Miguel Primo de Rivera y Urquijo

Para outras páxinas con títulos homónimos véxase: Primo de Rivera.

Miguel Primo de Rivera y Urquijo

Biografía
Nacemento	17 de agosto de 1934 Donostia, España
Morte	3 de decembro de 2018 (84 anos) Pozuelo de Alarcón, España
Lugar de sepultura	Iglesia-convento de la Merced
Procurador en Cortes
11 de novembro de 1971 – 30 de xuño de 1977 Lexislatura: X lexislatura das Cortes franquistas
Procurador en Cortes
6 de novembro de 1967 – 12 de novembro de 1971 Lexislatura: IX lexislatura das Cortes franquistas
Procurador en Cortes
27 de abril de 1965 – 15 de novembro de 1967 ← Tomás García Figueras ^(pt) Lexislatura: VIII lexislatura das Cortes franquistas
Alcalde de Xerez da Fronteira
2 de febreiro de 1965 – 19 de abril de 1971
Senador de España
Datos persoais
Relixión	Catolicismo
Educación	Universidade de Madrid
Actividade
Lugar de traballo	Madrid
Ocupación	político, avogado
Partido político	Falange Española Tradicionalista y de las JONS
Outro
Título	Ducado de Primo de Rivera Marqués de Estella
Familia	Family Primo de Rivera ^(en)
Fillos	Pelayo Primo de Rivera Oriol, Rocío Primo de Rivera Oriol
Pais	Fernando Primo de Rivera y Sáenz de Heredia   e Rosario Urquijo de Federico
Irmáns	Rosario Primo de Rivera y Urquijo
Parentes	Antonio María de Oriol, sogro José Antonio Primo de Rivera, tío paterno Carmen Primo de Rivera, tia parterna Pilar Primo de Rivera, tia parterna Miguel Primo de Rivera y Sobremonte, paternal grandfather's father José Primo de Rivera, tataravó paterno Luis Miguel Dominguín, cuñado
Premios
(1972)  Gran Cruz da Orde de Cisneros (1969)  Gran Cruz da Orde do Mérito Civil (1968)  Gran Cruz da Orde Civil do Mérito Agrícola

Miguel Primo de Rivera e Urquijo, nado en San Sebastián o 17 de agosto de 1934, III Duque de Primo de Rivera e, ata 1985, V Marqués de Estella, é un avogado e político español.^[1]

Traxectoria

Fillo de Fernando Primo de Rivera y Sáenz de Heredia, irmán máis novo do fundador da Falange, e neto do xeneral Miguel Primo de Rivera que tralo golpe de Estado en 1923 gobernou España ata 1930. Tivo dous irmáns de pai, Rosario, falecida en 2005, e Fernanda, falecida en 2004, e outros catro irmáns (Alfredo, Macarena, Teresa e Guillermo) nados do segundo matrimonio da súa nai Rosario Urquijo con Alfredo Álvarez Pickman.

No seu adolescencia educouse co entón príncipe e hoxe rei de España, Juan Carlos I. Estudou a carreira de dereito en Madrid. Tralo seu paso polo Senado ocupou a Presidencia de Endiasa ata 1982. Desde entón ocupou cargos de resposabilidade en Banco de Jerez, Banco Urquijo, Renda 4, Banco Santander, Torreal e outras empresas.

Casado e divorciado de María Oriol Díaz de Bustamante, filla de Antonio María de Oriol y Urquijo, tivo nove fillos, chamados Fernando actual Marqués de Estella, Pelayo, Miguel, Rocío, Bosco, María, Cosme, Damián e Inés. Actualmente está casado con Reis Martínez-Bordiú de Ochoa.

Entre as súas afeccións destacaron a caza e o golf. Chegou a ser campión de mundo de tiro ao pombiño, campión de España afeccionado de dobres de golf e un dos tiradores con escopeta de máis prestixio en España.

Franquismo

Ocupou distintos cargos na época franquista. Foi alcalde de Xerez da Fronteira desde 1965 a 1971. Procurador en Cortes durante o franquismo, conselleiro nacional do Movemento e conselleiro do Reino.

Na Transición española foi quen presentou nas Cortes a Lei para a Reforma Política, sendo de grande influencia en convencer aos procuradores (deputados na época franquista) a apoiar esa reforma.

Foi designado senador polo Rei Xoán Carlos nas Cortes Constituíntes de 1977.

Notas

1. Miguel Primo de Rivera en la ciudad inicia una nueva fase de 'Jerez en sus Fuentes'

Véxase tamén

Bibliografía

• Memoria de la Transición. El País SA. 1995. Dep Legal B 30.728-1995.

Predecesor: Miguel Primo de Rivera y Sáenz de Heredia	Duque de Primo de Rivera Desde 1964	Sucesor: Actual titular
Predecesor: Miguel Primo de Rivera y Sáenz de Heredia	Marqués de Estella 1964 - 1985	Sucesor: Fernando Primo de Rivera y Oriol