Bandolera
| Bandolera | |
|---|---|
| Formato | Drama romántico |
| Creado por | Tirso Calero |
| Dirixido por | Joan Noguera |
| País de orixe |  España |
| Produción | |
| Produtor(es) executivo(s) | Jaume Banacolocha e Joan Bas |
| Localización(s) | Andalucía (s.XIX) |
| Duración | 70 min. |
| Emisión orixinal | |
| Canle de orixe | Antena 3 |
| Primeiro episodio | 10 de xaneiro de 2011 |
| Derradeiro episodio | 11 de xaneiro de 2013 |
| Na rede | |
| http://www.antena3.com/series/bandolera/ | |
   | |
| [ editar datos en Wikidata ] | |
Bandolera foi unha serie de televisión española ambientada na Andalucía do século XIX e producida por Diagonal TV para Antena 3. Foi estreada o luns 10 de xaneiro ás 22:00 horas en Antena 3,[1] para a partir do martes, ocupar a franxa da sobremesa, pasándose a emitirse ás 16.00h ata o 11 de xaneiro de 2013, cando se emitiu o último capítulo. A primeira tempada tivo 168 episodios e a segunda chegou aos 340.
En agosto de 2012 varios portais de Internet deron a coñecer a noticia de que Antena 3 ía dar fin a Bandolera a principios de xaneiro de 2013. Isto debeuse a que a cadea comprou a serie Amar en tiempos revueltos de La 1, xa que a produtora Diagonal TV rompeu o contrato con esta, polo que Antena 3 decidiu non renovar a serie porque non había espazo suficiente para tres novelas na mesma cadea. Así, a serie finalizou as súas emisións o 11 de xaneiro de 2013 para dar paso a Amar es para siempre, continuación de Amar en tiempos revueltos.
Argumento
[editar | editar a fonte]A serie baséase nos acontecementos ocorridos na localidade de Arazana na Andalucía da segunda metade do século XIX: os bandoleiros, o nacemento da Garda Civil (a súa fundación en 1844) e a aparición dos ideais anarquistas entre os oprimidos campesiños. Con todos estes ingredientes, 'Bandolera' intenta ofrecer un retrato do día a día de 1882.
O eixo vertebral de 'Bandoleira' é unha poderosa historia de amor imposible: a do Tenente Miguel Romero, Sara e Roberto (o líder dos xornaleiros do pobo). Ao redor, vanse desenvolvendo as historias da familia rica do pobo -os Montoro-, en contraste coa pobre, os Pérez.
Os personaxes que viven na vila debuxan o marco desta serie. As súas vivencias diarias, persoais e cotiás porán un punto de acidez ás historias de amor, de caciquismo e de rebelión. E ao fondo de todos eles, unha partida de bandoleiros dispostos a loitar pola súa supervivencia da forma que mellor saben, asaltando a aqueles que atravesen os seus camiños.
Repartimento
[editar | editar a fonte]- Marta Hazas, como Sara Reeves, unha estudante de Literatura Hispánica de Oxford.
- Carles Francino, como Miguel Romero, gardia civil.
- Isak Ferriz, como Roberto Pérez, irmán máis vello da familia Pérez e líder dos xornaleiros.
- Pep Munné, como Don Germán, patriarca dos Montoro.
- Laura Ramos, como Martina Castro, noiva de Don Germán.
- Ivan Hermes, como Álvaro Montoro, irmán máis vello dos Montoro.
- Sara Rivero, como Eugenia Montoro, irmá máis nova dos Montoro.
- Pastora Vega, como Carmen Saura, nai dos Pérez e traballadora nas terras dos Montoro.
- Manuel Galiana, como Cosme Saura, pai de Carmen.
- Aníbal Soto, como Tomás Pérez, pai dos Pérez.
- Adrián Salcedo, como Juanito Pérez, irmán máis novo dos Pérez.
Premios e nomeamentos
[editar | editar a fonte]| Ano | Categoría | Premiado | Resultado |
|---|---|---|---|
| 2011 | Mellor telenovela ou serial | Bandolera | Nomeada |
Unión de Actores
| Ano | Categoría | Premiado | Resultado |
|---|---|---|---|
| 2011 | Mellor actor secundario de televisión | Tomás del Estal | Nomeado |
Notas
[editar | editar a fonte]- ↑ Formulatv.com. "'Bandolera' estréase o próximo luns en prime time". Consultado o 11 de xaneiro de 2011.
