Peter Hans Kolvenbach
  | |
| Biografía | |
|---|---|
| Nacemento | 30 de novembro de 1928 Druten, Países Baixos (pt)  |
| Morte | 26 de novembro de 2016 (87 anos) Beirut, Líbano |
| 29º Superior xeral da Compañía de Xesús | |
| 11 de setembro de 1983 – 14 de xaneiro de 2008 ← Pedro Arrupe (pt) – Adolfo Nicolás Pachón → | |
| Datos persoais | |
| Relixión | Igrexa católica |
| Educación | Universidade San Xosé Canisius College, Nijmegen (en) Pontificio Instituto Oriental Aloysius College, The Hague (en) |
| Actividade | |
| Ocupación | profesor universitario, sacerdote católico |
| Empregador | Universidade San Xosé Pontificio Instituto Oriental |
| Orde relixiosa | Compañía de Xesús |
| Descrito pola fonte | Obálky knih,  |
 | |
Peter Hans Kolvenbach, nado o 30 de novembro de 1928 en Druten (Países Baixos) e finado o 26 de novembro de 2016 en Beirut (Líbano), foi o 29º xeneral da Compañía de Xesús.
Traxectoria
[editar | editar a fonte]Primeiros anos
[editar | editar a fonte]Naceu o 30 de novembro de 1928 en Druten,[1] onde pasou a súa infancia e mocidade, e cursou os seus estudos secundarios no Colexio Canisio de Nijmegen.[1] O 7 de setembro de 1948 comezou o novizado na Compañía de Xesús[1] en Mariendaal. Logo de completar os estudos de Filosofía no Berchmanianum de Nijmegen, foi enviado ao Líbano, onde doutorouse en Teoloxía pola Universidade San Xosé de Beirut. O 29 de xuño de 1961 foi ordenado sacerdote da Igrexa católica armenia.[1]
Pasou os seguintes anos dedicado á investigación, especificamente lingüística. Entre 1964 e 1976 ensinou Lingüística xeral e oriental na Haia e en París, para volver despois a Beirut, onde foi profesor de Lingüística xeral e Armenio na Universidade San Xosé, até 1981, cando foi nomeado reitor do Pontificio Instituto Oriental.
Xeneral dos xesuítas
[editar | editar a fonte]O 7 de agosto de 1981 o xeneral Pedro Arrupe sufriu unha trombose cerebral no avión de volta a Roma. Malia vivir por dez anos máis, quixo renunciar como xeneral, e propuxo a Vincent O'Keefe como sucesor interino. Porén, o papa Xoán Paulo II interveu e nomeou a Paolo Dezza como interino. Dous anos máis tarde, o mesmo papa permitiu aos xesuítas elixir a un novo xeneral, e na Congregación Xeral da Compañía de setembro de 1983 foi elixido o p. Kolvenbach.
Renuncia
[editar | editar a fonte]O 2 de febreiro de 2006 Kolvenbach informou á súa congregación da súa intención de renunciar en 2008, ao cumprir 80 anos. O 14 de xaneiro de 2008 a orde aceptou a súa renuncia e elixiu a Adolfo Nicolás como sucesor. Kolvenbach finou en Beirut o 26 de novembro de 2016.
Notas
[editar | editar a fonte]- ↑ 1,0 1,1 1,2 1,3 O'Neill, Charles E.; Domínguez, Joaquín María, eds. (2001). Diccionario histórico de la Compañía de Jesús (en castelán) 2. Universidade Pontificia Comillas. pp. 1705–1706. ISBN 9788484680383.
