Patricia Elorza

Patricia Elorza
	; (2013) Irudi gehiago
Bizitza
Jaiotzako izen-deiturak	Patricia Elorza Eguiara
Jaiotza	Gasteiz, 1984ko apirilaren 8a (40 urte)
Herrialdea	Araba, Euskal Herria
Hezkuntza
Hizkuntzak	gaztelania
Jarduerak
Jarduerak	eskubaloi jokalaria
Ibilbidea
	Parte-hartzailea 2012ko Udako Olinpiar Jokoak ; 2016ko Udako Olinpiar Jokoak ;
Posizio edo espezialitatea	alboko erasotzailea; pibota
Kirol zenbakia	13
Pisua	78 kilogramo
Altuera	180 zentimetro
Jasotako sariak	ikusi Lan Onari (2012) ; Kirol Merezimenduaren Espainiako Errege Ordena ;

Patricia Elorza Eguiara (Gasteiz, 1984ko apirilaren 8a) arabar eskubaloi jokalaria da. Ezker hegaleko posizioan jokatzen du eta ondo moldatzen da defentsan batez ere. Espainiako talde nazionalarekin brontzezko dominak irabazi ditu Londresko Olinpiar Jokoetan (2012) eta Brasilgo Munduko Txapelketan (2011). Aldiz, zilarrezkoa Hungaria eta Kroaziako Europako Txapelketan (2014).^[1] 2018an utzi zion eskubaloian jokatzeari.^[2]

Taldeak

Gasteizko Eharialdeko beheko kategorietan hezia, Bera Bera eskubaloi taldean jarraitu zuen bere kirol ibilbidea. Azken talde honen beheko mailetan hasi zen 2002/03 denboraldian eta Ohorezko Mailako taldera iritsi zen. Ondoren, Barakaldoko Zuazo eskubaloi taldean aritu zen denboraldi batez.

2004an Balonmano Castro Urdialesekin sinatu zuen. Bertan zortzi denboraldi eman zituen eta ospe handia lortu zuen. Zortzi denboraldi horietatik, azken laurak ABF Ligan izan ziren (Ohorezko Mailan). 2011/12 denboraldian, taldeko golegile nagusia izan zen 139 golekin, eta Ohorezko Mailan bederatzigarren golegilea izan zen.

2012/13 denboraldian Bera Bera Eskubaloi taldera bueltatu zen. Donostiako taldean, arrakasta ugari lortu zituen, eta mailako jokalari gisa nabarmendu zen (batez ere defentsaren arloan). 2012/13 eta 2013/14 bi denboraldietan, euskal taldea txapelduna izan zen Ligan, Erreginaren Kopan eta Espainiako Superkopan. Bera Beran jokatu zuen azken denboraldian (2014/15), Ligako titulua eta Superkopakoa lortu zituen.

Bera Beran lortutako arrakastaren ondoren, gasteiztarrak Frantziako eskubaloian esperientzia berri bat probatzea erabaki zuen, Frantziako eskubaloiko Ligako Besançonen eskutik. 2016an itzuli zen berriro Bera Berara,^[3] eta urtebete geroago Zuazok fitxatu zuen. Bertan amaitu zuen bere ibilbidea, hainbat lesiok markatuta.^[4]

Espainiako Selekzioa

Patri Elorza 112 aldiz izan da internazionala emakumezkoen selekzioarekin, eta 71 gol sartu ditu, defentsa lanetan gehiago parte hartzen duelako.

Olinpiar Jokoetan parte hartzea
Jokoak	Egoitza	Emaitza	Partidak	Golak
Londresko Joko Olinpikoak 2012	Erresuma Batua	Brontzea
Rioko Joko Olinpikoak 2016	Brasil	Seigarren postua

Emakumezkoen Munduko Eskubaloi Txapelketak
Munduko Txapelketa	Egoitza	Emaitza	Partidak	Golak
2011ko Emakumezkoen Munduko Eskubaloi Txapelketa	Brasil	Hirugarren postua
2013ko Emakumezkoen Munduko Eskubaloi Txapelketa	Serbia	Hamargarren postua
2015ko Emakumezkoen Munduko Eskubaloi Txapelketa	Danimarka	Hamabigarren postua	6	4

Europako Txapelketetan parte hartzea
Europako Txapelketa	Egoitza	Emaitza	Partidak	Golak
2012ko Emakumezkoen Europako Eskubaloi Txapelketa	Serbia	2. fasea
2014ko Emakumezkoen Europako Eskubaloi Txapelketa	Hungaria eta Kroazia	Txapeldunordea

Erreferentziak

↑ Patricia Elorza Eguiara. coe.es (Noiz kontsultatua: 2016-8-6).
↑ (Gaztelaniaz) Radio, Castro Punto. (2018-05-28). «PATRICIA ELORZA, EX JUGADORA DEL CLUB BALONMANO CASTRO E INTERNACIONAL ABSOLUTA EN 112 OCASIONES, SE RETIRA DEL BALONMANO • Castro Punto Radio» Castro Punto Radio (Noiz kontsultatua: 2023-12-12).
↑ (Gaztelaniaz) DV. (2016-06-21). «Patricia Elorza vuelve al Bera Bera tras un año en Francia» El Diario Vasco (Noiz kontsultatua: 2023-12-12).
↑ (Gaztelaniaz) Jiménez, Olga. (2018-05-30). «Patri Elorza se despide del balonmano después de 13 años y 112 internacionalidades» El Correo (Noiz kontsultatua: 2023-12-12).

Kanpo estekak

EHFko fitxa^{[Betiko hautsitako esteka]}, eurohandball.com

Datuak: Q581362
Multimedia: Patricia Elorza / Q581362

[1] Patricia Elorza Eguiara. coe.es (Noiz kontsultatua: 2016-8-6).

[2] (Gaztelaniaz) Radio, Castro Punto. (2018-05-28). «PATRICIA ELORZA, EX JUGADORA DEL CLUB BALONMANO CASTRO E INTERNACIONAL ABSOLUTA EN 112 OCASIONES, SE RETIRA DEL BALONMANO • Castro Punto Radio» Castro Punto Radio (Noiz kontsultatua: 2023-12-12).

[3] (Gaztelaniaz) DV. (2016-06-21). «Patricia Elorza vuelve al Bera Bera tras un año en Francia» El Diario Vasco (Noiz kontsultatua: 2023-12-12).

[4] (Gaztelaniaz) Jiménez, Olga. (2018-05-30). «Patri Elorza se despide del balonmano después de 13 años y 112 internacionalidades» El Correo (Noiz kontsultatua: 2023-12-12).

[1]

[2]

[3]

[4]