Easthim
| Easthim | ||
| ||
| Doarpssicht | ||
| Emblemen | ||
 
| ||
| Bestjoer | ||
| Lân |  Nederlân
| |
| Provinsje |  Fryslân
| |
| Gemeente | Súdwest-Fryslân | |
| Sifers | ||
| Ynwennertal | 455 (1 jannewaris 2023)[1] | |
| Oerflak | 7,67 km², wêrfan - lân: 7,03 km² - wetter 0,64 km² | |
| Befolkingsticht. | 63 ynw./km² | |
| Oar | ||
| Tiidsône | UTC +1 | |
| Simmertiid | UTC +2 | |
| Koördinaten | 53° 13' N 5° 54' E | |
| ||
| Himrik Easthim yn 'e eardere gemeente Wymbritseradiel | ||
| Offisjele webside | ||
| Website Easthim | ||
| Kaart | ||
  | ||
Easthim (Nederlânsk en offisjeel: Oosthem) is in doarp west fan Drylts yn 'e gemeente Súdwest-Fryslân. Yn 'e himrik fan Easthim lizze ek de buorskippen Draeisterhuzen en (foar it grutste part) Nijesyl. In oar diel fan Nijesyl heart by Drylts.
It doarp hat 455 (1 jannewaris 2023)[2] ynwenners.
Skiednis
[bewurkje seksje | boarne bewurkje]
Easthim ûntstie yn 'e midsiuwen op in terp en waard al gau in doarp. It doarp hiet yn 1453 Aesthem, yn 1492 Oosthem, yn 1505 Oestheem en yn 1579 Aestem. De plaknamme ferwiist nei in him, in ynpoldere stik lân.
De midsiuwske oan Jehannes Baptist wijde tsjerke waard mei de âlde sealtektoer yn 1860 ôfbrutsen en ferfongen troch de hjoeddeiske Jehannestsjerke. Yn 1897 krige it doarp noch in grifformearde tsjerke, dêr yn 2008 foar it lêst in tsjinst holden waard.[3]
Foar de gemeentlike weryndieling fan 2011 lei Easthim yn 'e gemeente Wymbritseradiel (1984-2011), wylst it foar de weryndieling fan 1984 diel útmakke fan it âlde âlde Wymbritseradiel.
Mienskip
[bewurkje seksje | boarne bewurkje]
It yn 1989 opknapte Himsterhûs is it doarpshûs. Alle moannen ferskynt it doarpskrantsje "Kontakt".
Tsjerke
[bewurkje seksje | boarne bewurkje]Gebouwen yn Easthim:
- Jehannestsjerke, de eardere herfoarme en tsjintwurdige PKN-tsjerke
- Grifformearde tsjerke, tsjintwurdich it tsjerklik sintrum fan de PKN
Skoalle
[bewurkje seksje | boarne bewurkje]Yn 1983 waard de nije basisskoalle 'East Kime' iepene. Dêr wie ek in Frysktalich pjutteboartersplak 'De Himsterhummels'. Nei't de skoalle 'Bernegea' fan Abbegea yn 2012 sletten waard en de bern fan dy skoalle nei de 'East Kime' ferhûzen, fusearre de skoalle fan Easthim yn 2015 mei de skoalle 'De Gearrin' fan Folsgeare. Ek dy skoalle waard te lyts en yn 2018 fusearre 'De Gearrin' mei de Prot.-kr. basisskoalle 'De Earste Trimen' yn Nijlân.
Ferienings
[bewurkje seksje | boarne bewurkje]- Begraffenisferiening Easthim
- Fanfare Hâld Moed Easthim
- Fûgelwacht Drylts en Easthim
- Oranjeferiening Easthim
- Sjongferiening Nije Moed
- Toanielferiening Op Triljende Skonken
Befolkingsûntwikkeling
[bewurkje seksje | boarne bewurkje]| Jier | 1850 | 1954 | 1959 | 1964 | 1969 | 1973 | 2006 | 2011 | 2015 | 2020 |
|---|---|---|---|---|---|---|---|---|---|---|
| Ynwenners | 450 | 507 | 477 | 455 | 416 | 481 | 459 | 417 | 421 | 441 |
Berne
[bewurkje seksje | boarne bewurkje]- Henricus Eskelhoff Gravemeijer (1878-1967), predikant en politikus.
- Roel Oostra (1921), tekstskriuwer en regisseur.
- Ynte Wiepkes Tiesma (1857-1935), feehâlder en bestjoerder.
Ferskaat
[bewurkje seksje | boarne bewurkje]Yn galery Easthim oan it Hernepaed wurde regelmjittich eksposysje organisearre.
Strjitten yn Easthim
[bewurkje seksje | boarne bewurkje]- Sjoch: Strjitten yn Easthim
Sjoch ek
[bewurkje seksje | boarne bewurkje]Publikaasjes
[bewurkje seksje | boarne bewurkje]- T.E. van Popta - Waar eens de Johanneskerk stond (1995)
- E. Hekman - Van Houtkooperschen, Scheepsbouwers en Boeren, (Drylsts, Nijesyl en Easthim yn ferfleine jierren) (2000)
- T.E. van Popta - De school van Oosthem door de eeuwen heen (2007)
| Boarnen, noaten en/as referinsjes: | ||
|
