Խալիմա Նասիրովա (դեկտեմբերի 21, 1913(1913-12-21), Կոկանդի մարզ, Ֆերգանայի մարզ, Ռուսական կայսրություն - հունվարի 3, 2003(2003-01-03), Տաշքենդ, Ուզբեկստան), ուզբեկ խորհրդային երգչուհի (սոպրանո)։ ԽՍՀՄ ժողովրդական արտիստուհի (1937 թվական)։
Սովորել է Բաքվի թատերական տեխնիկումում (1924-1927 թվականներ), Մոսկվայի կոնսերվատորիայի ուզբեկական օպերային ստուդիայում (1934–1937 թվականներ)։ Բեմական գործունեությունն սկսել է 1927 թվականին, Համզայի անվան թատրոնում որպես դրամատիկ դերասան, ապա՝ երաժշտա-դրամատիկական թատրոնում։ 1939 թվականից եղել է Ա․ Նավոիի անվան ուզբեկական օպերայի և բալետի թատրոնի առաջատար մենակատարուհի։ Լավագույն դերերգերից են՝ Լեյլի, Գյուլսարա (Գլիերի և Սադիկովի «Լեյլի և Մեջնուն», «Գյուլ- սարա»), Զուհրա (Զալիլովի և Բրովցինի «Թահիր և Զուհրա»), Մայսարա (Յուդակովի «Մայսարայի արարքները»), Կարմեն (Բիզեի «Կարմեն»)։ ԽՍՀՄ պետական (1942, 1951 թվականներ) և Ուզբեկական ԽՍՀ Համզայի անվան (1971 թվականներ) մրցանակներ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 183)։ 
|
Ռուսական կայսրություն, 
ԽՍՀՄ և 
Ուզբեկստան
Halima Nosirova Վիքիպահեստում
