Rafael Souto

Rafael Souto

Nome orixinal	Rafael Ángel Souto Castro
Biografía
Nacemento	24 de outubro de 1930 (94 anos) Montevideo, Uruguai
País de nacionalidade
Actividade
Ocupación	futbolista
Período de actividade	1952 - 1956
Nacionalidade deportiva	Uruguai
Deporte	fútbol
Posición de xogo	Dianteiro
Traxectoria   Equipo 1952–1954   Club Nacional 1954–1956   Atlético de Madrid 5 (1)   Selección nacional 1953–1954   Uruguai 6 (0)
Participou en
1954	Mundial de Fútbol Suíza 1954
1953	Campeonato Sul-Americano de Futebol de 1953 ^(pt)

Rafael Ángel Souto Castro, nado en Montevideo o 24 de outubro de 1930, é un ex futbolista uruguaio, de orixe galega. Xogaba como dianteiro e foi internacional coa selección uruguaia.

Traxectoria

Seus pais, dous emigrantes galegos, naturais el de Arteixo e ela de Carballo, instaláranse nos anos 20 en Montevideo, onde naceu Rafael en 1930.^[1]

Na segunda metade da década de 1940 incorporouse ás categorías inferiores do Nacional, o equipo máis importante do Uruguai. Debutou co primeiro equipo en 1952, e conquistou ese ano o campionato de primeira división, formando dianteira con Jorge Enrico, Julio Pérez, Javier Ambrois e o tamén descendente de galegos Héctor Rial.^[2] Xogou dous anos máis en Nacional, obtendo dous subcampionatos de liga e a Copa Montevideo de 1953.

En febreiro de 1955 viaxou a España para incorporarse ás filas do Atlético de Madrid. A fichaxe foi propiciada pola mediación de Héctor Scarone e o prezo do traspaso foi de 20.000 pesos uruguaios.^[3][4] Tras disputar poucos partidos co club madrileño, foi cedido na tempada seguinte ao Elche, co que logrou o ascenso á Segunda División.

Regresou logo ao Uruguai, onde estivo ata agosto de 1958, momento no que chegou a Galicia para fichar polo Deportivo da Coruña por dúas tempadas.^[5][6] Fíxoo por recomendación do tamén uruguaio Dagoberto Moll, a quen coñecera na súa etapa no Elche e que regresou ese ano ao Deportivo xunto con Oswaldo. Disputou 18 partidos co club coruñés en Segunda División e marcou 4 goles, perdendo a titularidade fronte a Amancio.^[7] Ao remate da tempada o club decidiu reducir o cadro de xogadores desfacéndose dalgúns futbolistas con fichas altas, sendo Souto un deles, polo que acabou aí a súa etapa no Deportivo.^[8][9]

Selección nacional

Foi internacional coa selección de fútbol do Uruguai en seis ocasións, disputando o Campionato Suramericano de 1953 no Perú e o Mundial de 1954 en Suíza.^[10][11]

Notas

1. "Rafael Souto, un arteixán nas semifinais do Mundial de 1954". 18 de xullo de 2018. Arquivado dende o orixinal o 13 de febreiro de 2021. Consultado o 4 de novembro de 2020. 
2. Fascioli, Pablo (2 de febreiro de 2017). "Final del 52 y el tri 1955-1956-1957" (en castelán). Arquivado dende o orixinal o 01 de maio de 2020. Consultado o 4 de novembro de 2020. 
3. "Scarone trae un delantero centor para el Atlético de Madrid". El Pueblo Gallego (en castelán). 22 de febreiro de 1955. p. 9. Consultado o 4 de novembro de 2020. 
4. "Llegó a Madrid el futbolista internacional uruguayo, Souto". El Correo Gallego (en castelán). 24 de febreiro de 1955. p. 4. Consultado o 4 de novembro de 2020. 
5. "Breve charla con el uruguayo Souto". La Voz de Galicia (en castelán). 17 de agosto de 1958. p. 4. 
6. "Oswaldo y Souto firmaron por el Deportivo". El Pueblo Gallego (en castelán). 19 de agosto de 1958. p. 7. Consultado o 4 de novembro de 2020. 
7. "Jaime Blanco, el jugador más discutido del Deportivo". La Noche (en castelán). 7 de outubro de 1961. p. 4. Consultado o 4 de novembro de 2020. 
8. "El Deportivo quiere reducir su plantilla de jugadores". El Pueblo Gallego (en castelán). 27 de febreiro de 1959. p. 8. Consultado o 4 de novembro de 2020. 
9. "Situación deportivista". La Noche (en castelán). 3 de xullo de 1959. p. 6. Consultado o 4 de novembro de 2020. 
10. "1954 FIFA World Cup Switzerland". fifa.com (en inglés). Arquivado dende o orixinal o 8 de xuño de 2012. Consultado o 4 de novembro de 2020. 
11. "Ficha de Rafael Souto de Souto na Asociación Uruguaia de Fútbol". www.auf.org.uy (en castelán). Consultado o 4 de novembro de 2020. 

Véxase tamén

Ligazóns externas

• Datos do xogador en bdfutbol.com (en castelán).