Rodney A. Grant
| Rodney A. Grant | ||
 akteur
| ||
| persoanlike bysûnderheden | ||
| echte namme | Rodney Arnold Grant | |
| nasjonaliteit |  Amerikaansk
| |
| berne | 9 maart 1959 | |
| berteplak | Macy (Nebraska) | |
| etnisiteit |  Omaha
| |
| jierren aktyf | 1988 – no | |
| offisjele webside | ||
| Rodney A. Grant yn 'e IMDb | ||
Rodney A. Grant (folút: Rodney Arnold Grant; Macy (Nebraska), 9 maart 1959) is in Amerikaansk akteur fan etnysk Yndiaansk komôf. Hy waard it bekendst mei de rol fan 'e Lakota-kriger Wind-in-His-Hair yn 'e mei ferskate Oscars bekroande westernfilm Dances with Wolves.
Libben en karriêre
[bewurkje seksje | boarne bewurkje]Jonkheid en komôf
[bewurkje seksje | boarne bewurkje]Grant waard yn 1959 berne yn Macy, yn 'e Amerikaanske steat Nebraska, it haadplak fan it Omaha Yndianereservaat. Hy is in etnyske Omaha-Yndiaan, en in lid fan 'e federaal erkende Omaha Stamme fan Nebraska en Iowa. Hy groeide op yn it Omaha Reservaat, dêr't er grutbrocht waard troch syn pake en beppe nei't syn âlden him mei seis moanne yn 'e steek litten hiene.
Karriêre
[bewurkje seksje | boarne bewurkje]Yn 1982, doe't er 23 jier wie, ferfear Grant nei Súdlik Kalifornje om in karriêre yn 'e filmyndustry fan Hollywood nei te stribjen. Syn earste rol hied er yn 'e westernfilm War Party, út 1988. Itselde jiers dêrop figurearre er as in kriger te pearde yn Powwow Highway. Yn 1989 spile er in byrol yn 'e tillefyzjefilm The Trial of Standing Bear, oer de histoaryske rjochtsaak fan it Ponka-opperhaad Steande Bear tsjin it Amerikaanske federale regear.
Grant briek yn 1990 troch mei syn rol as de Lakota-kriger Pahíŋ Otȟáte (Wind-in-His-Hair), yn 'e mei ferskate Oscars bekroande film Dances with Wolves. Dêryn hied er û.m. Kevin Costner, Mary McDonnell, Floyd Red Crow Westerman en Graham Greene as tsjinspilers.
Oare films dêr't Grant yn spile, wiene û.m. Lakota Moon (1992), Genghis Khan: The Story of a Lifetime (1992), Geronimo: An American Legend (1993), Stolen Women, Captured Hearts (1997), White Wolves III: Cry of the White Wolf (2000), Ghosts of Mars (2001) en Just a Dream (2002). Fierders hie Grant ek lytse roltsjes yn 'e komeedzjefilm Wagons East!, út 1994, mei John Candy, en yn 'e steampunkfilm Wild Wild West, in Will Smith-fehikel út 1999.
Op 'e tillefyzje spile Grant it Mohikaanske opperhaad Chingachgook yn 'e searje Hawkeye. Teffens hied er gastrollen yn searjes as Due South, Two en Stargate SG-1. Yn 'e minysearje Son of the Morning Star, út 1991, oer George Armstrong Custer en de nederlaach fan it Amerikaanske 7e Kavaleryrezjimint yn 'e Slach oan de Little Bighorn, fertolke Grant de rol fan it ferneamde Lakota-opperhaad Mâl Hynder (Crazy Horse).
Priveelibben
[bewurkje seksje | boarne bewurkje]Grant wennet yn Súdlik Kalifornje. Hy hat fiif folwoeksen bern, wêrfan trije út in earder houlik en twa út ferskillende oare eardere relaasjes. Hy is tige aktyf yn jongereinaktiviteiten en hat bestjoerslid west fan 'e Yndiaanske Advysried foar de Boys and Girls Clubs of America.
Filmografy
[bewurkje seksje | boarne bewurkje]| Filmografy as akteur | |||
| jier | titel | rol of funksje | opmerkings |
|---|---|---|---|
| films | |||
| 1988 | War Party | de Krie | |
| 1988 | Powwow Highway | kriger te pearde | |
| 1990 | Dances with Wolves | Pahíŋ Otȟáte (Wind-in-His-Hair) | |
| 1991 | The Doors | klant yn Barney's | |
| 1992 | Genghis Khan: The Story of a Lifetime | Jamuga | ek bekend as Genghis Khan |
| 1993 | Living and Working in Space: The Countdown Has Begun | lunêr kommissaris | direkt-op-fideo útbrocht |
| 1994 | F.T.W. | Bucky Miller | |
| 1994 | Wagons East! | Little Feather | |
| 1996 | The Substitute | Johnny Glades | |
| 1997 | Vanishing Point | Edward Sunsinger | |
| 1997 | The Killing Grounds | Ned Stillwater | |
| 1998 | Two for Texas | Iron Jacket | |
| 1999 | Wild Wild West | Hudson | |
| 1999 | White Wolves III: Cry of the White Wolf | Quentin | |
| 2001 | Ghosts of Mars | Tres | |
| 2005 | Don't Come Knocking | Wild Eye | |
| 2011 | Shouting Secrets | strjitte-opperhaad | |
| 2012 | Dark Blood | Yndiaan #3 | |
| tillefyzje | |||
| 1989 | The Trial of Standing Bear | omdoarmjende Ponka | tillefyzjefilm |
| 1990 | The Making of "Dances with Wolves" | himsels | dokumintêre |
| 1991 | Son of the Morning Star | Mâl Hynder | minysearje |
| 1994–1995 | Hawkeye | Chingachgook | fêste rol, 22 ôfl. |
| 1995 | Legend | Towashie | gastrol; ôfl. Revenge of the Herd |
| 1996 | Due South | Eric | gastrol; ôfl. The Mask |
| 1996 | Two | Thomas Clear Sky | gastrol; ôfl. Dream Prisoner |
| 1997 | Big Guns Talk: The Story of the Western | himsels | dokumintêre |
| 1997 | Stolen Women, Captured Hearts | Waxanhdo | tillefyzjefilm |
| 1998 | The Staircase | Geronimo | tillefyzjefilm |
| 1998 | Stargate SG-1 | Tonané | gastrol; ôfl. Spirits |
| 1999 | The Jack Bull | Billy | tillefyzjefilm |
| 1999 | Lakota Moon | Kills First | tillefyzjefilm |
| 1999 | Safe Harbor | Del Fox | gastrol; ôfl. The Un-Thanksgiving Show |
| 2002 | Just a Dream | Cecil Running Bear | tillefyzjefilm |
| 2003 | The District | Tommy Morgan | gastrol; ôfl. The Voice Inside |
| 2023 | Coyo | plysjekommissaris Tillwell | tillefyzjefilm |
Keppelings om utens
[bewurkje seksje | boarne bewurkje]| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |