Mauricie

Mauricie
	Kanada
Administrazioa
Izen ofiziala	Mauricie
Estatu burujabe	Kanada
Probintzia	Quebec
Hiriburua	Trois-Rivières
Zatiketa	ikusi urban agglomeration of La Tuque (en) , Mékinac, Les Chenaux, Trois-Rivières, Shawinigan eta Maskinongé;
Geografia
Koordenatuak	47°N 73°W / 47°N 73°W
Azalera	35.452 km²
Mugakideak	Saguenay–Lac-Saint-Jean, Capitale-Nationale, Centre-du-Québec, Lanaudière, Outaouais, Abitibi-Témiscamingue eta Laurentides
Demografia
Biztanleria	273.055 (2021); 3.374 (2020)
Dentsitatea	7,7 bizt/km²

La Mauricie Quebeceko eskualde administratiboa da. 04 kodea erabiltzen da eskualde hau identifikatzeko. Hiri nagusia Trois-Rivières da.

Geografia

Eskualde honen ardatza San Laurendiren adarra den Saint-Maurice ibaiaren arroa da. Ibai honek San Laurendirekin bat egiten duen gunean Trois-Rivières (130.407 bizt. 2010ean) hiri nagusia dago; kokapen zentrikoa du Quebeceko biztanle gehienak biltzen dituen esparruan, Montreal eta Quebec Hiriaren arteko erdibidean.

Populazioa batez ere Saint-Mauriceren azken zatiaren inguruan eta San Laurendiren ertzean pilatzen da; hiri nagusiaren atzean Shawinigan (51.904 bizt.) da handiena. Hortik iparralderantz "Mauricie garaia" (Haute-Mauricie) deritzon aldea dago; han basoak, aintzirak eta biztanleria oso urriko eremu zabala dago, non apenas nabarmentzen den Félix Leclerc abeslariaren jaioterria den La Tuque (12.187). Ipar-mendebaldeko bazterretan oraindik ere atimakekw jatorriko herriaren presentzia nagusi da.

Eskualdeak parke nazionalari (Parc national de la Mauricie) eta ibaiak fauna erreserbari (Réserve faunique du Saint-Maurice) izena ematen diete.

Mugakideak

Auzokide guztiak Quebeceko beste eskualde administratibo batzuk dira:

ekialdean Capitale-Nationale.
ipar eta ipar-ekialdean Saguenay–Lac-Saint-Jean.
iparraldean Nord-du-Québec.
ipar-mendebaldean Abitibi-Témiscamingue eta doi bat Outaouaisekin jotzen du.
azken horren ekialdean Laurentides.
mendebaldean Lanaudière.
San Laurendi ibaiaren hegoaldean Centre-du-Québec, Mauricierekin harreman estua duena. Tarte txikian Montérégierekin ere bat egiten du.

Historia

Europarrak heldu baino lehen, jatorriko herriek izen hauek ematen zizkioten eskualdeko ibai nagusia denari: atikamekwek Tapiskwan Sipi ^[1], anishinabeg -algonkinek- Metaberoutin eta abenakiek Madôbaladenitekw^[2].

Izen horrekin 1634an frantsesen eskutik jaioa, Trois-Rivières Quebecen europarrek sortutako bigarren hiririk zaharrena da, hiriburuaren ostean. Hortik aurrera kolonizazioari ekin zitzaion eta 1730ean lehen lantegi siderurgikoa ezarri zenean bultzada handia eman zitzaion, hegoaldeari dagokionez bederen.

Eskualdeko lehen kolonoetakoa izan zen Maurice Poulin de La Fontaineren omenez ibaiari Saint-Maurice izena eman zioten eta hamarkada luzeetan zonaldeari vallée de la Saint-Maurice ("Saint-Maurice ibarra") deitu zitzaio. Albert Tessierrek erabili zuen lehen aldiz Mauricie neotoponimoa 1933an. Energia elektrikoa, papergintza edota aluminioa izan dira azken mendean eskualdearen garapenaren aktibo nagusiak^[3].

1966an eskualde administratiboak sortu zirenean Trois-Rivières izena ezarri zitzaion Quebeceko erdialdean San Laurendiren bi ibarretan kokatutakoari; 1987ko abenduaren 22an Mauricie–Bois-Francs berbataiatu zuten baina 1997ko uztailaren 30ean desagertu zen: Mauricie (ibarrezkerra) eta Centre-du-Québec (ibarreskuina, Bois-Francs zena) jaio ziren.

Demografia

Biztanleria: 260.078 (2005)
Azalera: 35.452 km²
Dentsitatea: 7.3 bizt./km²
Jaiotza-tasa: ‰ 7.6 (2005)
Heriotza-tasa: ‰ 9 (2005)^[4]

Jatorriko herriak

Mauricieko biztanleriaren gehiengo erabatekoa zuri frantses hiztuna bada ere, eskualdeko ipar-mendebaldeko esparru handian atikamekw herriaren lurraldeak daude. Beren hiru komunitateetatik bi (Wemotaci, Opitciwan) Mauricien daude.

Banaketa administratiboa

Eskualde honek 3 "Eskualdeko konderriko udalerri" (MRC) ditu eta bere baliokideak diren beste 3 lurralde; oro har 47 udalerri edo lurralde baliokide ditu. MRCak, baliokideak eta beren hiriburuak:

MRCak

MRCen baliokideak

La Tuqueko aglomerazioa. Atikamekw herriaren hiru "indiar erreserbak" honen barrendegiak dira.
Shawinigan hiria.
Trois-Rivières hiria.

Erreferentziak

↑ Radio-Canada.
↑ Quebeceko toponimia batzordea.
↑ Mauricie. Guide touristique officiel 2008-2009.
↑ Iturria: Quebeceko estatistika institutua.

Ikus, gainera

Kanpo estekak

(Frantsesez) Conférence régionale des élu(e)s eskualdeko hautetsien konferentzia.
(Frantsesez) Mauricieko ataria.
(Frantsesez) Mauricie Quebeceko estatistika institutuan.
(Frantsesez) Informazio turistikoa.

Datuak: Q510572
Multimedia: Mauricie / Q510572

[1] Radio-Canada.

[2] Quebeceko toponimia batzordea.

[3] Mauricie. Guide touristique officiel 2008-2009.

[4] Iturria: Quebeceko estatistika institutua.

[1]

[2]

[3]

[4]