Sean Scully

Sean Scully
(2015) Irudi gehiago
Bizitza
Jaiotza	Dublin, 1945eko ekainaren 30a (79 urte)
Herrialdea	Ameriketako Estatu Batuak  Irlandako Errepublika
Hezkuntza
Heziketa	Harvard Unibertsitatea Newcastle University ^(en)
Hizkuntzak	ingelesa
Jarduerak
Jarduerak	margolaria, unibertsitateko irakaslea, ilustratzailea, artista grafikoa eta artista
Lantokia(k)	Ameriketako Estatu Batuak Londres Newcastle upon Tyne New York Bartzelona eta Munich
Enplegatzailea(k)	Municheko arte ederren akademia
Jasotako sariak	ikusi honorary doctor of the Miguel Hernández University of Elche  (2007ko otsailaren 26a) John Simon Guggenheim Memorial Foundation beka
Kidetza	Aosdána ^(en) Royal Academy of Arts

Sean Scully (Dublin, 1945eko ekainaren 30a) irlandar margolaria da.

Croydon College of Art eskolan, Newcastle Unibertsitatean, eta Harvarden egin zituen ikasketak. 1973-1975 bitartean Chelsea School of Arten eta Londresko Unibertsitateko Goldsmith Collegen lan egin zuen irakasle gisa. Bien bitartean bakarkako bere lehen erakusketa egin zuen, Rowan Galleryn (1973). Lehen aldi figuratibo kaligrafiko baten ondoren, 1970eko hamarraldiaren hasieran abstrakziora egin zuen, Pollocken eta Mondrianen argitasun plastikoaren eraginpean. Denbora horretan sareta modukoak egiten jarraitu zuen, lerro diagonalekin, gainaldeari eta sakontasunari buruzko hausnarketa moduan. 1975ean Estatu Batuetara joan zen eta eskolak eman zituen Princeton Unibertsitatean. Erakusketak egin zituen Santa Monicako Torutue Galleryn (1975), eta New Yorkeko Buffy-Gibbsen. 1974tik aurrera halako kromatismo itzaltsu bat agertu zen bere obran, eta bere konposizioak estatikoagoak eta zorrotzagoak egin ziren: "gotorleku koadroak" ziren. 1980ko hamarraldian pintzelkada lodiak eta era askotako egiturak eta koloreak erabiliz hasi zen margotzen. Scullyk "marra" erabili du bere obra osoaren ezaugarri nagusitzat, mendebaldeko kulturaren topiko bat delako, eta kultura horri buruzko gogoeta egiten saiatzen da marraren bidez.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.