Եղեգնուտ (Լոռու մարզ)

Անվան այլ կիրառումների համար տե՛ս՝ Եղեգնուտ (այլ կիրառումներ)
Գյուղ
Եղեգնուտ
ԵրկիրՀայաստան Հայաստան
ՄարզԼոռու մարզ
ՀամայնքՓամբակ (համայնք) | Փամբակ համայնք[1]
Հիմնադրված է1856 թ.
Այլ անվանումներՂամշկուտ
Մակերես12,26 կմ²
ԲԾՄ1000 մետր
Պաշտոնական լեզուհայերեն
Բնակչություն▼893 մարդ (2011)[2]
Ազգային կազմՀայեր
Կրոնական կազմՀայ Առաքելական եկեղեցի
Տեղաբնականունեղեգնուտցի
Ժամային գոտիUTC+4
Եղեգնուտ (Լոռու մարզ) (Հայաստան)##
Եղեգնուտ (Լոռու մարզ) (Հայաստան)
Եղեգնուտ (Լոռու մարզ) (Լոռու մարզ)##
Եղեգնուտ (Լոռու մարզ) (Լոռու մարզ)

Եղեգնուտ, գյուղ Հայաստանի Լոռու մարզի Փամբակ համայնքում[1]։

Գտնվում է Փամբակ գետի աջ ափին։ Բարձրությունը ծովի մակերևույթից՝ 1 000 մ։ Տեղակայված է մարզկենտրոն Վանաձորից 21-23 կմ հյուսիս-արևելք։

Հիմնադրվել է 1856 թվականին։ Եղեգնուտ է վերանվանվել 1935 թվականին[3]։

Բնակչություն

[խմբագրել | խմբագրել կոդը]

Ըստ Հայաստանի 2011 թվականի մարդահամարի արդյունքների՝ Եղեգնուտի մշտական բնակչությունը կազմել է 893, առկա բնակչությունը՝ 788 մարդ[4]։ 1831 թվականից ի վեր բնակիչները հայեր են[3][5]։

Եղեգնուտի բնակչության փոփոխությունը ժամանակի ընթացքում՝ ստորև.

Տարի Բնակչություն
1897 421 մարդ [6]
1926 1084 մարդ [6]
1939 1427 մարդ [6]
1959 1200 մարդ [6]
1970 1319 մարդ [6]
1979 998 մարդ [6]
1989 825 մարդ [7]
2001 1164 մարդ [6]
2011 893 մարդ [2]


Կլիմա

[խմբագրել | խմբագրել կոդը]

Ձմեռվա տևողությունը միջինում 140 օր է։ Ձմեռը մեղմ է, ամառը՝ զով։ Անտառները հարուստ են հատապտուղներով։

Տնտեսություն

[խմբագրել | խմբագրել կոդը]

Գյուղում հիմնականում զբաղվում են կարտոֆիլի, կաղամբի և այլ բանջարաբոստանային կուլտուրաների արտադրությամբ, ինչպես նաև անասնապահությամբ։ Արտադրվում է կաթ, միս, բուրդ, ձու։ Զարգացած է նաև մեղվաբուծությունը։

Պատմամշակութային կառույցներ

[խմբագրել | խմբագրել կոդը]
Հիմնական հոդված՝ Եղեգնուտի պատմության և մշակույթի անշարժ հուշարձանների ցանկ (Լոռու մարզ)

Գյուղը շատ հարուստ է պատմամշակութային կառույցներով։ Գյուղում կան 22 խաչքար և 10 գերեզմանոց։ Գյուղի հարավային կողմում պահպանվել են Մ.թ.ա. 2-1-ին հազարամյակների ամրոցի պատերի մնացորդներ։ Կան Մ.թ.ա. 4-3-րդ հազարամյակների երկու բնակատեղի և մի ամրոց, ինչպես նաև միջնադարյան 6 գյուղատեղի։ Գործում են մեկ մատուռ և մեկ եկեղեցի։ Գյուղի տարածքում են գտնվում Մ.թ.ա. 2-1-ին հազարամյակների մեկ դամբարանատեղի, տապանաքար և թևավոր խաչ։ Փամբակ գետի վրա է գտնվում 19-րդ դարում կառուցված երկաթուղու կամուրջ։ Գյուղի սկզբնամասում՝ ճանապարհի ձախ կողմում է գտնվում Երկրորդ աշխարհամարտում զոհվածներերին նվիրված հուշարձան։

Պատկերասրահ

[խմբագրել | խմբագրել կոդը]
  • Հուշարձան Երկրորդ աշխարհամարտում զոհվածներին
    Հուշարձան Երկրորդ աշխարհամարտում զոհվածներին

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Տեղեկություններ Փամբակ համայնքի մասին Լոռու մարզի մարզպետարանի կայքում, (արխիվացված 11․07․2023 թվական)։
  2. ↑ 2,0 2,1 Հայաստանի 2011 թ. մարդահամարի արդյունքները (հայ.)
  3. ↑ 3,0 3,1 Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 2 [Դ-Կ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 185 — 992 էջ։
  4. ↑ 2011 թ Հայաստանի մարդահամարի արդյունքները
  5. ↑ Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
  6. ↑ 6,0 6,1 6,2 6,3 6,4 6,5 6,6 Հայաստանի բնակավայրերի բառարան (հայ.) — Երևան: 2008. — 184 p.
  7. ↑ Հակոբյան Թ., Մելիք-Բախշյան Ս., Բարսեղյան Հ. Հայաստանի և հարակից շրջանների տեղանունների բառարան (հայ.) — Երևանի համալսարանի հրատարակչություն, 1986. — հատոր 5. — էջ 663. — 4696 p.
Վիքիպահեստն ունի նյութեր, որոնք վերաբերում են «Եղեգնուտ (Լոռու մարզ)» հոդվածին։
 ⛭ 
  Թեմատիկ կայքեր