Soledad Miranda

Soledad Miranda
Bizitza
Jaiotza	Sevilla, 1943ko uztailaren 9a
Herrialdea	Portugal  Espainia
Heriotza	Lisboa, 1970eko abuztuaren 18a (27 urte)
Hobiratze lekua	Cemetery of Lumiar ^(en)
Heriotza modua	istripuzko heriotza: trafiko-istripua
Hezkuntza
Hizkuntzak	gaztelania
Jarduerak
Jarduerak	aktorea, abeslaria eta zinema aktorea
Musika instrumentua	ahotsa
soledadmiranda.com

Soledad Rendón Bueno, ezagunagoa Soledad Miranda, Susann Korda edo Susan Korday izenez (Sevilla, 1943ko uztailaren 9a - Lisboa, Portugal, 1970eko abuztuaren 18a)^[1] sevillar aktorea eta abeslaria izan zen, hirurogeiko hamarkadan eta bereziki hirurogeita hamarreko hamarkadaren hasieran nabarmendu zena.^[2][3][4]

Bizitza

Mercedes Bueno eta Juan Anton Rendonen alaba zaharrena izan zen. Aitak, Paquita Rico aktore eta abeslariaren lehengusu-nebak, bost anaia-arreba izan zituen: Ana, Armando, Carmen, Mercedes eta Maria Elena. Sevillako Ciudad Jardín auzoan jaio zen, geroago Triana auzoan hazi zen.

Ibilbide artistikoa

Oso gazterik egin zuen debuta zineman, 17 urte besterik ez zituenean, La reina del Tabarín filmeko paper txiki batean, ondoren bere zuzendari nagusia izan zen Jesús Francoren aginduetara lan egin zuen.

Zinemako hastapenak oharkabeak izan ziren, baina hogei bat filmetan parte hartu zuen, besteak beste, garaiko komedietan, Italian filmatutako spaguetti-westernetan eta peplum izenekoetan. Bere ibilbidea erabat aldatu zen Jesus Francok bere bizitzan berriro topo egin eta Christopher Leeren alboan El conde Drácula (1970) filmean emakumezkoen rol nagusia interpretatzea proposatu zionean.

Jarraian, genero horretako musetako bat bihurtu zuen hainbat film egin zituen, seduzitzailea, banpirikoa eta beldurrezkoa.

1967an izan zuen seme bakarra, Jose Antonio.

Istripua eta heriotza

27 urte zituela hil zen Lisboako errepide batean izandako auto istripu batean.^[5] 1970eko abuztuaren 18an, Soledad Miranda aktorea zihoan autoak kamioi bat jo zuen Cascais eta Estoril herrien arteko errepidean. Ibilgailua bere senarrak, Jose Manuel de Conceiçao Simöes portugaldarrak, gidatzen zuen, 1966an berarekin ezkondu zenean, auto-pilotu profesionala zen. Soledadek halaxe eskatuta, denbora zeraman lasterketa-probetatik urrun. Emakumea Lisboako San Jose Ospitalera eraman zuten, eta handik gutxira hil zen.^[6]

Heriotza goiztiarraren berri izan zuen lehen pertsonetako bat Jesus Franco zuzendaria bera izan zen, Artur Brauner produktore exekutibo alemaniarrarekin Estorilera joan zena. Hurrengo urteetan hainbat filmetako protagonista izateko kontratua zeramaten. "Hotel batean genuen hitzordua berarekin, baina bi orduz zain egon ostean, oso harrituta, oso formala eta puntuala baitzen, deitu egin ziguten trafiko istripua izan zuela esateko".^[7]

Bere gorpuzkiak Lisboako (Portugal) Lumiar hilerrian lurperatu ziren.^[8]

Filmografia

Beteak beste, lan hauexetan hartu zuen parte:^[9]

• La bella Mimí (1960) — Lehen dantzaria
• La reina del Tabarín (1960) — Dukesa (akreditazio gabea)
• Ursus (1960) — Fillide
• Canción de cuna (1961) — Teresa
• El valle de las espadas (1963) — María Estévez
• Eva 63 (1963) — Soledad
• Pyro (1963) — Liz Frade
• Cuatro bodas y pico (1963)
• Bochorno (1963)
• Las hijas de Helena (1963) — Mari Pó
• Los gatos negros / A canção da Saudade (1964) — Babá
• Un día en Lisboa (1964) - Bere burua
• Fin de semana (1964)
• Playa de Formentor (1964)
• Currito de la Cruz (1965) — Rocío
• El sonido de la muerte (1965) — Maria
• La familia y uno más (1965) — Patricia
• ¡Es mi hombre! (1966) — Leonor Jiménez
• Sugar Colt (1966) — Josefa
• Cervantes (1966) — Nessa
• 100 Rifles (1969) — Girl in Hotel
• Estudio amueblado 2-P (1969) — Maribel
• Soltera y madre en la vida (1969) — Paloma
• Lola la piconera (1969) — Rosarillo
• El conde Drácula (1970) — Lucy Westenra
• Cuadecuc, vampir (1970) — Bere burua
• Nightmares Come at Night (1970) — auzokidearen emaztegaia
• Sex Charade (1970) — Anna
• Eugénie de Sade (1970) — Eugénie de Franval
• Vampyros Lesbos (1970) — Nadine Carody kondesa
• She Killed in Ecstasy (1970) — Mrs. Johnson
• El diablo que vino de Akasawa (1971) — Jane Morgan
• Juliette (1970, inacabada) — Juliette

Diskografia

Soledad Mirandak bi Extended Play disko grabatu zituen Belter zigilu espainiarrarekin, eta horietako bakoitzeak 4 abesti zituen:

Belter 51.451 (1964)

Cuarteto Latina taldeak lagunduta

• Lo que hace a las chicas llorar
• No leas mi carta
• Amor perdóname
• Pelucón

Belter 51.598 (1965)

Adolfo Ventasek zuzendutako orkestra

• El color del amor
• Chim mentón chery
• La Verdad
• No lo quiero

Erreferentziak

1. (Ingelesez) «Soledad Miranda | Actress» IMDb (Noiz kontsultatua: 2024-06-27).
2. ISSN https://www.soledadmiranda.com/bio.html..
3. (Gaztelaniaz) «Quién fue Soledad Miranda, la actriz española fallecida cuya popularidad se ha disparado» ElHuffPost 2020-07-16 (Noiz kontsultatua: 2024-06-27).
4. «Murió Soledad Miranda (Muerte de Soledad Miranda a los 27 años)» Mediamass (Noiz kontsultatua: 2024-06-27).
5. Ha muerto en Lisboa la actriz española Soledad Miranda. ABC 20 de agosto de 1970.
6. (Gaztelaniaz) Román, Manuel. (2019-08-31). «Soledad Miranda, musa del cine de terror y erótico» Libertad Digital - Cultura (Noiz kontsultatua: 2024-06-27).
7. (Gaztelaniaz) «Documental | Soledad Miranda. Una flor en el desierto» www.canalsur.es (Noiz kontsultatua: 2024-06-27).
8. findagrave.com
9. (Gaztelaniaz) «Soledad Miranda - 09 de Julio de 1943 - Edad | Biografía | Películas | Noticias | Filmografía | Premios» Decine21 2024-06-19 (Noiz kontsultatua: 2024-06-27).

Bibliografia

• Gregor Overzier: Soledad Miranda / Susana Kordain Norbert Stresau, Heinrich Wimmer.(Hrg. ): phantastischen Enzyklopädie des Films, 70, Ergänzungslieferung, Corian, Meitingen 2004.
  

Kanpo estekak

• Soledad Miranda Internet Movie Databaseren webgunean (Ingelesez)
• Soledad Miranda: Blood Queen