- Անվան այլ կիրառումների համար տե՛ս՝ Վաղատուր (այլ կիրառումներ)
Վաղատուր, գյուղ Հայաստանի Սյունիքի մարզում՝ հայ-ադրբեջանական շփման գծի հարևանությամբ[2], Գորիսից մոտ 9 կմ հյուսիս, Վաղատուր գետի հովտում, ծովի մակարդակից 1550 մ բարձրության վրա։ Հեռավորությունը Կապան մարզկենտրոնից կազմում է մոտ 97 կմ։
Գյուղը Բայանդուր անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում։ Խորհրդային տարիներին մասն է կազմել Հայկական ԽՍՀ Զանգեզուրի գավառի, իսկ 1930 թվականից՝ Գորիսի շրջանի։ 1995 թվականից մտնում է Հայաստանի Սյունիքի մարզի մեջ, 2016 թվականից մասն է խոշորացված Տեղ համայնքի։ Վաղատուր է վերանվանվել 1969 թվականի մայիսի 7-ին[3]։
Ըստ Հայաստանի 2011 թ. մարդահամարի արդյունքների՝ Վաղատուրի մշտական բնակչությունը կազմել է 336, առկա բնակչությունը՝ 323 մարդ[1]։ Մինչև 1918 թ. բնակեցված է եղել ադրբեջանցիներով[4]։
Վաղատուրի բնակչության փոփոխությունը ժամանակի ընթացքում՝ ստորև[3].
Բնակչությունը զբաղվում է անասնապահությամբ, պտղաբուծությամբ, բանջարաբուծությամբ, հացահատիկի և կերային կուլտուրաների մշակությամբ։
Վաղատուրն ունի երկու եկեղեցի՝ “Վաղատուրի” (հավանաբար XVII դար) և “Ժամ”։
| |
---|
| Բառարաններ և հանրագիտարաններ | |
---|
|