Cerco (artrópodos)

Cadela de frade (orde dos Dermaptera) mostrando os seus cercos en forma de pinza.

Os cercos son apéndices localizados na extremidade do abdome dalgúns artrópodos,^[1][2] sobre todo nos insectos (aínda que tamén os presentan algúns miriápodos).^[3]

Normalmente existe un par de cercos laterais, que ás veces van acompañados dun cerco central denominado paracerco.

Etimoloxía

o Termo cerco deriva da palabra do grego antigo κέρκος kérkos, 'cola'.^[4]

Porén, moitas veces na bibliografía internacional adoita usarse a súa adaptación ao latín, cercus (plural cerci).^[4]

Formas e funcións

A súa morfoloxía é variada: poden seren longos, delgados e con función sensorial (Ephemeroptera), ou curtos, robustos e defensivos (Dermaptera). Nos Dermaptera e nos Japygidae están transformados en pinzas.^[3]

Os cercos frecuentemente serven como órganos sensoriais,^[3] pero tamén ás veces úsanse como armas, como axudas na copulación, ou simplemente son estruturas vestixiais.^[5]

Ordes de insectos que teñen cercos en estado adulto

Cercos dun saltón da suborde dos Caelifera.

• Archaeognatha
• Dermaptera
• Diplura ^[6]
• Embioptera
• Ephemeroptera
• Grylloblattodea
• Isoptera
• Mecoptera
• Neuroptera
• Orthoptera
• Phasmatodea
• Plecoptera
• Zygentoma

Notas

1. cerco² no dicionario da RAG
2. cerco 4 s m ZOOL Apéndice terminal que moitos artrópodos teñen ao finaal do corpo. No Dicionario de galego. Ir Indo Edicións, Vigo, 2004, ISBN 84-7680-504-7.
3. Garrido, Carlos (1977): cerco (Myriapoda+Insecta), en: Dicionário terminológico quadrilíngue de zoologia dos invertebrados. A Corunha: Associaçom Galega da Língua. ISBN 84-87305-12-1.
4. cercus no Merriam-Webster Dictionary.
5. Pilon, J. G. e D. Lagacé (1998): Les Odonates du Québec. Entomofaune du Québec. ISBN 2-9802763-2-4,
6. En realidade son hexápodos que non son verdadeiros insectos.

Véxase tamén

Wikimedia Commons ten máis contidos multimedia na categoría:  Cerco

Ligazóns externas

• Cerci Universidad de Sydney. Depto. de Bioloxía (en inglés).