Deep Wound

Deep Wound
A banda en 2004
OrixeWestfield, Massachusetts,
Período1982 - 1984
2004
2013
Xénero(s)hardcore punk, grindcore, thrashcore
Selo(s) discográfico(s)Damaged Goods, Radiobeat
MembrosJ Mascis
Lou Barlow
Scott Helland
Charlie Nakajima
Artistas relacionadosDinosaur Jr., Stugots, Sebadoh, The Folk Implosion, Frenchy and the Punk
Na rede
MySpace: deepwoundhc Musicbrainz: 7cee4e5d-8ea4-48fb-a7e2-c3adcc543f81 Songkick: 327395 Discogs: 800331 Allmusic: mn0001356350 Editar o valor en Wikidata

Deep Wound foi unha banda estadounidense de hardcore punk formada en 1982 en Westfield, Massachusetts.[1] O grupo só publicou un 7" autotitulado e colaborou con dúas cancións no álbum recompilatorio Bands That Could Be God,[2] pezas que son buscadas por coleccionistas e fans no presente. Deep Wound influenciou a escena hardcore de Massachusetts e o desenvolvemento do grindcore.[3]

Historia

[editar | editar a fonte]

A principios dos 80 J Mascis e o vocalista de Deep Wound Charlie Nakajima vivían en Amherst, Massachusetts, e estudaban no mesmo instituto. En 1982 o guitarrista Lou Barlow coñeceu a Scott Helland na sección de sinxelos de Oi! dunha tenda de discos local.[4] Pouco despois Scott publicou un anuncio buscando músicos influenciados por bandas como Anti-Pasti e Discharge. Mascis respondeu ao anuncio e foi co seu pai a unha audición á casa de Lou Barlow en Westfield. Aínda que o grupo xa tiña un vocalista Mascis convenceunos para substituílo por Charlie, completando así a formación de Deep Wound. A banda gravou rapidamente unha casete demo e comezou a realizar concertos en Boston con grupos locais de hardcore como SSD, The F.U.'s e Jerry's Kids, e adoitaba a facer de abreconcertos para bandas que tocaban no oeste de Massachusetts.[4] Pouco despois a banda gravou o seu EP autotitulado, publicado por Radiobeat Records, e colaborou con dúa cancións no recompilatorio de Gerard Cosloy Bands That Could Be God compilation. Posteriormente gravarían con Gerard nas voces, pero as gravación aparentemente perdéronse. A medida que o grupo progresaba comezaron a tocar cada vez máis rápido, desenvolvendo finalmente un son borroso que se achegaba ao noise experimental.[4]

Deep Wound separouse en 1984 pasando a formar J Mascis e Lou Barlow Dinosaur Jr. Barlow despois deixou Dinosaur Jr. e creou Sebadoh, Sentridoh e The Folk Implosion. Scott Helland formou Outpatients,[5] tocou o baixo en Darkside NYC e no presente é guitarrista en Frenchy and the Punk. Charlie Nakajima formou a banda Gobblehoof. En varias fotografía de Dinosaur Jr. pode verse a J Mascis cun xersei de Deep Wound calcetado pola súa nai.[6]

En abril de 2004 Sonic Youth realizou un concerto no John Green Hall do campus do Smith College en Northampton, Massachusetts, con J Mascis e Sebadoh como abreconcertos. Anunciárase que os dous músicos reuniríanse para tocar un feixe de cancións de Dinosaur Jr., porén, despois do seu concerto, Mascis regresou ao escenario sentando na batería e Charlie Nakajima apareceu para dirixirse á audiencia. Lou Barlow e Scott Helland reuníronse con eles pouco despois e o público foi testemuña dunha reunión de Deep Wound dunha única canción.

En 2005 o selo británico Damaged Goods publicou un álbum recompilatorio coa demo de 1982, o EP autotitulado e os temas que aparecían en Bands That Could Be God.[7]

En xuño de 2013 Helland uniuse ao membros de Dinosaur Jr. para interpretar a canción "Training Ground" no Governor's Ball de Nova York.[8]

Notas

[editar | editar a fonte]
  1. ↑ "Deep Wound | Biography & History". AllMusic (en inglés). Consultado o 2020-09-11. 
  2. ↑ Earles, Andrew, 1973-. Gimme indie rock : 500 essential American underground rock albums 1981-1996. Minneapolis. ISBN 978-0-7603-4648-8. OCLC 868039493. 
  3. ↑ "Is Dinosaur Jr's J Mascis the Father of Grindcore? — Decibel Magazine". web.archive.org. 2015-09-22. Archived from the original on 22 de setembro de 2015. Consultado o 2020-09-11. 
  4. ↑ 4,0 4,1 4,2 "DEEP WOUND". Damaged Goods (en inglés). Consultado o 2020-09-11. 
  5. ↑ Blush, Steven. (2010). American hardcore : a tribal history (2nd ed ed.). [Los Angeles, Calif.?]: Feral House. ISBN 9781932595987. OCLC 680616155. 
  6. ↑ "Photos from Dinosaur Jr. (dinosaurjr) on Myspace". Myspace. Consultado o 2020-09-11. 
  7. ↑ "Deep Wound - Deep Wound". Discogs (en inglés). Consultado o 2020-09-11. 
  8. ↑ June 8, Cameron MatthewsPublished:; 2013. "Governors Ball Day 1 Recap: Dinosaur Jr., Best Coast Rock Before Storm Forces Cancellation". Diffuser.fm (en inglés). Consultado o 2020-09-11.