Fernando Roig Alfonso
| Biografía | |
|---|---|
| Nacemento | 25 de xuño de 1947 (77 anos) Poble Nou, Valencia,  España |
| Presidente Villarreal Club de Fútbol | |
| 14 de maio de 1997 – ← Pasqual Font de Mòra Chabrera (en)  | |
| Presidente Valencia BC | |
1987 – febreiro de 1999 – Juan José Roig Alfonso →  | |
| Actividade | |
| Ocupación | Empresario e dirixente deportivo |
| Deporte | fútbol |
| Familia | |
| Cónxuxe | Elena Negueroles |
| Pais | Francisco Roig Ballester e Trinidad Alfonso Mocholí |
| Irmáns | Juan José Roig Alfonso Francesc Roig Alfonso |
Fernando Roig Alfonso, nado na pedanía de Poble Nou (Valencia) o 25 de xuño de 1947, é un empresario español. É o propietario e presidente de Pamesa e máximo accionista e presidente do Villarreal Club de Fútbol.
Traxectoria
[editar | editar a fonte]Na súa faceta empresarial é propietario e presidente da industria cerámica Pamesa, con sede en Almassora (Castelló), e dono do 11% da cadea de supermercados Mercadona, que dirixe o seu irmán Juan. Tamén está presente no sector da enerxía eólica a través da sociedade Renomar.
A outra faceta pola que é coñecido Fernando Roig é a deportiva, xa que se trata do máximo accionista e presidente do Villarreal Club de Fútbol, e foino do Pamesa Valencia de baloncesto, ademais de ser un importante accionista do Valencia Club de Fútbol. Fernando Roig adquiriu a maioría das accións do equipo de Vila-real na tempada 1997-98, na que compaxinou a dirección tanto do Villarreal CF como do Pamesa Valencia. Baixo o seu mandato, o club de fútbol experimentou un gran crecemento, ascendendo á Primeira División e xogando competicións europeas, tanto a Copa da UEFA como a Champions League. Ademais creou equipos de fútbol base como o Villarreal B, destacando a construción da Cidade Deportiva. Finalmente delegou as súas funcións no Pamesa no seu irmán Juan Roig, aínda que nunca se desvinculou do club que patrocina.
En xaneiro de 2009 recibiu o premio ao "Mellor Dirixente Deportivo 2008" outorgado polo diario Mundo Deportivo, sendo a primeira vez que se facía entrega dese premio na categoría mencionada.[1]
Vida persoal
[editar | editar a fonte]Fernando Roig está casado coa pintora Elena Negueroles, coa que ten dous fillos, un dos cales, Fernando, colabora co seu pai na xestión do Villarreal CF. O 22 de febreiro de 2006 foi nomeado Fillo Adoptivo de Vila-real polo Concello desta localidade, nun acto celebrado no auditorio municipal.[2]
Notas
[editar | editar a fonte]- ↑ "Fernando Roig, o ‘Mellor Dirixente Deportivo 2008’". Villarreal CF. 23 de xaneiro de 2009. Consultado o 24 de xaneiro de 2009.[Ligazón morta]
- ↑ "Fernando Roig é nomeado fillo adoptivo de Vila-real". nostresport.com. Arquivado dende o orixinal o 08 de outubro de 2007. Consultado o 25 de agosto de 2007.
