Վահրամաբերդ
| Գյուղ | |||
|---|---|---|---|
| Վահրամաբերդ | |||
 Վահրամաբերդ գյուղի մուտքը | |||
| Երկիր |  Հայաստան | ||
| Մարզ | Շիրակի մարզ | ||
| Համայնք | Շիրակի մարզ, Ախուրյանի շրջան և Ալեքսանդրապոլի գավառ | ||
| Մակերես | 8.2 կմ² | ||
| ԲԾՄ | 1650 մ | ||
| Պաշտոնական լեզու | հայերեն | ||
| Բնակչություն | 1683[1] մարդ (2012) | ||
| Ազգային կազմ | հայեր | ||
| Ժամային գոտի | UTC+4 | ||
| Հեռախոսային կոդ | +374 312[2] | ||
| |||
Վահրամաբերդ (նախկին անվանումը՝ Ներքին Ղանլիջա), գյուղ Հայաստանի Շիրակի մարզի Ախուրյանի տարածաշրջանում, մարզկենտրոն Գյումրիից 10 կմ հյուսիս-արևմուտք, Ախուրյան գետի ձախ ափին։ Վահրամաբերդ է վերանվանվել 1946 թվականին ի պատիվ միջնադարի հայ զորավար Վահրամ Պահլավունու[3], որի տապանաքարը պահպանվում է Մարմաշենի վանքի գավթում։
Բնական պայմանները
[խմբագրել | խմբագրել կոդը]Գյուղը գտնվում է Ախուրյանի ձախ ափին՝ ծովի մակարդակից 1650 մետր բացարձակ բարձրության վրա։ Կլիման ցուրտ է, քիչ տեղումներով։ Հաճախ են ուժեղ քամիները, մառախուղները և ձնաբքերը։ Ամառները տաք են, համեմատաբար խոնավ։ Տարեկան տեղումների միջին քանակը կազմում է շուրջ 450-500 միլիմետր։ Բնական լանդշաֆտներն են սևահողային լեռնատափաստանները, որոնք հիմնականում ոռոգվում են Շիրակի ջրանցքի ջրերով։ Ունի պեմզայի և տուֆի պաշարներ։
Բնակչություն
[խմբագրել | խմբագրել կոդը]Ըստ Հայաստանի 2011 թ. մարդահամարի արդյունքների՝ Վահրամաբերդի մշտական բնակչությունը կազմել է 1455, առկա բնակչությունը՝ 1393 մարդ[4]։ Բնակիչները հայեր են, որոնց նախնիները գաղթել են Կարսի Ինջալար գյուղից[3]։
Վահրամաբերդի բնակչության փոփոխությունը ժամանակի ընթացքում՝ ստորև[5].
| Տարի | 1831 | 1873 | 1897 | 1926 | 1939 | 1959 | 1970 | 1979 | 1989 | 2001 | 2011 |
|---|---|---|---|---|---|---|---|---|---|---|---|
| Բնակիչ | 247 | 389[6] | 466 | 272 | 538 | 602 | 747 | 752 | 919 | 1155 | 1455[4] |
Տնտեսություն
[խմբագրել | խմբագրել կոդը]Բնակչությունը զբաղվում է հիմնականում աշնանացան ցորենի, բանջարաբոստանային մշակաբույսերի, կերային մշակաբույսերի մշակությամբ և անասնապահությամբ։
Պատմամշակութային կառույցներ
[խմբագրել | խմբագրել կոդը]Վահրամաբերդից հարավ-արևմուտք, ձորամիջում, գտնվում են Մարմաշենի վանքը (IX-XIII դարեր) և XIII դար կամուրջը։
Պատկերասրահ
[խմբագրել | խմբագրել կոդը]-
Ախուրյան գետը -
Ախուրյանի կիրճը -
Գյուղի վարելահողերը -
Ախուրյանը Մարմաշենի վանքից դիտելիս -
Գյուղական ճանապարհ ձմռանը -
Հարություն Մկրտչյանի անվան միջնակարգ դպրոցի շենքը -
Մարմաշենի վանքը արևելքից -
Վահրամաբերդ գյուղի խաչքար -
Գյուղական ճանապարհ -
Մեծ Հայրենականի հուշարձանը -
Գյուղի հետերկրաշարժյան տեսքը
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ ԱՎԾ տվյալներ
- ↑ http://www.cfoa.am/HTML/option/7.htm(չաշխատող հղում)
- ↑ 3,0 3,1 «Հայաստանի և հարակից շրջանների տեղանունների բառարան», հտ. 4, էջ 738
- ↑ 4,0 4,1 2011 թ Հայաստանի մարդահամարի արդյունքները
- ↑ «Հայաստանի հանրապետության բնակավայրերի բառարան, էջ 185» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 Մայիսի 9-ին.
- ↑ Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
Արտաքին հղումներ
[խմբագրել | խմբագրել կոդը]
| ||||||||||||||