Ալեքսանդր Տատարինով

Ալեքսանդր Տատարինով
հոկտեմբերի 25, 1950(1950-10-25) (74 տարեկան) -
ԾննդավայրՉիտայի մարզ, ՌԽՖՍՀ, ԽՍՀՄ
Քաղաքացիություն Ռուսաստան
ԶորատեսակՌԴ ռազմածովային ուժերի նավատորմ
Կոչումծովակալ և ադմիրալ
Հրամանատարն էրՍևծովյան նավատորմ
ԿրթությունՆ. Գ. Կուզնեցովի անվան ռազմածովային ակադեմիա
Պարգևներ

Ալեքսանդր Արկադիի Տատարինով (ռուս.՝ Алекса́ндр Арка́дьевич Тата́ринов, հոկտեմբերի 25, 1950(1950-10-25), Չիտայի մարզ, ՌԽՖՍՀ, ԽՍՀՄ), խորհրդային և ռուս զինվորական հրամանատար, ծովակալ (2005)։ Սևծովյան նավատորմի հրամանատար (2005-2007)։ Ռազմածովային ուժերի գլխավոր շտաբի պետ (2009-2016)։

Կենսագրություն

[խմբագրել | խմբագրել կոդը]

Ավարտել է Պ. Ս. Նախիմովի անվան Սևծովյան բարձրագույն ռազմածովային ուսումնարանը (1967-1972), Ռազմածովային ուժերի բարձրագույն հատուկ սպայական դասերը (1979-1980), Խորհրդային Միության մարշալ Ա. Ա. Գրեչկոյի անվան ռազմածովային ակադեմիան՝ գերազանցությամբ (1986-1988), Զինված ուժերի գլխավոր շտաբի ռազմական ակադեմիան՝ էքստերնով (2002)։

Ծառայության է անցել որպես ինժեներ (1972-1973) և լաբորատորիայի պետ (1973) ականա-տորպեդային զենքի բազայում, հակաօդային մարտկոցի հրամանատար (1973-1976) և հրթիռահրետանային մարտական մասի հրամանատար (1976-1977) «Սլավնի» մեծ հակասուզանավային նավի վրա, «Բոդրի» պահակային նավի ավագ հրամանատարի օգնական (1977-1979), «Նեուկրոտիմի» պահակային նավի ավագ հրամանատարի օգնական (1979), «Օբրազցովի» մեծ հակասուզանավային նավի հրամանատար (09.1980-08.1986)։

Եղել է 128-րդ հակասուզանավային նավերի բրիգադի շտաբի պետ (07.1988-1990) և հրամանատար (1990-1994), Բալթյան նավատորմի Բալթյան ռազմածովային բազայի շտաբի պետ (1994-04.1996) և հրամանատար (04.1996-09.1997)։ Կոնտր-ծովակալ (1995)։

Եղել է Սևծովյան նավատորմի շտաբի պետ (09.1997-02.2005) և հրամանատար (02.2005-07.2007)։ Ռուսաստանի Դաշնության նախագահի 1998 թվականի փետրվարի 23-ի հրամանագրով Սևծովյան նավատորմի շտաբի պետ, կոնտր-ծովակալ Ալեքսանդր Արկադևիչ Տատարինովին շնորհվել է փոխծովակալի զինվորական կոչում։

Եղել է Ռազմածովային ուժերի գլխավոր հրամանատարի տեղակալ (07.2007-07.2009), Ռազմածովային ուժերի գլխավոր շտաբի պետ՝ Ռազմածովային ուժերի գլխավոր հրամանատարի առաջին տեղակալ (07.2009-01.2016)։

2002 թվականին ավարտել է Ռուսաստանի Դաշնության զինված ուժերի գլխավոր շտաբի ռազմական ակադեմիան[1]։

Ռուսաստանի Դաշնության պաշտպանության նախարարի 2005 թվականի փետրվարի 15-ի №137 հրամանով, Ռուսաստանի Դաշնության նախագահի 2005 թվականի փետրվարի 12-ի №152 հրամանագրի համաձայն, նշանակվել է Սևծովյան նավատորմի հրամանատար։ Ռուսաստանի Դաշնության նախագահի 2005 թվականի դեկտեմբերի 12-ի №1431 հրամանագրի և նույն օրվա Ռուսաստանի Դաշնության պաշտպանության նախարարի №533 հրամանի համաձայն, Սևծովյան նավատորմի հրամանատար, փոխծովակալ Ալեքսանդր Տատարինովին շնորհվել է «ծովակալ» զինվորական կոչում[2]։

2007 թվականի հուլիսի 17-ին ծովակալ Ալեքսանդր Արկադիի Տատարինովը նշանակվել է Ռուսաստանի ռազմածովային ուժերի գլխավոր հրամանատարի տեղակալ՝ փոխարինելով ծովակալ Միխայիլ Զախարենկոյին։ 2009 թվականի հուլիսի 7-ին նշանակվել է Ռազմածովային ուժերի գլխավոր շտաբի պետ՝ գլխավոր հրամանատարի առաջին տեղակալի պաշտոնում, փոխարինելով ծովակալ Աբրամովին[3]։

2010 թվականի հոկտեմբերին Ռուսաստանի նախագահի հրամանագրով ծովակալ Տատարինովի զինվորական ծառայության ժամկետը երկարաձգվել է մեկ տարով։

2012 թվականի հունվարի 30-ին Ռուսաստանի նախագահ Դմիտրի Մեդվեդևը երկարաձգել է գլխավոր շտաբի պետի՝ ռազմածովային ուժերի գլխավոր հրամանատարի առաջին տեղակալի պաշտոնում Ալեքսանդր Տատարինովի լիազորությունները չորս տարով, մինչև նրա 65-ամյա տարեդարձը[4]։

Ամուսնացած է, ունի երկու երեխա՝ որդի և դուստր[1]։

Պարգևատրվել է խորհրդային «Հայրենիքին ծառայության համար ԽՍՀՄ զինված ուժերում» երրորդ աստիճանի շքանշանով (1984) և ռուսական «Հայրենիքին մատուցած ծառայությունների համար» չորրորդ աստիճանի սրերով շքանշանով՝ (07.06.2010[5]), «Ռազմական ծառայությունների համար» շքանշանով (1996), «Ծովային ծառայությունների համար» շքանշանով և մեդալներով։ Ռուսաստանի Դաշնության վաստակավոր զինվորական մասնագետ (29.09.2004)[6]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 «ТАТАРИНОВ Александр Аркадьевич. Сайт «Военное обозрение. Новости армии и ВМФ России»». Արխիվացված է օրիգինալից 2011-03-10-ին. Վերցված է 2011-07-23-ին. {{cite web}}: Unknown parameter |deadurl= ignored (|url-status= suggested) (օգնություն)
  2. ↑ Официальный отдел. Из указов Президента Российской Федерации. // Морской сборник. — 2006. — № 3. — С.2.
  3. ↑ ««Газета. Ru», «Сменилось командование Черноморского и Балтийского флотов», 20 июля 2007». Արխիվացված է օրիգինալից 2008-09-16-ին. Վերցված է 2007-07-20-ին. {{cite web}}: Unknown parameter |deadurl= ignored (|url-status= suggested) (օգնություն)
  4. ↑ «РИА Новости». Արխիվացված է օրիգինալից 2014-09-13-ին. Վերցված է 2014-09-13-ին. {{cite web}}: Unknown parameter |deadurl= ignored (|url-status= suggested) (օգնություն)
  5. ↑ Официальный отдел. Из указов Президента Российской Федерации. // Морской сборник. — 2010. — № 8. — С. 8.
  6. ↑ Официальный отдел. Из указов Президента Российской Федерации. // Морской сборник. — 2004. — № 12. — С.3.

Աղբյուրներ

[խմբագրել | խմբագրել կոդը]