Casandrea
(grc) Κασσάνδρεια  | ||||
| ||||
| Tipo | cidade antiga | |||
|---|---|---|---|---|
| Situado na entidade xeográfica | Kassandra Peninsula (en)  | |||
| Localización | ||||
| División administrativa | Grecia | |||
| ||||
Casandrea (en grego antigo Κασσάνδρεια, Kassándreia) é unha das cidades máis importantes do antigo Reino de Macedonia, fundada polo diádoco Casandro en -316 mediante sinecismo no lugar da antiga cidade grega de Potidea na Calcídica.
O territorio da cidade abranguía as rexións veciñas de Olinto e de Meciberna ao nordeste, Botidea ao noroeste, e a península de Palene ao sur.
A finais da república, estableceuse alí unha colonia romana sobre o -43 so orde de Bruto polo procónsul Quinto Hortensio Hortato. Debeu haber unha segunda fundación romana na época do Principado, pois o nome oficial da colonia era daquela Colonia Iulia Augusta Cassandrensis.
A colonia gozaba do ius Italicum. Aparece mencionada en Plinio o Vello (IV, 36) e nas inscricións.
O asentamento, que nunca foi escavado, atópase actualmente na localidade de Nea Potidaia (Nova Potidea), no territorio do municipio de Moudaniá.
