Դպրաբակ

Գյուղ
Դպրաբակ
ռուս.՝ Чайкенд
ռուս.՝ Дпрабак
ԵրկիրՀայաստան Հայաստան
ՄարզԳեղարքունիքի մարզ
ՀամայնքԳեղարքունիքի մարզ, Ղազախի գավառ և Կրասնոսելսկի շրջան
Հիմնադրված է1778 թ.
ԲԾՄ1240 մ
Պաշտոնական լեզուՀայերեն
Բնակչություն489[1] մարդ (2011)
Ազգային կազմՀայեր
Կրոնական կազմՀայ Առաքելական եկեղեցի
Ժամային գոտիUTC+4
Փոստային ինդեքս1310
Դպրաբակ (Հայաստան)##
Դպրաբակ (Հայաստան)
Դպրաբակ (Գեղարքունիքի մարզ)##
Դպրաբակ (Գեղարքունիքի մարզ)

Դպրաբակ, գյուղ Հայաստանի Գեղարքունիքի մարզի Ճամբարակ համայնքում[2]։

Գտնվում է Գետիկի ստորին հոսանքի ձախ և աջ ափերին, մարզկենտրոն Գավառից 97 կմ հյուսիս։ Բնակավայրը գտնվում է ծովի մակերևույթից 1240 մետր բարձրության վրա։

Պատմություն

[խմբագրել | խմբագրել կոդը]

Հիմնադրվել է 1778 թվականին։ Դպրաբակ է վերանվանվել 1991 թվականի ապրիլի 3-ին (նախկինում՝ Չայքենդ)։

Բնակչություն

[խմբագրել | խմբագրել կոդը]

Բնակիչների մեծ մասը 1988 թ նոյեմբերի 28-ից եկել են Շամքորի շրջանի Բարում, Բարսում, Մարտունի գյուղերից, Բաքու քաղաքից, 1990-ական թթ. այստեղ են վերաբնակվել նաև Արցախի և Արծվաշեն գյուղի բռնագաղթածները։

Տարի 1897 1926 1939 1959 1979 1989 2001 2011
Բնակիչ 754 713 893 809 1112 508 654 489[1]

Տնտեսություն

[խմբագրել | խմբագրել կոդը]

Բնակչությունը զբաղվում է անասնապահությամբ, մեղվաբուծությամբ և կերային մշակաբույսերի մշակությամբ։

Պատմամշակութային կառույց

[խմբագրել | խմբագրել կոդը]
Դպրաբակի կիսավեր եկեղեցու ավերակները

Դպրաբակ բնակավայրը հարուստ է պատմամշակութային հուշարձաններով։ Այստեղ պետության կողմից հավառվել են 8 հուշարձաններ, որոնցից է գյուղի հարավային մասում՝ գետի ձախափնյա բլրալանջին գտնվող և 12-ից 17-րդ դարերով թվագրվող գերեզմանոցը, վերջինի հյուսիսային կողմում գտնվող և 12-ից 13-րդ դարերով թվագրվող կիսավեր եկեղեցին, գերեզմանոցի հյուսիսային կողմում գտնվող և 12-ից 13-րդ դարերով թվագրվող կիսավեր մատուռը, 17-ից 18-րդ դարերով թվագրվող խաչքարը, 16-ից 17-րդ դարերով թվագրվող տապանաքարը, գյուղի մեջ գտնվող և 17-ից 18-րդ դարերով թվագրվող կիսավեր եկեղեցին, վերջինի շուրջ տարածված և 17-ից 18-րդ դարերով թվագրվող գերեզմանոցը, այնտեղ գտնվող և 17-ից 18-րդ դարերով թվագրվող տապանաքարը, 1730 թվագրվող պարոն Ալթունի տապանաքարը, գյուղի հարավ-արևելյան մասում՝ Դպրաբակ տանող ճանապարհից աջ կողմում գտնվող և 19-րդ դարով թվագրվող կամուրջը[3]։

Բացի պետության կողմից հաշվառված հուշարձանների, գյուղի տարածքում կան նաև այլ հուշարձաններ։ Գյուղից 4 կմ դեպի հարավ-արևմուտք՝ անտառի մեջ, «Այրիջուր» կոչված հանդամասում, կա գյուղատեղի, խաչարձան, խաչքարեր՝ 12-13դդ. արձանագրություններով։

Տես նաև

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ 1,0 1,1 2011 թ Հայաստանի մարդահամարի արդյունքները
  2. ↑ Գեղարքունիքի մարզի համայնքների մասին տեղեկություններ մարզպետարանի կայքում, (արխիվացված 12․08․2023 թվականին)։
  3. ↑ Հայաստանի կառավարության որոշում N 80, 9 հունվարի 2003 թ․, (արխիվացված 22․11․2021թ․)։

Արտաքին հղումներ

[խմբագրել | խմբագրել կոդը]
  • 2001 թվականի Հայաստանի մարդահամարի արդյունքները, Հայաստանի վիճակագրական կոմիտե
  • Kiesling, Brady (2005), Rediscovering Armenia: Guide, Yerevan, Armenia: Matit Graphic Design Studio
  • Brady Kiesling, Rediscovering Armenia, p. 50, available online at the website of the Internet Archive: