Ossip Bernstein
 Ossip Bernstein (1909) | |
| Biografía | |
|---|---|
| Nacemento | 20 de setembro de 1882 Zhitomir  Ucraína |
| Morte | 30 de novembro de 1962 Francia |
| Lugar de sepultura | cemiterio de Bagneux  |
| Educación | Universidade de Heidelberg Universidade Nacional da Carcóvia (pt)  |
| Actividade | |
| Lugar de traballo | Berlín París Heidelberg |
| Ocupación | Empresario e xogador de xadrez |
| Empregador | Universidade Nacional da Carcóvia (pt) |
| Nacionalidade deportiva | Imperio Ruso Francia |
| Deporte | xadrez |
| Título de xadrecista | Grande Mestre de Xadrez (pt) (1950) |
| Participou en | |
| 1954 | Olimpíada de xadrez de 1954 (pt) |
| Descrito pola fonte | Grande Enciclopedia Soviética (1926—1947) |
 | |
Ossip Samoilovitch Bernstein, nado o 20 de setembro de 1882 en Zhitomir (Ucraína) e finado o 30 de novembro de 1962 nos Pireneos Franceses, foi un dos máis grandes xadrecistas da historia, que se mantivo nos primeiros dez postos da clasificación mundial desde 1903 ata 1914.
Traxectoria
[editar | editar a fonte]Como empresario
[editar | editar a fonte]Nado na Rusia imperial no seo dunha familia de orixe xudía, creceu na atmosfera antisemita da Rusia prerrevolucionaria. Obtivo un doutoramento en Dereito en Heidelberg en 1906 e converteuse nun avogado financeiro.
Foi un destacado home de negocios. A súa fortuna inicial perdeuse na Revolución Bolxevique, pero recuperouse ao pouco tempo, acumulando un importante capital que se reduciu a nada durante a Gran Depresión. Amasou unha terceira fortuna, que volveu perder tras a invasión nazi a Francia.
Como xadrecista
[editar | editar a fonte]Durante a primeira guerra mundial deixou o país para radicarse en Francia e abandonou o xadrez ata mediados da década de 1930. Porén o prolongado da súa inactividade, empezou a xogar habilmente e ata chegou a facer táboas co entón campión mundial e tamén emigrante Alexander Alekhine (+1 -1 =2). Cando a FIDE introduciu o sistema de títulos oficiais en 1950, Bernstein foi acreditado co de Gran Mestre Internacional.
Bernstein posúe paridade de puntuacións con xogadores excepcionais, como o segundo campión mundial Emanuel Lasker (+2 -2 =1), Akiba Rubinstein (+1 -1 =7), Aron Nimzovitsch (+1 -1 =4), Mijail Chigorin (+1 -1 =0) e Salgo Flohr (=3). Con todo, pareceu estar feito a medida para o terceiro campión mundial José Raúl Capablanca, quen o bateu en tres brillantes partidas e a quen só puido empatar nunha oportunidade en todas as veces que se enfrontaron, entre 1911 e 1914.
 |
Wikimedia Commons ten máis contidos multimedia na categoría: Ossip Bernstein  |
