehaztu gabe, eta diskoetxeak kontaktatu ondoren berrezarri egin zen. [15] 2022ko uztailean, Malaysiako diskoetxe batek DMCA iruzurrezko jakinarazpena jaso zuen.[16][17] YouTubek bi kasuetan barkamena eskatu zuen eta kontuaren baja deuseztatu.[7][17][18] Itxi zenean, zuzeneko emisioak 20.843 ordu, 43 minutu eta 51 segundo zeramatzan, hau da, bi urte baino gehiago. [19]
Studio Ghiblik hasiera batean erabilitako pertsonaiaren egile-eskubideak erreklamatu ondoren, Dimitrik Ghibli estetikari eustea erabaki zuen, baina pertsonaia original batekin, Lo-Fi Girl izenekoa, eta artistentzako deialdia egin ondoren. Juan Pablo Machado artista kolonbiarraren diseinua hautatu zuen.[5] Juan Pablo Machadoren irudiak Whisper of theHeart-en eszenetako bati egiten dio aipamen; Shizuku pertsonaia idazmahaian eserita agertzen da koaderno batean idatzen edo hari begira, bere katua inguruan duelarik. [1]
Lofi hip hop neskak magikoa du inork ez dakiela zer idazten duen. Horrela, erraz identifika zaitezke berarekin. Ikaslea bazara, lanak egiten ari dela pentsa dezakezu. Nire ustez, gauza ezberdin asko idazten ditu. Baina atsegin dut pentsatzea ekologiaz eta klima-aldaketaren eragina murriztearen garrantziaz idazten duela batez ere. (Juan Pablo Machado)[20]
Lofi Girlen ospea hain da handia, bere inguruan unibertso oso bat eraikitzen ari direla bere inguruan. Izan ere, dagoeneko ezaguna den bere webguneaz gain, merchandisin edo avatar pertsonalizatuak sortzeko duen tresnaz gain, 2023ko apirilaren 7an, bat-batean, haren atzeko leiho urdin bat kliskatzen hasi zen. Kanalaren Twitter kontuak berak adierazi zuen zerbait gertatzeke zegoela. Handik egun gutxira, apirilaren 10ean, neska eta katua kanaletik desagertu ziren. Apirilaren 11n, kanalak ongietorria eman zien Synth Boy edo Lofi Boy mutil gazteari eta bere txakurrari, lasaitzeko eta jolasteko xede duen zuzeneko emanaldi berrian.[21][22][23]
LoFi Girl asko aipatu izan da herri-kulturan, eta Interneteko meme bihurtu da.[4][24]Steven Univarse Future telesailan Connie pertsonaiak irudikatzen du, LoFi Girl-en gorputz jarrera eta inguru berean ikasten ari delarik. [25][26]2020ko irailean, Redditit-en LoFi Girl-en bertsioak sortu ziren, herrialde edo leku jakin bateko testuinguruarekin bat etor zedin.[27][28]Will Smithek ere bere bertsioa argitaratu du, eta LoFi Girl pertsonaiaren ordez bere burua Bel-Air txanodun kirol-jertsedun agertuz.[29][30]
Shadowlands World of Warcraft bideojokoaren hedapena sustatzeko bideo jokoaren kontu ofizialak Warcraft gaitzat zuen parodia bat argitaratu zuen, Lofi Girl kanalaren "Lofi beats to relax/study to" transmisioari buruzkoa.[31][32][33]
2022an, DisneykHip hop lofi estiloan moldatutako Disneyren abestien bilduma argitaratu zuen. Albuma Minnie Mousek konpilatu bezala promozinatu zen eta kritikariek Lofi Girl-en eragin nabaria adierazi zuten.[34][35][36]