Հերսոնք (քրդ.՝ Êrsonk), գյուղ Արևմտյան Հայաստանում, Բիթլիսի վիլայեթի Խլաթի գավառակում։ Գտնվում էր Խլաթ քաղաքից 5 կմ հյուսիս՝ բլրապատ վայրում։
Հերսոնքը եղել է զուտ հայաբնակ գյուղ։ 1882 թվականին ուներ 19 տուն՝ 205 հայ բնակչով, իսկ 1909 թվականին 28 տուն՝ 262 հայ բնակչով։
1915 թվականի Մեծ եղեռնի ժամանակ Հերսոնքը ավերվել է թուրքերի կողմից։ Բնակչության մի մասը զոհվել է, իսկ մյուսները բռնությամբ տեղահանվել են։
Բնակչության հիմնական զբաղմունքը անասնապահությունն ու գյուղատնտեսությունն էր։
Հերսոնքում կար Ս. Թորոս անունով հայկական եկեղեցի[1]։
- ↑ «Հայաստանի և հարակից շրջանների տեղանունների բառարան», հտ 3, էջ 409
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 383)։ 
|
