Figa
A figa é un xesto e orixinalmente un amuleto italiano, chamado Mano Fico, tamén foi utilizado polos etruscos e na época da Roma antiga. O amuleto con esa forma de man pechada co polgar entre o índice e o dedo maior, é usado tradicionalmente como protección contra o mal de ollo, meigallos ou feitizos, contra a envexa ou as doenzas, ou como adorno.[1][2]
O aceno ten diversos significados e interpretacións segundo as diversas culturas, como esconxuro, insulto, burla ou xogo, e na lingua de sinais americana representa a letra T.
Orixe e etimoloxía
[editar | editar a fonte]Figa deriva do latín tardío *fica > ‘vulva’. É a representación dos xenitais femininos, principalmente o clítoris e estaba asociado coa fertilidade e o erotismo.[3] Ese termo é unha derivación de ficus, usando o froito da figueira como metáfora do sexo feminino.[4]
En Italia este sinal, coñecido como "fica" ou "far le fiche ", debido á súa semellanza co clítoris, era un xesto común e moi rudo nos séculos pasados, semellante ao dedo medio.
O xesto tamén é mencionado por Dante no canto vixésimo quinto do Inferno da Divina Comedia nas liñas 1-16, onde a alma de Vanni Fucci realiza este xesto como un acto de blasfemia contra Deus.[5]
.jpg)
Significado en diversas culturas
[editar | editar a fonte]- No Brasil, Portugal, Galiza e Asturias este sinal simboliza os desexos de boa sorte e evitar a mala sorte. En relixións sincretistas guineanas e brasileiras, como a umbanda, a figa é un amuleto de protección de espazos sagrados e guías de entidades espirituais, feito de materiais como madeira, metais ou minerais. Tamén se adoita regalar a nenos acabados de nacer para a súa protección.[6]
- En lingua galega a expresión "impórtame unha figa" é equivalente a "impórtame un carallo".[1]
- En países de fala inglesa, como os EUA etc., e noutros, como Chequia, Libia, Galiza ou Portugal, é tamén un xogo infantil no que simulas arrincarlle o nariz a un neno da cara.[7][8]
- En Rusia este aceno, coñecido como "фиг тебе" (pronunciado "fik tibie") ou "фиг [тебе] с маслом" (pronunciado "fik [tibie] s maslam"), é un xesto moi ofensivo e usado para negarlle algo a alguén, rirse de quen non conseguiu o que quería, ou demostrarlle a alguén que non conseguirá nada.
Galería de fotos
[editar | editar a fonte]-
-
Patuá, Mühlviertler Schlossmuseum, Freistadt -
Amuleto da época do Exipto romano -
Pendente de figa ou "man negra" -
Canón portugués na excapital de Indonesia (Iacarta) coa figa, ao que a poboación local asocia á fertilidade feminina. -
-
Notas
[editar | editar a fonte]- ↑ 1,0 1,1 "figa". Digalego.xunta.gal. Consultado o 3 de setembro de 2024.
- ↑ "figa". Dicionario de Real Academia Galega. Consultado o 2024-09-03.
- ↑ 3,0 3,1 Pai Paulo de Oxalá. "Figa, seu uso no dia a dia".
- ↑ "HIGO". Etimologías de Chile - Diccionario que explica el origen de las palabras (en castelán). Consultado o 2024-09-03.
- ↑ Francesco Bonomi. "Vocabolario Etimologico della Lingua Italiana". Consultado o 14 de abril de 2021.
- ↑ Gauisa, Casa de Caridade (2021-07-08). "De Onde Vem a Figa?". Casa Caridade Gauisa (en portugués). Consultado o 2024-09-03.
- ↑ Enachev, Rogério (2011-10-26). "10 gestos comumente mal interpretados no exterior". Louco por Viagens (en portugués). Consultado o 2024-09-03.
- ↑ "A cara – Orella pendella". Consultado o 2024-09-03.
Véxase tamén
[editar | editar a fonte] |
Wikimedia Commons ten máis contidos multimedia na categoría: Figa |