Antilopininos

Non confundir con Antilopinos ou Antilopinae.

Antilopininos Antilopini
Antilope cervicapra macho
Clasificación científica
Superreino: Eukaryota Reino: Animalia Subreino: Eumetazoa Superfilo: Deuterostomia Filo: Chordata Subfilo: Vertebrata Infrafilo: Gnathostomata Superclase: Tetrapoda Clase: Mammalia Subclase: Theria Infraclase: Eutheria Orde: Artiodactyla Familia: Bovidae Subfamilia: Antilopinae Tribo: Antilopini Hassanin e Douzery, 2003
Xéneros e Especies
Véxase o texto

Cabezas de gacelas de varios xéneros
Antidorcas ♂ (arriba á esquerda),
Gazella ♂♂ (números 2 a 8),
Eudorcas ♂♂ (parte inferior esquerda e dereita).

A dos antilopininos (Antilopini) é unha tribo de mamíferos artiodáctilos da familia dos bóvidos, subfamilia dos antilopinos.

Comprende varias especies de gacelas de mediano tamaño, que viven no Sáhara e ao redor deste deserto, no Corno de África e en Eurasia.^[1]

Características

Viven en pequenas mandas que teñen un macho territorial como líder e, ás veces, únense con outras especies de gacelas. A súa pelaxe é brillante, de cor parda ou canela. A maioría das especies teñen listas negras e marcas faciais. As femias teñen os cornos moi curtos en comparación cos machos.^[2] Alcanzan velocidades máximas deaté 60 km/h, e teñen a capacidade de saltar e xirar bruscamente. Están ben adaptados á vida en contornos abertos.^[3]

Taxonomía

Descrición

A tribo foi creada en 2003 polos científicos franceses Alexandre Hassanin, e Emmanuel J. P. Douzery, especialistas en filoxenia e anatomía comparada, no seu traballo "Molecular and morphological phylogenies of Ruminantia and the alternative position of the Moschidae". Systematic Biology 52 (2): 206-228.^[4]

Xéneros e especies

• Xénero Ammodorcas
  • Ammodorcas clarkei
• Xénero Antidorcas
  • Antidorcas marsupialis
• Xénero Antilope
  • Antilope cervicapra
• Xénero Eudorcas
  • Eudorcas rufifrons
  • Eudorcas rufina
  • Eudorcas thomsonii
• Xénero Gazella
  • Gazella arabica
  • Gazella bennettii
  • Gazella cuvieri
  • Gazella dorcas
  • Gazella erlangeri
  • Gazella gazella
  • Gazella leptoceros
  • Gazella saudiya
  • Gazella spekei
  • Gazella subgutturosa
• Xénero Litocranius
  • Litocranius walleri
• Xénero Nanger
  • Nanger dama
  • Nanger granti
  • Nanger soemmerringii
• Xénero Procapra
  • Procapra gutturosa
  • Procapra picticaudata
  • Procapra przewalskii

Notas

1. Kingdon, J. 2015. The Kingdon Field Guide to African Mammals, 2ª ed. Bloomsbury Natural History. ISBN 978-1-4729-2135-2.
2. "Gazelle Tribe: Antilopini". The Living Africa. Consultado o 16 de outubro 2018. 
3. Huffman, Brent. "Subfamily Antilopinae". Arquivado dende o orixinal o 21 de maio de 2008. Consultado o 16 de outubro de 2018. 
4. Tribe Antilopini Arquivado 17 de outubro de 2018 en Wayback Machine. en Fossilworks.

Véxase tamén

Outros artigos

• Bóvidos
• Antílopes
• Antilopinos

Ligazóns externas

• Antilopini na EOL.