Luis Fernández de Córdova

Luis Fernández de Córdova
Irudi gehiago
Espainiako enbaxadorea Frantzian ambassador of Spain to the Kingdom of Portugal ^(en) Spanish envoy to Prussia ^(en)
Bizitza
Jaiotza	San Fernando, 1798ko abuztuaren 2a
Herrialdea	Espainia
Heriotza	Lisboa, 1840ko apirilaren 22a (41 urte)
Familia
Aita	José de Córdoba y Rojas
Hezkuntza
Hizkuntzak	gaztelania
Jarduerak
Jarduerak	diplomazialaria eta militarra
Jasotako sariak	ikusi Karlos III.aren Ordenaren Gurutze Handia
Gradua	jeneral

Luis Fernández de Córdova (San Fernando, 1798ko abuztuaren 2a – Lisboa, 1840ko apirilaren 22a) espainiar militar eta politikaria izan zen.

Bizitza

Luis Fernández de Córdova San Fernandon jaio zen, 1798ko abuztuaren 2an, tradizio militarreko familia batean. 1810ean, kadete sartu zen Cádizko Espainiako Errege Guardietako erregimentuan. Fernando VII.a Espainiakoaren erregealdian absolutismoaren alde egin zuen: 1822ko uztailaren 7an, gobernu konstituzionalaren aurka matxinatu zen eta, porrot engindakoan, Frantziara erbesteratu behar izan zuen. 1823an itzuli zen Espainiara, San Luisen Ehun Mila Semeen espedizioan.^[1]

1825-1833 bitartean, diplomazialari jardun zuen; hurrenez hurren, Paris, Kopenhage, Berlin eta Lisboako enbaxadetan aritu zen. 1833ko martxoan, landa mariskal izendatu zuten.^[1]

1834an, Lehen Gerra Karlista hasi zelarik, kristinatarren alde lerratu zen. Rodilen mende, Tomas Zumalakarregiren aurka borrokatu zen Mendazan, Arkijasen eta Bilboko lehendabiziko setioan. Vicente González Moreno garaitu zuen Mendigorriako guduan.^[1]

1836ko abuztuan Maria Kristina erregeordeak 1812ko Konstituzioa berrezarri ondoren, Frantziara alde egin zuen. Lisboan hil zen, 1840 apirilaren 22an, minbiziak jota.^[1]

Erreferentziak

1. ↑ Martín-Lanuza, Alberto. Luis Fernández de Córdoba y Valcárcel. dbe.rah.es (Noiz kontsultatua: 2024-11-9).

Kanpo estekak