Martiño Noriega
.jpg)  | |
| Biografía | |
|---|---|
| Nacemento | 22 de febreiro de 1975 (49 anos) A Coruña, España |
 Alcalde de Santiago de Compostela | |
| 13 de xuño de 2015 – 15 de xuño de 2019 ← Agustín Hernández – Xosé Antonio Sánchez Bugallo → | |
 Alcalde de Teo | |
| 2007 – 2015 ← Armando Blanco Martínez – Rafael Sisto → | |
| Datos persoais | |
| Educación | Universidade de Santiago de Compostela |
| Actividade | |
| Ocupación | político, médico |
| Partido político | Bloque Nacionalista Galego ANOVA-Irmandade Nacionalista Compostela Aberta |
| Familia | |
| Cónxuxe | Antía Otero |
 | |
Martiño Noriega Sánchez, nado na Coruña o 22 de febreiro de 1975, é un médico e político galego.
Traxectoria
[editar | editar a fonte]Criado no ensanche compostelán, desde os 6 anos viviu no concello de Teo. Licenciado en Medicina pola Universidade de Santiago de Compostela, realizou a especialidade en Medicina de Familia na área de Santiago de Compostela. Traballou en Atención Primaria da Comarca de Compostela e tamén como médico coordinador na Fundación de Urxencias Sanitarias do 061. DEA en Saúde Pública pola USC. En marzo do 2020 no comezo da pandemia da COVID, reincorporouse á Atención Primaria como médico de familia na área sanitaria de Santiago-Barbanza.
Carreira política
[editar | editar a fonte]Despois de militar na asociación de estudantes universitarios CAF e de ser representante dos estudantes no claustro da Universidade de Santiago, dende 1995 comezou o traballo político no BNG de Teo e en 1999 converteuse en voceiro desta formación no concello. En 2006 entrou no Consello Nacional do BNG, e logo das eleccións municipais de 2007 converteuse en alcalde de Teo, cun goberno en minoría. En 2011 volveu ser elixido alcalde ao acadar a maioría absoluta.
Como membro e vicevoceiro do colectivo Encontro Irmandiño abandonou o BNG en febreiro de 2012, pasando en xullo dese mesmo ano a formar parte do movemento político ANOVA-Irmandade Nacionalista, desenvolvendo nunha primeira etapa o seu traballo político como responsable de Acción Institucional. En xullo do 2013, despois da celebración da I Asemblea Nacional desta organización política, foi elixido Coordinador Nacional. En novembro do 2014, despois da celebración da II Asemblea Nacional de Anova, Martiño Noriega foi elixido Portavoz de Anova xunto a Xosé Manuel Beiras.
En maio de 2015 encabezou unha candidatura de unidade popular en Santiago, Compostela Aberta, que resultou a lista máis votada nas municipais do 24 de maio. O 13 de xuño deste ano foi investido alcalde de Santiago de Compostela, sucedendo ao popular Agustín Hernández.
En setembro de 2018 anunciou a súa intención de volver a concorrer como candidato á alcaldía para as eleccións municipais en maio de 2019, coa idea de repetir co mesmo equipo de goberno para tratar de dar continuidade ó capital político e á experiencia acumulada.[1]
Nas eleccións municipais de 2019 perdeu a alcaldía en favor de Xosé Antonio Sánchez Bugallo, candidato do PSdeG[2], tras pasar a sela terceira forza política. Concorreu na candidatura de Galicia en Común nas Eleccións ao Parlamento de Galicia de 2020, a cal non logrou representación algunha. Tralos comicios, en xullo de 2020, renunciou á súa acta de concelleiro.
En setembro de 2022 volveu a ser portavoz nacional de Anova, cargo que compatibiliza co seu traballo como médico de familia.[3]
Vida persoal
[editar | editar a fonte]É parella de Antía Otero, con quen ten unha filla e un fillo.[4]
Obra publicada
[editar | editar a fonte]Obra individual
[editar | editar a fonte]- Por un común denominador. A esquerda da nación. 2.0 editora (2011).
- Publicou artigos de opinión en diferentes xornais como Público, A Nosa Terra, elDiario.es, La Voz de Galicia, Sin Permiso ou El Correo Gallego. Dende setembro de 2021 mantén unha colaboración semanal no xornal Nós Diario[5].
Obras colectivas
[editar | editar a fonte]- Á beira de Beiras. Homenaxe nacional, Galaxia (2011)
- Unha cesta de pombas e mazás. Homenaxe a Isaac Díaz Pardo, Edita. Academia Real Isaac Díaz Pardo. (2013)
- Entrementres. Ensaios para unha nova cultura política. Corsárias Editora. (2014)
- A contradición permanente. Conversas sobre cinco anos de política convulsa (2012-2017). Libro de conversas co poeta é xornalista Daniel Salgado. Edicións Xerais (2017)
Notas
[editar | editar a fonte]- ↑ Pontevedra, Diario de (2018-09-27). "Martiño Noriega, dispuesto a repetir como candidato en las municipales". Diario de Pontevedra (en castelán). Consultado o 2019-01-17.
- ↑ Bugallo, proclamado alcalde de Santiago
- ↑ X.M.P. (29 de setembro de 2022). "Martiño Noriega: "Reactivar un espazo como Anova debe ser visto como positivo"". Nós Diario.
- ↑ "Martiño Noriega, padre por segunda vez de un varón que se llama Airas". La Voz de Galicia (en castelán). 2 de xuño de 2018.
- ↑ "Martiño Noriega". Nós Diario.
Véxase tamén
[editar | editar a fonte] |
Wikimedia Commons ten máis contidos multimedia na categoría: Martiño Noriega  |
Bibliografía
[editar | editar a fonte]- A contradición permanente. Conversa sobre cinco anos de política convulsa (2012-2017), con Daniel Salgado, 2017.
Outros artigos
[editar | editar a fonte]- Compostela Aberta
- Eleccións municipais en Teo
- Eleccións municipais en Santiago de Compostela
- Alcaldes de Santiago de Compostela
| Predecesor: Armando Blanco Martínez |
Alcalde de Teo 2007 - 2015 |
Sucesor: Rafael Sisto |
| Predecesor: Agustín Hernández |
Alcalde de Santiago de Compostela 2015 - 2019 |
Sucesor: Xosé Antonio Sánchez Bugallo |
