Daniele Silvestri

Daniele Silvestri dal vîf in tal 2007

Daniele Silvestri (Rome , 18 di Avost 1968) al è un cjantautôr talian. Fi di Alberto, scritôr e autôr, sô mari e je une cjantante jazz.

La sô cariere musicâl e scomence intal 1994 cul sô prin disc Daniele Silvestri, premiât cu la Targhe Tenco. Al partecipe al Festival di Sanremo intal 1995, inte categorie dai zovins cu la cjançon L'uomo col megafono. Ancje la cjançon Le cose in comune e ven premiade cu la Targhe Tenco. Dutis dôs lis cjançons a vegnin publicadis tal seont disc Prima di essere un uomo.

Tal mês di Jugn dal 1996 al scrîf lis musichis dal film Cuori al verde, e lis musichis dal spetacul teatrâl Repertorio dei pazzi della citta' di Palermo, premiât cul Premi Nazionâl ETI zovins pal teatri.

Tal mês di Otubar dal stes an, al publiche il so tierç disc Il dado. In chest album al sune ancje Max Gazzè. Tal 1999 al partecipe di gnûf al Festival di Sanremo, dulà che al cjante Aria une cjançon che e fevele de vite inte preson. Cheste cjançon e ven premiade cul premi de critiche Mia Martini. Al publiche il cuart disc, Sig Dapatas.

Inte estât dal 2000 al scrîf lis musichis dal spetacul teatrâl Tango, che al fevele dai desaparecidos argjentins. Al publiche Occhi da orientale-il miôr di Daniele Silvestri.

Intal 2002 al torne al Festival di Sanremo cun Salirò, cjançon che e sarà une des plui scoltadis e mitudis pes radios. Cheste cjançon sarà immò premiade cul premi de critiche Mia Martini. Tal 2003 al publiche L'autostrada, libri che al conte il so tour e la sô ativitât musicâl cun fotos, tescj e pagjinis di diari.

Intal 2004 al jes il so prin disc dal vîf Livre trânsito cu la cjançon inedite Kunta Kinte scrite a cuatri mans cul rapper Frankie HI-NRG MC.

Intal 2007 al rive cuart al festival di Sanremo cu la cjançon La paranza. Ai 2 di Març dal stes an, al publiche Il latitante. Dôs cjançons di chest disc a fasin part de colone sonore dal film Notturno bus.

Curiositâts

[cambie | modifiche il codiç]

Al à une relazion sentimentâl cu la atore Simona Cavallari e al è pari di doi fruts, Pablo Alberto e Santiago Ramon, nassûts intal 2001 e intal 2004.

Al è tifôs de AS Rome.

Discografie

[cambie | modifiche il codiç]

Albums

[cambie | modifiche il codiç]


45 zîrs

[cambie | modifiche il codiç]

Leams esternis

[cambie | modifiche il codiç]