Najwa Nimri

Najwa Nimri
Irudi gehiago
Bizitza
Jaiotzako izen-deiturak	Najwa Nimri Urrutikoetxea
Jaiotza	Iruñea, 1972ko otsailaren 14a (52 urte)
Herrialdea	Nafarroa Garaia, Euskal Herria
Hezkuntza
Hizkuntzak	gaztelania euskara arabiera ingelesa
Jarduerak
Jarduerak	abeslaria, aktorea, zinema aktorea eta musikagilea
Lan nabarmenak	ikusi Abre los ojos Los amantes del círculo polar Lucía y el sexo El árbol de la sangre La casa de papel Vis a vis La virgen roja
Jasotako sariak	ikusi Ondas Sariak  (2015) : Vis a vis Emakumezko telebista-aktore onenaren Zilarrezko Fotogramas saria  (2019) : Vis a vis [[]]  (2019) Ondas Sariak  (1998) : Los amantes del círculo polar, Abre los ojos Sitges Grand Honorary Award  (2020) Emakumezko telebista-aktore onenaren Zilarrezko Fotogramas saria  (2021) : La casa de papel Platino Award for Best Supporting Actress in a Miniseries or TV series  (2022) : La casa de papel
Kidetza	Najwajean ^(en)
Genero artistikoa	trip hopa
Musika instrumentua	ahotsa

Najwa Nimri Urrutikoetxea (Iruñea, 1972ko otsailaren 14a - ), Najwa Nimri izenez ezaguna den aktore eta abeslaria da.

Nimriren ama Iruñekoa da, eta aita, jordaniarra. Anaia bat, neba-erdi bat eta bi ahizpa-erdi ditu. Bere izenak arabieraz "estasia" esan nahi du. Iruñean jaioa, bera txikia zenean familia Bilboko Santutxu auzora joan zen bizitzera. 1995ean Salto al vacio^[1] filmaren errodajean Daniel Calparsoro zinema zuzendaria ezagutu zuen. Berarekin ezkondua egon zen 1995etik 2000ra bitartean. Bere semea, Teo Nabil, 2004an jaio zen eta bere aitaren izena ezkutuan mantendu du. Gaur egun, José Mendes Vieira da bere bikotekidea.

Ibilbide profesionala

Musikaria

Aktore lanetan hasi aurretik, Najwa Nimrik soul musika abesten zuen Respect taldean^[2] eta jazza Clan Club taldean^[3]. Geroago, Carlos Jeanekin batera, Najwajean taldea sortu zuen^[4]. Talde honekin No Blood (1998)^[5], Selection (2002)^[6], Ten Years After (2007)^[7] eta Till It Breaks (2008)^[8] albumak argitaratu zituen, Asfalto^[9], Guerreros^[10] eta 20 centimetros^[11] filmetako soinu bandak grabatzeaz gain. No Blood diskoak RTVEren Versión Española programaren sintonia den Dead for you^[12] single ezaguna du.

2010ean atera zuen salmentara El último primate^[13] bakarkako lehen diskoa, Alfonso Perezen produkzioa, Najwa bera eta Raúl Santosen kolaborazioarekin. [2] 2012an, bakarkako estudio album berri bat argitaratu zuen, Donde rugen los volcanes izenburupean. Bertan, Raúl Santosen parte-hartzea izan zuen berriz ere, eta abeslariak musika estilo elektroniko minimalista eta iragan akustikokoarekin jotzen du berriro. Albumeko abesti guztiak gaztelaniaz abesten ditu. Urte bereko apirilaren amaieran, Najwak Donde rugen los volcanes diskoaren bideoklipa kaleratu zuen, Lanzarote uhartean grabatutako lehen singlea, Virgili Juberoren zuzendaritzapean. 2014an argitaratu zuen Rat Race izeneko azken lana. Diskoak dantza egiteko moduko musika elektronikoko hamar pieza ditu, Matias Eisen eta Didi Gutmanekin batera sortutakoak.

Najwajean taldearekin

Urtea	Disko	Chart	Salmentak
2008	Till it breaks	#16	--
2002	Selection	#108	3000
2002	Guerreros (BSO)	#88	4100
2000	Asfalto (BSO)	#175	1200
1998	No Blood	#80	4500
		Guztira	12800

Bakarka

Urtea	Disko	Chart	Salmentak
2006	Walkabout	#10	50000
2003	Mayday	#48	21000
2001	Carefully	#76	7100
		Guztira	90900

Aktorea

Laurogeita hamarreko hamarkadaren erdialdean hasi zen lanean. Casting batean Daniel Calparsoro ezagutu zuen, eta hark bere lehen film luzea interpretatzeko aukera eman zion: Salto al vacio^[1]. Ordutik, ibilbide luzea egin du zineman eta telebistan. Abre los ojos^[14], Los amantes del círculo polar^[15], Lucía y el sexo^[16], También la lluvia^[17], El árbol de la sangre^[18] eta La virgen roja ^[19]filmetan parte hartu du. La casa de papel^[20], Vis a vis^[21] eta Sagrada familia^[22] telesailetan egindako paperengatik egin zen ospetsu nazioartean.

Bere aktore lanagatik, bi Zilarrezko Fotograma, bi Ondas Sari, Platino Sari bat, Valladolideko Nazioarteko Zinema Astean Ohorezko Galburua eta Sitgeseko Zinemaldian Ohorezko Sari Nagusia irabazi ditu, besteak beste.^[23]

Zineman

Urtea	Filma	Zuzendaria
2013	10.000 noches en ninguna parte	Ramón Salazar
2012	The Wine of Summer	Maria Matteoli
2011	Verbo	Eduardo Chapero-Jackson
2010	También la lluvia	Icíar Bollaín
2010	Todo lo que tú quieras	Achero Mañas
2010	Route Irish	Ken Loach
2010	Room in Rome	Julio Medem
2007	Mataharis	Icíar Bollaín
2007	Oviedo Express	Gonzalo Suárez
2006	Trastorno	Fernando Cámara
2006	Las vidas de Celia	Antonio Chavarrías
2005	El método	Marcelo Piñeyro
2005	20 centímetros	Ramón Salazar
2004	A + (Amas)	Xabier Ribera
2004	Agents secrets	Frédéric Schoendoerffer
2003	Utopía	María Ripoll
2003	La reina del bar Canalla	Daniel Azancot
2002	Piedras	Ramón Salazar
2001	Fausto 5.0	Isidro Ortiz, Álex Olle eta Carlos Padrissa
2001	Before Night Falls	Julian Schnabel
2001	Lucía y el sexo	Julio Medem
2000	Guerreros	Daniel Calparsoro
2000	Asfalto	Daniel Calparsoro
1999	The Citizen	Jay Anania
1998	Los amantes del círculo polar	Julio Medem
1998	9'8m/s²	Alfonso Amador eta Nicolás Méndez
1997	Abre los ojos	Alejandro Amenábar
1997	A ciegas	Daniel Calparsoro
1996	Pasajes	Daniel Calparsoro
1995	Salto al vacío	Daniel Calparsoro

Telebistan

Urtea	Seriea	Pertsonaia	TB katea edo plataforma	Atalak
2015 – 2019	Vis a vis	Zulema Zahir	Antena 3 (2015–2016) FOX Espainia (2018–2019)	40 atal
2019 –	La casa de papel	Alicia Sierra Montes	Netflix	16 atal
2020	Vis a vis: El oasis	Zulema Zahir	FOX Espinia	8 atal
2023	30 monedas [24]		HBO Max	2. denboraldia 8 atal

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

1. ↑ (Gaztelaniaz) Salto al vacío (1995). (Noiz kontsultatua: 2025-01-02).
2. (Gaztelaniaz) Iñiguez, Fernando. (1996-07-06). «Respect hace sonar el calor del nuevo 'soul' español» El País ISSN 1134-6582. (Noiz kontsultatua: 2025-01-02).
3. «CLAN CLUB - EnlaceFunk Shop» enlacefunk.com (Noiz kontsultatua: 2025-01-02).
4. (Gaztelaniaz) Najwajean - SUEÑOS MUSICALES. (Noiz kontsultatua: 2025-01-02).
5. (Ingelesez) NajwaJean - No Blood. 1998 (Noiz kontsultatua: 2025-01-02).
6. (Ingelesez) NajwaJean - Selection. 2002 (Noiz kontsultatua: 2025-01-02).
7. (Ingelesez) NajwaJean - 10 Years After. 2007 (Noiz kontsultatua: 2025-01-02).
8. (Ingelesez) NajwaJean - Till It Breaks. 2008 (Noiz kontsultatua: 2025-01-02).
9. (Gaztelaniaz) Asfalto (2000). (Noiz kontsultatua: 2025-01-02).
10. (Gaztelaniaz) Guerreros (2002). (Noiz kontsultatua: 2025-01-02).
11. (Gaztelaniaz) 20 centímetros (2005). (Noiz kontsultatua: 2025-01-02).
12. (Ingelesez) «Dead for you» open.spotify.com (Noiz kontsultatua: 2025-01-02).
13. (Ingelesez) Najwa - El Último Primate. 2010 (Noiz kontsultatua: 2025-01-02).
14. (Gaztelaniaz) Abre los ojos (1997). (Noiz kontsultatua: 2025-01-02).
15. (Gaztelaniaz) Los amantes del círculo polar (1998). (Noiz kontsultatua: 2025-01-02).
16. (Gaztelaniaz) Lucía y el sexo (2001). (Noiz kontsultatua: 2025-01-02).
17. Even the Rain (2010) - IMDb. (Noiz kontsultatua: 2025-01-02).
18. (Gaztelaniaz) El árbol de la sangre (2018). (Noiz kontsultatua: 2025-01-02).
19. (Gaztelaniaz) La virgen roja (2024). (Noiz kontsultatua: 2025-01-02).
20. (Gaztelaniaz) La casa de papel (Serie de TV) (2017). (Noiz kontsultatua: 2025-01-02).
21. (Gaztelaniaz) Vis a vis (Serie de TV) (2015). (Noiz kontsultatua: 2025-01-02).
22. (Gaztelaniaz) Sagrada familia (Serie de TV) (2022). (Noiz kontsultatua: 2025-01-02).
23. (Gaztelaniaz) «Najwa Nimri - Principales premios personales» FilmAffinity (Noiz kontsultatua: 2025-01-02).
24. (Gaztelaniaz) Garay, Jon. (2023-07-11). «Primer 'teaser' de la segunda temporada de '30 monedas'» El Correo (Noiz kontsultatua: 2023-07-14).

Kanpo estekak

• Najwa Nimri
• Najwa Nimriren biografia, Euskonews Gaztea aldizkarian.^{[Betiko hautsitako esteka]}