Biografía | |
---|---|
Nacemento | (de) Theodor Friedrich Wilhelm Poesche 23 de marzo de 1825 Zöschen, Alemaña (en) |
Morte | 27 de decembro de 1899 (74 anos) Washington, D.C., Estados Unidos de América |
Educación | Universidade de Halle-Wittenberg (pt) (1844–) |
Actividade | |
Ocupación | antropólogo, escritor, historiador |
Membro de | |
Cronoloxía | |
década de 1850 | emigración |
Descrito pola fonte | Biographisches Jahrbuch und Deutscher Nekrolog (en) , (vol:4, 1899, p.206) >>>:Poesche, Dr. Theodor, , lang: lingua alemá |
Theodor Poesche, nado en 1824 en Zoeschen, preto de Merseburg (Saxonia-Anhalt) e finado o 27 de decembro de 1899 en Washington[1], foi un antropólogo xermano-americano, autor dunha Contribución á antropoloxía histórica. Estudante de filosofía na Universidade de Halle e revolucionario, emigra en 1850 aos Estados Unidos. En 1853, publica con Charles Goepp The New Rome, or The United States of the World, obra na que compara os Estados Unidos co Imperio romano. En 1878, dá ao prelo Die Arier: Ein Beitrag zur historischen Anthropologie. Baseándose nos caracteres físicos atribuídos ás poboacións indoeuropeas (cabelos louros, ollos azuis ou claros, elevada estatura, cadeiras estreitas, labios finos, prominencia do queixo, dolicocefalia) polo filólogo Ludwig Geiger,sitúa a súa orixe nos pantanos de Rokitno, en Rusia occidental, onde é frecuente o albinismo. Igualmente afirma que a lingua lituana está máis próxima da lingua nai indoeuropea que o propio sánscrito[2]. Engadindo aos argumentos antropolóxicos outros lingüísticos e arqueolóxicos Karl Penka ampliará este territorio á Alemaña setentrional e á Escandinavia meridional en 1883 e 1886.