Gómez Pérez das Mariñas e Ribadeneira
| Nome orixinal | (es) Gómez Pérez Dasmariñas  |
|---|---|
| Biografía | |
| Nacemento | 1 de xaneiro de 1519 Viveiro, España |
| Morte | 25 de outubro de 1593 (74 anos) Filipinas |
_Pillars_of_Hercules_Variant.svg){kind=small} Capitán Xeneral de Filipinas | |
| 1 de xuño de 1590 – 25 de outubro de 1593 ← Santiago de Vera – Pedro de Rojas (en)  → | |
| Actividade | |
| Ocupación | político, diplomático, militar |
| Carreira militar | |
| Rango militar | Xeneral |
| Familia | |
| Fillos | Luis Pérez das Mariñas |
 | |
Gómez Pérez das Mariñas e Ribadeneira, nado en Viveiro[1] en 1539[2] e finado no mar de Célebes o 19 de outubro de 1593, foi un político, diplomático e militar galego do século XVI. Foi gobernador de Filipinas, onde fundou a cidade de Dasmariñas.
Traxectoria
[editar | editar a fonte]Fillo de Fernán Díaz de Ribadeneira e de Berenguela das Mariñas, Gómez Pérez foi nomeado gobernador de León o 30 de xaneiro de 1579. No seu recordo pódese atopar unha inscrición na Casa das Carnicerías da capital leonesa, que reza: Hízose este edificio, más las fuentes y calzadas de la ciudad, siendo Gobernador el muy ilustre Gómez Pérez das Mariñas. Año de 1581, el cual gobernó bien. O éxito no seu labor redunda no seu nomeamento, polo rei Filipe II, como corrixidor das cidades de Cartagena, Lorca e Murcia, o 27 de setembro de 1584, cargo que ocupa ata o 1 de xaneiro de 1587.
Gobernador de Filipinas
[editar | editar a fonte]No ano 1589, e en compensación aos seus servizos, recibe do Rei o hábito da Orde de Santiago e o nomeamento como Capitán xeneral das Illas Filipinas, a onde non chegará ata maio de 1590. Á súa xestión como Gobernador débense a construción das murallas de Manila, a reconstrución do Forte Santiago e o inicio das obras da catedral da cidade. Igualmente, fundou a poboación de Dasmariñas, a 24 quilómetros da capital, na provincia de Cavite (Calabarzón), e que na actualidade conta con preto de 400.000 habitantes.
Destacou tamén no seu labor diplomático, sendo o primeiro gobernador español en establecer contactos co Xapón, e potenciando as relacións comerciais coa China. No entanto, falecería asasinado a bordo do navío "La Capitana", ao mando do cal se dirixía cara á conquista das illas Molucas. Sucederíao no cargo o seu fillo Luís.
Notas
[editar | editar a fonte]- ↑ MUNDIARIO. "Viveiro, un pueblo clave en la conquista del Pacífico". MUNDIARIO (en castelán). Consultado o 2022-01-27.
- ↑ Donapetry Iribarnegaray, Juan (2003). Historia de Vivero y su Concejo. pp. 503. ISBN B84-86824-00-1.
Véxase tamén
[editar | editar a fonte]Bibliografía
[editar | editar a fonte]- Donapetry Iribarnegaray, Juan (2003). Historia de Vivero y su Concejo. ISBN 84-86824-00-1.
- Gómez Pérez das Mariñas, Capitán General de Murcia en el último tercio del siglo XVI. José Raimundo Núñez-Varela y Lendoiro (2001).
- A.Lage-Seara. "Viveiro un pueblo clave en la conquista del Pacífico". Mundiario, 2021.
Ligazóns externas
[editar | editar a fonte]- Ficha en sologenealogia.com Arquivado 05 de marzo de 2016 en Wayback Machine.
| Predecesor: Santiago de Vera |
Gobernador de Filipinas 1589 - 1593 |
Sucesor: Luis Pérez das Mariñas e Mendoza |
