XXVII edición dos Premios Goya
A 27ª cerimonia de entrega dos Premios Anuais da Academia "Goya" tivo lugar no Centro de Congresos Príncipe Felipe, localizado no Hotel Auditorium, o 17 de febreiro de 2013.[1] A presentadora foi Eva Hache, quen xa ocupou ese mesmo posto na anterior edición.[1]
Presentación
[editar | editar a fonte]A presentación da 27ª cerimonia dos Premios Goya tivo lugar o 19 de decembro de 2012 na sede da Academia de Cine, en Madrid. Ao acto acudiron Emilio Pina, produtor executivo da gala dos premios; Eva Cebrián, directora do Área de Cine de TVE; e Enrique González Macho, presidente da Academia de Cine de España; quen deron a coñecer á presentadora da gala, que sería a actriz e humorista Eva Hache, presentadora tamén da cerimonia de 2012 e que lles acompañou naquela roda de prensa.[2]
Así mesmo, durante a presentación déronse detalles e cifras sobre a seguinte entrega de premios: un total de cento vinte películas españolas optarían aos Premios Goya 2013, divididas en setenta e nove de ficción, sete de animación e trinta e catro documentais. Ademais, na 27ª edición participarían cen longametraxes europeas; trece películas iberoamericanas, entre as que por primeira vez había proxeccións portuguesas e brasileiras; e trinta curtametraxes. Os finalistas, que se anunciaron o 8 de xaneiro de 2013, disputaríanse un total de vinte e oito premios.[3]
A cerimonia de entrega de premios, cuxa produción executiva correu a cargo de Emilio Pina, foi dirixida por Manel Iglesias e tivo guión de Edu Arroyo e Cristina López.[3]
A anécdota da velada produciuse ao anunciarse o Goya á mellor Canción, ao nomearse por erro nun primeiro momento como gañador a Pablo Cervantes, pola canción «Línies paral·leles» da película Els nens salvatges.[4]
O Goya de honra, anunciado con anterioridade, foi para a actriz Concha Velasco, quen o recibiu o 28 de xaneiro de 2013 nos Teatros del Canal durante a festa que reúne aos finalistas e tamén o día da gala, en febreiro.[2][3]
Premios por categoría
[editar | editar a fonte]Estes son os finalistas da 27ª edición dos Premios Goya, segundo anunciouse o 8 de xaneiro de 2013 na sede da Academia,[5][6][7] e os gañadores, anunciados na cerimonia de entrega o 17 de febreiro de 2013:[8]
Notas
[editar | editar a fonte]- ↑ 1,0 1,1 García, Rocío (19-12-2012). El País, ed. "Eva Hache repite como presentadora de la gala de los premios Goya" (en castelán). Consultado o 19 de decembro de 2012.
- ↑ 2,0 2,1 EFE, ed. (19-12-2012). "Eva Hache volverá presentar os Goya en 2013". Cadena Ser (en castelán). Arquivado dende o orixinal o 13 de xaneiro de 2013. Consultado o 19 de decembro de 2012.
- ↑ 3,0 3,1 3,2 Martín Rodrigo, Inés (19-12-2012). Diario ABC, ed. "Eva Hache repite como presentadora dos Goya" (en castelán). Consultado o 19 de decembro de 2012.
- ↑ El País, ed. (17 de febreiro de 2013). "Un patinazo histórico".
- ↑ http://premiosgoya.academiadecine.com/actualidad/detalle.php?id=304
- ↑ http://premiosgoya.academiadecine.com/descargas/candidatos_edicion_27.pdf
- ↑ "Copia arquivada". Arquivado dende o orixinal o 05 de agosto de 2014. Consultado o 23 de febreiro de 2013.
- ↑ http://cultura.elpais.com/cultura/2013/02/17/actualidad/1361129134_057209.html
