Կամազ (մարզադաշտ)

Կամազ
Տեսակմարզադաշտ
ՏեղագրությունՆաբերեժնիե Չելնի
Երկիր Ռուսաստան
Տարողություն10 000
Տնային թիմ«Կամազ» ՖԱ Նաբերեժնիե Չելնի
Քարտեզ
Քարտեզ
 KAMAZ Stadium Վիքիպահեստում

«Կամազ», Ֆուտբոլի մարզադաշտ Թաթարստանի ‎Նաբերեժնիե Չելնի քաղաքում։ «Կամազ» մարզադաշտն օգտագործվում է բացառապես ֆուտբոլային խաղերի համար։ Մարզադաշտն ունի բնական խոտածածկ և հագեցած է ջեռուցման համակարգով։ Չկան վազքուղիներ։ Մարզադաշտը հանդիսանում է «Կամազ» ֆուտբոլային ակումբի տնային խաղադաշտը։ 2015 թվականին իրականացվել են վերակառուցման լայնածավալ աշխատանքներ։

Պատմություն

[խմբագրել | խմբագրել կոդը]
  • 1973 թվականին Գրենադա այգու ամայի տարածքում ձևավորվել է ֆուտբոլի դաշտ։
  • 1977 թվականին կառուցվել է առաջին (արևմտյան) 3000 նստատեղով տրիբունա։
  • 1988 թվականին կառուցվել է արևելյան տրիբունան։
  • 1988 թվականի օգոստոսի 23-ին մարզադաշտում անցկացվել է «Տորպեդո» (Նաբերեժնիե Չելնի) առաջին պաշտոնական խաղը «Մետալուրգ» (Մագնիտոգորսկ) ակումբի հետ։ Հանդիպմանը ներկա է գտնվել 5500 հանդիսատես։
  • 1993 թվականին արևելյան և արևմտյան տրիբունաները վերակառուցվել են (նստատեղերը ավելացել են), տեղադրվել են կողային (հարավային և հյուսիսային) տրիբունաները։ Մարզադաշտի ընդհանուր տարողությունը հասել է 12000 հանդիսատեսի։ Վերանորոգվել են շինությունները (լողավազաններ, հանդերձարաններ), փողոցային տաղավարներ, մարզադաշտի նորացված լուսավորություն։
«Կամազ» մարզադաշտի վերակառուցման վերջնական փուլը
2015 թվականի սեպտեմբեր
  • 1996 թվականին մարզադաշտում անցկացվել է ջեռուցման համակարգ։
  • 2003 թվականին նստարանները փոխարինվել են առանձին պլաստիկ աթոռներով։ Մարզադաշտի տարողությունը կրճատվել է մինչև 9203 հանդիսատես։ Թարմացվել են լուսավորության համակարգն ու էլեկտրոնային էկրանները։
  • 2015 թվականին վերակառուցման աշխատանքներ են կատարվել բոլոր առկա տրիբունաներում, որոնց տեղում տեղադրվել են 6248 հանդիսատեսի համար նախատեսված նոր մետաղական կառույցներ։ Բացի այդ, կառուցվել է երեք հարկանի վարչական և կենցաղային նոր շենք, երկու հանրային զուգարան, փոխվել է լուսավորությունը և ցուցատախտակները, տեղադրվել է տեսահսկման համակարգ։

Հիմնական առանձնահատկություններ

[խմբագրել | խմբագրել կոդը]
Մարզադաշտի վարչական և կենցաղային մասնաշենք

Մարզադաշտը սպորտային համալիր է, որը բաղկացած է ֆուտբոլի դաշտից՝ տրիբունաներով և վարչական և կենցաղային մասնաշենքով։ Մարզդաշտի չափը՝ 105 x 68 մ[1]։ Տրիբունաները հնարավորինս մոտ են դաշտին և իրենցից ներկայացնում են գործարանային արտադրության մետաղական կառույցներ։ Արևմտյան տրիբունային է հարում 1600 մ² ընդհանուր տարածքով երեք հարկանի վարչական և կենցաղային շենքը։ Կան հանդերձարաններ, համաժողովների սրահ, բժշկական կետ, մարզադահլիճ և այլ հարմարություններ, որոնք նախատեսված են Ռուսական ֆուտբոլային միության չափանիշներին համապատասխան։ Արևմտյան տրիբունայի կենտրոնական հատվածից (VIP հյուրերի համար) կա վերնածածկ[2]։ Մարզադաշտն ունի ջեռուցման, ջրահեռացման և տեսահսկման տեխնիկական համակարգեր։ Կան երկու հասարակական զուգարաններ։ Մարզադաշտի հարակից տարածքում կան մարզման մի քանի ֆուտբոլի դաշտեր՝ բնական և արհեստական խոտածածկով՝

  • ֆուտբոլի դաշտ № 1 (բնական ծածկույթ) - 100 х 65 մ
  • ֆուտբոլի դաշտ № 2 (արհեստական ծածկույթ) - 100 х 68 մ
  • ֆուտբոլի դաշտ № 3,4,5, (արհեստական ծածկույթ) - 115 х 45 մ (40х20 մ, 40х20 մ, 70х45 մ)
  • ֆուտբոլի դաշտ (բնական ծածկույթ) - 70 х 68 մ
  • ֆուտբոլի դաշտ (բնական ծածկույթ) - 80 х 48 մ
Հյուրերի հանդերձարան VIP-օթյակ Համերգասրահ

Տարողություն

[խմբագրել | խմբագրել կոդը]
  • Մարզադաշտի ընդհանուր տարողություն՝ 6248 նստատեղ

Որից՝

  • Արևմտյան տրիբունա՝ 1674 նստատեղ (այդ թվում`սովորական հանդիսատեսի համար 1612 նստատեղ, հրավիրված vip-անձնաց համար 16 նստատեղ, 84 նստատեղ հաշմանդամների համար, 16 նստատեղ լրագրողների, 34 նստատեղ երկրորդ հարկի vip-օթյակում)։
  • Արևելյան տրիբունա՝ 2010 նստատեղ
  • Հյուսիսային տրիբունա՝ 1240 նստատեղ
  • Հարավայի տրիբունա՝ 1240 նստատեղ
Արևելյան տրիբունա Հյուսիսային տրիբունա Արևելյան և հարավային տրիբունաներ

Միջազգային խաղեր

[խմբագրել | խմբագրել կոդը]

Եվրոգավաթներ

[խմբագրել | խմբագրել կոդը]

1996 թվականին «Կամազ» մարզադաշտում Ինտերտետո 1996 գավաթի շրջանակներում անցկացվել է երեք խաղ, այդ թվում`կիսաեզրափակիչ[3].

հունիսի 22 1996 (խմբային փուլ)
Ռուսաստան «Կամազ-Չալլի» 3:0 Լեհաստան «Լոձ»
հուլիսի 13 1996 (խմբային փուլ)
Ռուսաստան«Կամազ-Չալլի» 2:2 Բուլղարիա «Սպարտակ»
հուլիսի 26 1996 (1/2 եզրափակիչ)
Ռուսաստան «Կամազ-Չալլի» 2:0 Ֆրանսիա «Գենգամ»

Հանդիպումներ Ռուսաստանի հավաքականի մասնակցությամբ

[խմբագրել | խմբագրել կոդը]

2012 թվականին «Կամազ» մարզադաշտում տեղի է ունեցել «Մրցակոչ» միջազգային մրցաշարը, որտեղ Ռուսաստանի երկրորդ հավաքականը հանդիպել է Բելգիայի հավաքականի հետ, կազմված 1992-1993 թվականներին ծնված խաղացողներից[4]։

օգոստոսի 15 2012
Ռուսաստան Ռուսաստան (2) 4:0 Բելգիա Բելգիա U-19

Համերգներ և այլ միջոցառումներ

[խմբագրել | խմբագրել կոդը]

1980-1990-ական թվականներին մարզադաշտն օգտագործվել է զանգվածային սպորտային մրցույթների (սպորտակիադաների), ինչպես նաև էստրադային և ռոք համերգների համար։

Տեղադրություն

[խմբագրել | խմբագրել կոդը]

Մարզադաշտը գտնվում է Նաբերեժնիե Չելնի քաղաքի Նոր մասում՝ Կենտրոնական շրջանի Մոսկովյան պողոտայում։ Մարզադաշտ կարելի է հասնել հասարակական տրանսպորտով՝ № 6, 7, 8, 10 տրամվայ[5] և № 2, 3, 11 ավտոբուս[6]։

Ծանոթագրություններ

[խմբագրել | խմբագրել կոդը]
  1. ↑ «Описание стадиона «КАМАЗ» на официальном сайте РФПЛ». www.rfpl.org. 2015 թ․ հուլիսի 15. Արխիվացված է օրիգինալից 2015-11-22-ին. Վերցված է 2015 թ․ նոյեմբերի 22-ին.
  2. ↑ «Каким будет стадион «КАМАЗ»?». www.chelnyltd.ru. 2015 թ․ հուլիսի 15. Վերցված է 2015 թ․ նոյեմբերի 22-ին.
  3. ↑ «Наши в Европе: «Կամազ»». tatarstansports.ru. 2011 թ․ ապրիլի 29. Արխիվացված է օրիգինալից 2015 թ․ նոյեմբերի 22-ին. Վերցված է 2015 թ․ նոյեմբերի 22-ին.
  4. ↑ «Матч Россия - Бельгия в Набережных Челнах». www.business-gazeta.ru. 2012 թ․ օգոստոսի 16. Արխիվացված է օրիգինալից 2012 թ․ հոկտեմբերի 24-ին. Վերցված է 2012 թ․ հոկտեմբերի 1-ին.
  5. ↑ «Схемы трамвайных маршрутов». chelnytram.ru. 2015 թ․ նոյեմբերի 22. Վերցված է 2015 թ․ նոյեմբերի 22-ին.
  6. ↑ «Схемы автобусных маршрутов». chelnytram.ru. 2015 թ․ նոյեմբերի 22. Արխիվացված է օրիգինալից 2015 թ․ նոյեմբերի 22-ին. Վերցված է 2015 թ․ նոյեմբերի 22-ին.

Արտաքին հղումներ

[խմբագրել | խմբագրել կոդը]