Gorka Santamaría

Gorka Santamaría

Biografía
Nacemento	(es) Gorka Santamaría Nos 3 de xullo de 1995 (29 anos) Bilbao, España
Altura	1,76 m
Actividade
Ocupación	futbolista
Período de actividade	2012 -
Deporte	fútbol
Posición de xogo	Dianteiro
Traxectoria   Deporte base 2005–2013 Athletic Club   Equipo 2012–2014 CD Basconia 64 (31) 2014–2016   Bilbao Athletic 74 (25) 2016–2017 → cesión:    Cádiz CF 18 (2) 2017–2018   Recreativo de Huelva 31 (5) 2018–2019   Real Sporting de Gijón B 35 (10) 2019–2022 CD Badajoz 92 (31) 2022–2022   Deportivo da Coruña 14 (0) 2023–2023 CD Badajoz 19 (4) 2023–2024   Gimnàstic de Tarragona 27 (1) 2024– Unionistas de Salamanca CF
Familia
Irmáns	Josu Santamaría Ander Santamaria

Gorka Santamaría Nos, nado en Bilbao o 3 de xullo de 1995, é un futbolista español que xoga de dianteiro no Unionistas de Salamanca, da Primeira Federación. É irmán dos tamén futbolistas Josu e Ander Santamaría, sendo xemelgo deste último.^[1]

Traxectoria

Ingresou aos 10 anos na canteira do Athletic Club e foi subindo polas diferentes categorías inferiores do club. Na tempada 2012/13 debutou na Terceira División co Basconia, segundo filial do Athletic, e na seguinte campaña foi o máximo goleador do grupo IV da categoría, con 20 tantos.^[2] Para a tempada 2014/15 subiu ao primeiro filial, o Bilbao Athletic, da Segunda División B,^[3] onde militou durante dúas tempadas, tendo como adestrador ao "Cuco" Ziganda. Na primeira delas marcou 18 goles, sendo o máximo goleador do equipo xunto a Sabin Merino, e logrou o ascenso á Segunda División.^[4] Na tempada 2015/16 marcou 7 goles en 34 partidos da categoría de prata, pero o equipo acabou descendendo. Na tempada 2016/17 saíu cedido ao Cádiz,^[5] onde dispuxo só de 481 minutos, nos que marcou dous goles.

En 2017 rematou o seu contrato co Athletic e asinou co Recreativo de Huelva, de Segunda B.^[6] Disputou un total de 31 partidos co club andaluz, nos que marcou 5 goles. Para a tempada 2018/19 fichou polo Sporting de Gijón B,^[7] co que marcou 10 goles en 35 partidos.^[8]

En xullo de 2019, fichou polo Badajoz, club no que militou durante os seguintes tres anos.^[9] Durante ese período disputou un total de 92 partidos e marcou 31 goles, contribuíndo a que o equipo se proclamase campión do seu grupo da Segunda B en 2021, aínda que non conseguiu o ascenso a Segunda. Na tempada 2021/22 os seus 15 goles colocárono como o terceiro máximo goleador do Grupo I da Primeira División RFEF, só por detrás de Quiles e Héctor Hernández.

En xuño de 2022 foi anunciado como novo xogador do Deportivo da Coruña, tamén da Primeira RFEF.^[10] Con todo,no club galego non conseguiu achegarse aos seus números na campaña pasada e non conseguiu ningún gol nos 14 partidos que disputou, dos que só saíu como titular en tres. O último día de 2022 o club anunciou o despido do xogador.^[11]

O 12 de xaneiro de 2023 fíxose público o seu regreso ao Badajoz.^[12] Disputou 19 partidos co club estremeño ata o final da tempada, anotando 4 goles, sen poder salvar o equipo do descenso. En xuño anunciouse a súa fichaxe polo Nàstic de Tarragona.^[13] Apenas contou con oportunidades no equipo de Daniel Vidal, disputando 27 encontros, case todos saíndo dende o banco de suplentes, e disputou sen éxito a promoción de ascenso a Segunda. Marcou un só gol, na final da promoción ante o Málaga.^[14]

En xullo de 2024 fichou polo Unionistas de Salamanca, da mesma categoría.^[15]

Notas

1. Beltrán, Javier (6 de decembro de 2018). "Gorka Santamaría: «Villalibre e Iñigo Vicente serán jugadores de Primera División»" (en castelán). Consultado o 22 de xuño de 2022. 
2. Vivanco, Joseba (5 de decembro de 2014). "Los cachorros enseñan sus garras a los leones" (en castelán). Consultado o 22 de xuño de 2022. 
3. "El Bilbao Athletic empieza a trabajar con 17 novedades en un grupo de 25 futbolistas" (en castelán). 14 de xullo de 2014. Consultado o 22 de xuño de 2022. 
4. Rodrigálvarez, Eduardo (28 de xuño de 2015). "El Bilbao Athletic, una orquesta variopinta de aprendices". El País (en castelán). Consultado o 22 de xuño de 2022. 
5. "Santamaría refuerza la delantera del Cádiz". Marca (en castelán). 20 de xullo de 2016. Consultado o 22 de xuño de 2022. 
6. "El Recreativo ficha al delantero del Athletic Gorka Santamaría". Mundo Deportivo (en castelán). 30 de agosto de 2017. Consultado o 22 de xuño de 2022. 
7. Cabranes, Ángel (6 de xullo de 2018). "Gorka Santamaría refuerza al Sporting B" (en castelán). Consultado o 22 de xuño de 2022. 
8. "Gorka Santamaría y Rubén Sánchez no continúan en la disciplina rojiblanca" (en castelán). 31 de maio de 2019. Arquivado dende o orixinal o 22 de agosto de 2021. Consultado o 22 de xuño de 2022. 
9. Zubieta, Jon (3 de xullo de 2019). "El exrojiblanco Santamaría ficha por el Badajoz". Mundo Deportivo (en castelán). Consultado o 22 de xuño de 2022. 
10. "Gorka Santamaría, primeira fichaxe do Dépor 22-23". 21 de xuño de 2022. Consultado o 22 de xuño de 2022. 
11. "La salida poco amistosa de Gorka Santamaría del Deportivo" (en castelán). 2 de xaneiro de 2023. Consultado o 28 de xaneiro de 2023. 
12. "Gorka Santamaría ficha de nuevo por el Badajoz y volverá a Riazor el 25 de febrero" (en castelán). 12 de xaneiro de 2023. Consultado o 28 de xaneiro de 2023. 
13. Sobrino, Adrián (27 de xuño de 2023). "Gorka Santamaría ficha por el Nástic de Tarragona" (en castelán). Consultado o 25 de outubro de 2023. 
14. "Gorka Santamaría deja de ser jugador del Nàstic" (en castelán). 24 de xullo de 2024. Consultado o 28 de xullo de 2024. 
15. "El delantero Gorka Santamaría se convierte en el 18º jugador de la plantilla" (en castelán). 26 de xullo de 2024. Consultado o 28 de xullo de 2024. 

Véxase tamén

Ligazóns externas

• Datos do xogador no sitio web do Athletic Club (en castelán).