FORAN

FORAN
Desenvolvedor(es)	SENER Ingeniería y Sistemas, S.A.
Última versión	FORAN V80 (decembro de 2012[1])
Sistema operativo	Windows
Tipo	CAD/CAM 3D
Licenza	Propietaria
Sitio web	www.marine.sener/es/foran

FORAN (as iniciais en castelán de «Formas Analíticas») é un programa informático CAD/CAM/CAE para o deseño de buques e o sector naval da empresa SENER de Bilbao.

Historia

As orixes da empresa están en 1956 cando o enxeñeiro naval Enrique de Sendagorta funda SENER, primeira enxeñería española independente e allea aos estaleiros e ao sector militar e ás súas escolas de aprendices. Con sede en Bilbao, Sener céntrase na execución de proxectos navais dende as súas orixes^[2], entón a empresa tiña 18 empregados, case todos delineantes. Hoxe a empresa ten máis de 1.000 traballadores.

En 1967 Sener presenta FORAN. Posiblemente o primeiro sistema mundial para facer os cálculos das formas de buques. Ata entón facían falta meses para presentar os planos de detalle construtivo e cálculos, todo feito a man. O programa fíxose con recursos propios, cun IBM 1130 e un plotter. O proxecto iniciouse con 12 millóns de pesetas de Sener e outros 50.000 dólares achegados por Litton Systems Incorporated, unha contrata da Armada dos Estados Unidos de América.

Foran forma parte dun grupo de empresas liderado por Sener Ingeniería y Sistemas S.A e ITP.

Información de Elaboración de Perfiles, Sistema Foran V30 deseño para produción.

FORAN

FORAN é empregado por máis de 150 oficinas técnicas e estaleiros de 30 países no deseño de todo tipo de buques. O sistema FORAN está baseado en módulos independentes para o deseño das distintas partes dos buques.

Os subsistemas FORAN están deseñados para:

• FORAN Deseño Inicial (formas do buque e características)
• FORAN Estrutura (materiais e enxeñería)
• FORAN Maquinaria e Armamento (equipamento)
• FORAN Deseño Eléctrico (cabreado e maquinaria)
• FORAN Drafting & Mechanical. CAD (planos construtivos)

Estes módulos compleméntanse con outros como a realidade virtual. Deseño e visionado en 3D do buque o que permite ver como será o buque no proceso de deseño e a súa construción. SENER vende as licenzas do programa xunto coa formación dos técnicos que o empregarán. Esa formación faise tanto nas súas oficinas como nas dos seus clientes. Actualmente o programa funciona baixo Windows baixando moito os requirimentos de hardware que tiña nos anos 1990 cando empregaba ata chaves de hardware para evitar a súa copia. Nos inicios o programa estaba só dispoñible en inglés e toda a documentación era nesa lingua. Tampouco existía documentación técnica nin información do programa proporcionada por empresas alleas a SENER.

O programa pode intercambiar datos en múltiples formatos: DWG, DXF, IGES, STEP, VDA, VRML e XML.

Clientes

Histórico de versións FORAN

Ano	Nome	Características
1965	V1	Uso interno de Sener
1969	V4	Primeiro Cliente, E.N. Bazán
1973	V6	Primeiro cliente internacional
1987	V20	Deseño 3D
1993	V30	Deseño de estrutura e equipamento
1997	V40	Versión para Windows
2000	V50	Novo Kernel Oracle RDBMS
2005	V60	Deseño colaborativo
2010	V70	64 bits
2015	V80	V80R2
Fonte: Ingenieros Navales[3]

Foran é empregado en España por empresas como^[4]:

• Navantia
• Gondán (Asturias)
• Abance
• Construcciones Navales del Norte
• Aries
• Ghenova
• Seaplace
• Dinain (Galiza)
• Ministerio de Defensa (Armada Española)

Notas

1. "SENER Launches the New FORAN V70R2.0". Arquivado dende o orixinal o 16 de marzo de 2013. Consultado o 25 de maio de 2013. 
2. "Inicio» Acerca de SENER» Historia» 1956-1960» Sener". Arquivado dende o orixinal o 23 de xuño de 2013. Consultado o 25 de maio de 2013. 
3. "Ingenieros Navales Sener Foran". Arquivado dende o orixinal (PDF) o 29 de maio de 2020. Consultado o 25 de maio de 2013. 
4. 50 aniversario de FORAN

Véxase tamén

Bibliografía

• Alejando Gándara. Sener, la historia de su tiempo 1956-2006.

Ligazóns externas

• Páxina web de Sener (en varias linguas).