Periko Alonso

Periko Alonso
Irudi gehiago
Bizitza
Jaiotza	Tolosa, 1953ko otsailaren 1a (71 urte)
Herrialdea	Gipuzkoa, Euskal Herria
Familia
Seme-alabak	ikusi Xabier Alonso Mikel Olano
Hezkuntza
Hizkuntzak	gaztelania
Jarduerak
Jarduerak	futbolaria eta futbol entrenatzailea
Ibilbidea Taldeak Urteak J G Tolosa Futbol Kluba 1972 / 1974 Real Sociedad B 1974 / 1977 Real Sociedad 1977 / 1982 154 25 Espainiako futbol selekzio nazionala 1981 / 1981 2 1 Bartzelona Futbol Kluba 1982 / 1985 52 4 CE Sabadell 1985 / 1988 103 17
Parte-hartzailea 1982ko Munduko Futbol Txapelketa
Posizio edo espezialitatea	erdilaria
Altuera	1,78 metro

Miguel Ángel Alonso Oiarbide edo Periko Alonso (Tolosa, Gipuzkoa, 1953ko otsailaren 1a-) futbolari eta entrenatzaile gipuzkoarra izan da.

Xabi Alonso eta Mikel Alonso jokalarien aita da baita ere.

Jokalariaren ibilbidea

Errealean 1977tik 1982ra jokatu zuen. Urrezko urteetan talde gogoangarri haren partaidea izan zen, 1981 eta 1982an Liga bana lortu zuena.

1983an FC Barcelonan jokatzera joan zen eta eurekin Errege Kopa eta Superkopa 1983an eta Liga 1985ean lortu zuen.

1988an amaitu zuen bere ibilbidea jokalari moduan Sabadellen.

Espainiako futbol selekzio nazionalarekin 20 partida jokatu eta gol 1 sartu zuen.

Entrenatzailearen ibilbidea

Entrenatzaile bilakatu eta berehala hasi zen lan horretan. 1989tik 1993ra bitartean, Real Sociedad B taldea entrenatu zuen bigarren B mailan, eta maila berean jokatzen zuen Beasain taldearen ardura izan zuen 1993tik 1995era. Ondorengo hiru urteak, 1998 arte, Eibar taldeko entrenatzaile bezala eman zituen, bigarren mailan, eta Eibar utzi ondoren maila berean ziharduen Hercules taldearen ardura hartu zuen hurrengo denboraldian. Lehen mailarako jauzia 2000. urteko urrian egin zuen, une hartan egoera latzean zegoen Real Sociedad taldean Javier Clementek utzitako lekua betez. Taldearen egoerak ez zuela onera egiten eta, Realeko entrenatzaile izateari utzi zion 2000 urteko abenduan, eta orduan adierazi zuen ez zuela inoiz beste talde bat entrenatuko.

• Tolosa FK: ?
• Real Sociedad B: 1989-1993.
• Beasain KE: 1993-1995.
• SD Eibar: 1995-1997.
• Hercules CF: 1998-2000.
• Real Sociedad (2000).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Ikus, gainera

• Errealeko futbolarien zerrenda

Kanpo estekak

• (Gaztelaniaz)Jokalariaren informazioa Errealaren webgunea