William E. Metcalf

Non confundir co numismático británico Michael Metcalf

William Edwards Metcalf

Biografía
Nacemento	16 de decembro de 1947 East Grand Rapids, Estados Unidos de América
País de nacionalidade	Estados Unidos.
Educación	Universidade de Míchigan.
Q89547790	Estudos de moeda provincial romana.
Actividade
Campo de traballo	Numismática.
Ocupación	escritor, numismático, profesor universitario
Empregador	Universidade Columbia Universidade Rutgers ^(pt) American Numismatic Society Universidade de Nova York Bryn Mawr College Universidade de Princeton Università degli studi di Padova. Centro di ateneo per la storia della resistenza e dell'età contemporanea - CASREC ^(en) Universidade Yale
Membro de	Sociedade de Anticuarios de Londres.
Premios
(2008): Jeton de Vermeil (SNF). (2024): Medalla Huntington (ANS).
Lista  Compañeiro da Sociedade de Anticuarios de Londres

William Edwards Metcalf, nado o 16 de decembro de 1947, é un numismático estadounidense e historiador da Antigüidade, experto na moeda da Antiga Roma e, máis concretamente, na moeda provincial romana.^[1][2]

Traxectoria

Metcalf cursou os seus estudos universitarios na Universidade de Míchigan: primeiro graduouse en Latín (Bachelor of Arts) en 1969, con distinción honorífica; logo en Estudos Clásicos (Master of Arts) en 1970, e finalmente acadou o doutoramento, tamén en Estudos Clásicos, en 1973. Nesa universidade tivo profesores como o eminente numismático T. V. Buttrey.^[1][2][3]

En canto obtivo o grao de doutor, ingresou como conservador axudante de moeda romana e de moeda bizantina na American Numismatic Society (ANS), en Nova York, posto que ocupou ata 1975, cando foi ascendido a conservador asociado. En 1978 pasou a ser conservador xefe adxunto e, finalmente, en 1979 foi nomeado conservador xefe, sucedendo no posto a Margaret E. Thompson, onde permaneceu ata 2000. A partir dese momento foi conservador honorario e membro permanente da ANS.^[1][3]

Metcalf foi tamén profesor visitante, adxunto ou asociado en diversas institucións académicas de prestixio, como a Universidade de Columbia, a Universidade de Princeton, a Universidade de Padua, o Bryn Mawr College (Pensilvania), a Universidade Rutgers (Nova Jersey) ou a Universidade de Nova York.^[1][2][3]

No ámbito universitario, foi tamén conservador de moedas e medallas na Universidade Yale e profesor adxunto de Estudos Clásicos nesa mesma universidade en 2002. En 2007, o posto de conservador en Yale tomou o nome honorífico de Ben Lee Damsky, e Metcalf ocupouno ata o seu retiro en 2014.^[1][3]

William E. Metcalf forma parte do conselloe ditorial da revista numismática suíza Schweizerische Numismatische Rundschau.^[4]

Recoñecementos

• (1988): Membro do Instituto para o Estudo Avanzado, de Princeton.^[1][5]
• (1998): Membro da Sociedade de Anticuarios de Londres.^[1][6]
• (2008): Jeton de Vermeil, da Société française de Numismatique, de París.^[7]
• (2024): Medalla Huntington, da American Numismatic Society.^[8]

En 2008, o Archaeological Institute of America elixiuno como protagonista da súa tradicional serie anual de conferencias.^[9]

A Sociedade Numismática Austríaca nomeouno membro de honra.^[10]

Ademais, en 2018, a American Numismatic Society editou na súa honra unha publicación conxunta titulada Concordia Disciplinarum: Essays on Ancient Coinage, History and Archaeology in Honor of William E. Metcalf.^[11][12][13]

Publicacións

Ao longo da súa traxectoria académica, William E. Metcalf foi autor de numerosas publicacións, entre libros e artigos en revistas especializadas.^[2][14] Esta é unha escolma das monografías máis salientables das publicadas por William E. Metcalf ao longo da súa traxectoria académica:^[2][15]

• (1980). The Cistophori of Hadrian. American Numismatic Society, Nova York. ISBN 978-0897220040
• (1989). America's gold coinage. American Numismatic Society, Nova York. ISBN 978-0897222389
• (1992). The Silver Coinage of Cappadocia, Vespasian-Commodus. American Numismatic Society, Nova York. ISBN 0-89722-254-7
• (1996). The Silver Coinage of Caesarea in Cappadocia, Vespasian to Commodus. American Numismatic Society, Nova York. ISBN 978-0897222549
• (2012). The Oxford Handbook of Greek and Roman Coinage (editor). Oxford University Press. ISBN 9780195305746
• (2017). The Later Republican Cistophori. American Numismatic Society, Nova York. ISBN 9780897223478

Notas

1. Elkins, N. T.; Evans, J. D. (eds.) (2018). Páxinas vii, viii.
2. "Curriculum Vitae of William E. Metcalf Arquivado 14 de febreiro de 2021 en Wayback Machine.". Yale University Art Gallery.
3. "ANS Record Group 2: Curatorial. Series 18: William E. Metcalf curator correspondence". American Numismatic Society.
4. "Editorial Board Arquivado 24 de xuño de 2021 en Wayback Machine.". Schweizerische Numismatische Gesellschaft.
5. "William E. Metcalf". Institute for Advanced Study.
6. "Fellows: Dr William Metcalf Arquivado 14 de febreiro de 2021 en Wayback Machine.". Society of Antiquaries of London.
7. "Médaille et jeton de vermeil". Société Française de Numismatique (SFN).
8. "ANS Announces 2024 Huntington Award to William E. Metcalf". American Numismatic Society (Numismatics.org). 26 de xullo de 2024.
9. "William E. Metcalf Lectures In Numismatics". Archaeological Institute of America.
10. "Ehrenmitglieder". Österreichische Numismatische Gesellschaft.
11. Elkins, N. T.; Evans, J. D. (eds.) (2018).
12. "[https://coinsweekly.com/concordia-disciplinarum-festschr ift-in-honor-of-william-e-metcalf/ Concordia Disciplinarum: Essays on Ancient Coinage, History and Archaeology in Honor of William E. Metcalf]". En Coins Weekly. 12 de setembro de 2019.
13. "Concordia Disciplinarum: Essays on Ancient Coinage, History and Archaeology in Honor of William E. Metcalf". American Numismatic Society.
14. "Metcalf, William Edwards Arquivado 28 de xullo de 2021 en Wayback Machine.". Digital Library Numis.
15. "Metcalf, William E.". WorldCat.

Véxase tamén

Wikimedia Commons ten máis contidos multimedia na categoría:  William E. Metcalf

Bibliografía

• Elkins, N. T.; Evans, J. D. (eds.) (2018). Essays on Ancient Coinage, History and Archaeology in Honor of William E. Metcalf. American Numismatic Society. Numismatic Studies 38. ISBN 978-0-89722-357-7