(2015) | |||||||||||||||||||||||||||||||||||||||||||||||||||||||||||||||||||
Biografía | |||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Nacemento | 26 de agosto de 1959 (65 anos) Indio, Estados Unidos de América (pt) | ||||||||||||||||||||||||||||||||||||||||||||||||||||||||||||||||||
Datos persoais | |||||||||||||||||||||||||||||||||||||||||||||||||||||||||||||||||||
País de nacionalidade | Estados Unidos de América | ||||||||||||||||||||||||||||||||||||||||||||||||||||||||||||||||||
Educación | St. Thomas University (en) State University of New York at Brockport (en) | ||||||||||||||||||||||||||||||||||||||||||||||||||||||||||||||||||
Altura | 1,73 m | ||||||||||||||||||||||||||||||||||||||||||||||||||||||||||||||||||
Peso | 270 lb | ||||||||||||||||||||||||||||||||||||||||||||||||||||||||||||||||||
Actividade | |||||||||||||||||||||||||||||||||||||||||||||||||||||||||||||||||||
Ocupación | adestrador de baloncesto , baloncestista | ||||||||||||||||||||||||||||||||||||||||||||||||||||||||||||||||||
Deporte | baloncesto | ||||||||||||||||||||||||||||||||||||||||||||||||||||||||||||||||||
Liga | Baloncesto masculino da División I da NCAA e National Basketball Association | ||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||
Familia | |||||||||||||||||||||||||||||||||||||||||||||||||||||||||||||||||||
Irmáns | Jeff Van Gundy (pt) |
Stan Van Gundy, nado o 26 de agosto de 1959 en Indio (California), é un adestrador de baloncesto estadounidense que desde a temporada 2007-08 dirixe aos Detroit Pistons da National Basketball Association (NBA). Anteriormente fora adestrador dos Miami Heat durante tres anos e dos Orlando Magic durante seis. É irmán do antigo adestrador dos New York Knicks e Houston Rockets, Jeff Van Gundy.[1]
Van Gundy xogou ao baloncesto universitario no SUNY Brockport, centro dependente da Universidade Estatal de Nova York, onde en 1981 foi nomeado Atleta do Ano de todos os centros da universidade. Comezou a súa andaina como adestrador no Canisius College en 1987 como adestrador asistente, pasando a cumprir as mesma funcións ao ano seguinte na Universidade Fordham. O seu primeiro posto como adestrador principal conseguiuno na pequena universidade de Castleton State College, levando ao equipo en 1985 a disputar o Torneo da NAIA.[2] Posteriormente dirixiu á Universidade de Massachusetts Lowell. En 1994 asinou contrato coa Universidade de Wisconsin-Madison, onde permaneceu durante dúas tempadas. En oito anos como adestrador universitario gañou 135 partidos e perdeu 92, cunha porcentaxe de vitorias do 59,5%.
En 1995 entra a formar parte do equipo de asistentes do adestrador de Miami Heat, Pat Riley. Na tempada 2003-2004, tras a repentina renuncia de Riley ao cargo de adestrador, foi elixido substituto do mesmo como adestrador principal. Na súa primeira tempada gañou 42 partidos, clasificándose para os playoffs, perdendo nas semifinais de conferencia ante Indiana Pacers.[3] Ao ano seguinte, Pat Riley, que exercía os labores de Presidente do equipo, contratou a Shaquille O'Neal, o que permitiu a Van Gundy acabar a primeira parte da tempada co mellor balance da Conferencia Leste, gañándose o dereito a ocupar o banco da mesma no All-Star Game da NBA 2005, gañando ao Oeste 125-115.[4] Ese ano o equipo chegou ás Finais de Conferencia, perdendo ante os Pistons no sétimo partido.
Na postempada, xurdiron os rumores de que Riley quería despedir a Van Gundy. Fosen ou non certos eses rumores, a realidade é que este renunciou ao seu posto do 12 de decembro de 2005. Segundo informacións xurdidas en abril de 2008, Shaquille O'Neal puido ter moito que ver na renuncia de Van Gundy, o cal ao parecer burlábase del chamándoo "Ron Jeremy", unha coñecida estrela do porno que moitos din que se parece fisicamente ao adestrador.[5] Trala súa renuncia, Riley volveu facerse cargo do equipo, conseguindo gañar o anel de campións da NBA.[6]
En maio de 2007 recibiu unha oferta para adestrar a Indiana Pacers para substituír a Rick Carlisle, a cal declinou, pero seguiu contemplando a posibilidade de saír da disciplina dos Heat. Sacramento Kings e Orlando Magic eran as principais opcións, decantándose finalmente polo equipo de Florida.[1] Na súa primeira tempada cos Magic logrou 52 vitorias e 30 derrotas, chegando aos Playoffs, onde derrotaron a Toronto Raptors en primeira rolda, pero caeron nas semifinais de conferencia ante Detroit Pistons por 4-1.[7]
En 2009 levou ao seu equipo ás Finais da NBA, algo que non sucedía no equipo desde a tempada 1994-95, tras derrotar nas fases previas a Philadelphia 76ers, Boston Celtics e aos favoritos da Conferencia Leste, Cleveland Cavaliers. Alí atopáronse co campión da Conferencia Oeste, Los Angeles Lakers.[8]
O 21 de maio de 2012, Van Gundy deixou de ser adestrador dos Magic.[9]
Equipo | Ano | Liga Regular | Playoffs | |||||||
---|---|---|---|---|---|---|---|---|---|---|
Partidos | Vitorias | Derrotas | % Vitorias | Clasificado | Vitorias | Derrotas | % Vitorias | Resultado | ||
Miami | 2003-04 | 82 | 42 | 40 | .512 | 2º na División Atlántico | 6 | 7 | .462 | Semifinais de Conf. |
Miami | 2004-05 | 82 | 59 | 23 | .720 | 1º na División Sueste | 11 | 4 | .733 | Semifinais de Conf. |
Miami | 2005-06 | 21 | 11 | 10 | .524 | 1º na División Sueste | (Renunciou antes de finalizar) | |||
Orlando | 2007-08 | 82 | 52 | 30 | .643 | 1º na División Sueste | 5 | 5 | .500 | Segunda Rolda |
Orlando | 2008-09 | 82 | 59 | 23 | .720 | 1º na División Sueste | 13 | 10 | .565 | Finais da NBA |
Total | 349 | 223 | 126 | .639 | - | 35 | 26 | .574 | - |