Վիտամին Ակումբ | |
---|---|
![]() | |
Տեսակ | հումորայի հեռուստահաղորդում |
Ժանր | հումորային հաղորդաշար |
Ձևաչափ | Հումորային, Սթենդապ |
Սցենարիստ | Ռոբերտ Մարտիրոսյան Կարեն Սահակյան Վաչե Թովմասյան |
Գլխավոր դերերում | Արման Խաչատրյան Գարիկ Պապոյան Արամ Սարգսյան Վաչե Թովմասյան Կարեն Սահակյան Տիգրան Գևորգյան |
Սկզբի երաժշտություն | Արամ Mp3 - «Վիտամին ակումբ» |
Վերջի երաժշտություն | Արամ Mp3 - «Վիտամին ակումբ» ինստրումենտալ |
Արտադրող երկիր | ![]() |
Լեզու(ներ) | հայերեն |
Ստեղծում | |
Վայր(եր) | Երևան |
Տեսախցիկի տեղադրում | բազմախցիկ |
Տևողություն | 40 րոպե |
Արտադրող ընկերություն(ներ) | Վիտամին Փրոդաքշն (2010-2015) |
Հեռարձակում | |
Ալիք | Շանթ TV (2010-2015) |
Պատկերի ձևաչափ | 576p50 (SDTV) 1080p (HDTV) - 2013 թ․-ից |
Ձայնային ձևաչափ | 48 kHz |
Սկզբնական եթեր | 2010 թվականի օգոստոսի 13 – 2015 թվականի մարտի 28 |
Կարգավիճակ | ավարտված |
Տարեգրություն | |
Նախորդ | 32 ատամ |
Հաջորդ | Women's Club |
Կապված ցուցադրումներ | 32 ատամ Comedy Club |
Պաշտոնական կայք |
«Վիտամին ակումբ», հայկական սթենդ ապ ժանրի հումորային հեռուստահաղորդում, որը ցուցադրվել է «Շանթ» հեռուստաընկերությամբ 2010-2015 թվականներին։
Առաջին անգամ եթեր է հեռարձակվել 2010 թվականի օգոստոսին, երբ հումորիստների մեծ մասը լքեցին «32 ատամ» ակումբը, և ձևավորեցին նորաստեղծ «Վիտամին ակումբ»–ը։ 2010 թվականի հունիսի ասուլիսում նրանք հայտնեցին նոր հաղորդման ստեղծման և «32 ատամ»–ից անջատվելու մասին։[1]
Ակումբի պատմությունը, ըստ իրենց առաջին թողարկման առաջացել է ընդհանուր ժողովից, որտեղ էլ որոշվել է հաղորդման անվանումը, պատկերանշանը և այլն։[2]
Որոշ սպեկուլյացիաներ էին արվել այդ թեմայով տարիներ անց․ այդպես, համաձայն «Իրականում.am» լրատվական կայքի, նոր նախագծի գաղափարը առաջացել էր «32 ատամ»–ում որոշ հումորիստների համար անհարմար պայմանների, Հանրային հեռուստաընկերության, Նոր ալիք հեռուստաընկերության և Արմենիա հեռուստաընկերության կողմից մերժման և փառամոլության արդյունքում[3]։
Շոուն իր մեջ պարունակում էր «32 ատամ»–ին բնորոշ ձևաչափ․ շփում հյուրերի հետ, տարատեսակ հաղորդումներ և վերջում մեծ համարի ներկայացում, որը կարող էր լինել սիրված կերպարի, հայտնի անձնավորությունների կամ հեռուստահաղորդումների նմանակում։
Հիմնականում թողարկումներում երևում էին հետևյալ հաղորդումները․
«Վիտամին ակումբ»–ում եղել են բազմապիսի համարներ, որոնցից որոշակի կերպարներ սիրվել են հեռուստադիտողի կողմից և հաճախ երևացել թողարկումներում։
Անվանում | Մարմնավորող(ներ) | Նկարագրություն |
---|---|---|
Եկատերինա | Գարիկ Պապոյան | Գանգրահեր, աֆրո մազերով աղջիկ է, որը չի կարողանում վարժ խոսել ռուսերեն, և առանձնանում էր իր միամտությամբ ու օպտիմիզմով։
Միշտ գալիս է Արսեն Գրիգորյանի «Ապրիր միշտ պարզ» երգի ներքո։ |
Դրախտի ալվան | Գարիկ Պապոյան | Հայտնվում է Չարենցի հետ դուետում, և միշտ գալիս է Արամ Ասատրյանի «Դրախտի ալվան ծաղիկ» երգի տակ։
Հիմնականում նրանից դժգոհ է գործատուն և վերջում միշտ հեռացնում է իրեն աշխատանքից։ Բարևելիս միշտ շփոթում է դիմացինի պաշտոնը։ |
Ամենից ամենա մարդը | Վաչե Թովմասյան | Ամենից ամենա որակով զարգացած անձը գալիս է հարցազրույցի և պատմում իր մասին։
Ամենամազոխիստ անձնավորության դերը Վաչեյի փոխարեն բացառության կարգով կատարել է Արամ MP3-ն։ |
Տատ ու թոռ | Վաչե Թովմասյան (տատ)
Արմուշ (թոռ Վազգեն) |
Վազգենը փորձում է կապնվել տարատեսակ աղջիկների հետ, սակայն նրան միշտ խոչընդոտում է իր տատը, պարբերաբար կատակելով և
փչացնելով փորձերը։ Նաև լինում է երբ նրանք գտնվում են տարբեր իրավիճակներում։ |
Ծկուլ / Ճոճոլ | Գարիկ Պապոյան | «Օ՜, կտա՜վ, կտա՜վ» եռամսյակը մեկ դուրս եկացող հաղորդմանը հրավիրվող միակ հյուր նկարիչը ցուցադրում է իր նկարած կտավները, որոնք
սովորաբար իրենց մեջ արժեք չեն կրում, սակայն դա ներկայացնում է որպես արվեստ։ |
Հաղորդումներում շատ հաճախ են եղել նմանակումներ տարատեսակ հեռուստահաղորդումների, հայտնի անձնավորությունների և տարբեր խավի ներկայացուցիչների վրա։ Ամենահայտնիները եղել են Հ2–ի «Լրաբեր», «ՄագԱվտո», «Չէին սպասում», «Քաղցած չէին սպասում», Շանթի «Հայ սուպերսթար», «X Ֆակտոր», «Իմ անունն է», «Առավոտը Շանթում», «Աշխարհի Հայեր», «Ավտոշքերթ» հաղորդումների, ինչպես նաև Միշոյի, Ջուսի, Գոռ Վարդանյանի, Երվանդ Ղարիբյանի, Արտյոմ Երկանյանի և այլ անձանց նանակումները։
Ակումբի «ամենաերկարակյաց» անդամներն էին համարվում նախկին երեսուներկուսցիներ Արման Խաչատրյանը (Արմուշ) Գարիկ Պապոյանը, Արամ Սարգսյանը (Արամ MP3), Վաչե Թովմասյանը, Կարեն Սահակյանը (Չարենց) և Տիգրան Գևորգյանը (Տիկո)։
2010 թվականին կարճ ժամանակով որոշակի անձնավորություններ նույնպես մասնակցել են ակումբին, սակայն ինչ–ինչ պատճառներով հեռացել են այդտեղից։ 2011–ից «32 ատամ» ակումբից նոր մարդիկ սկսեցին մասնակցել Վիտամին–ում, որոնցից որոշները հետագայում հիմնական դերեր ստանձնեցին «Women's Club» նախագծում։ Այդ մարդկանց թվում են ՝
և ուրիշներ։
«Վիտամին ակումբ»–ի ավարտից հետո, 2018 թ․ հոկտեմբերին եթեր դուրս եկավ «Women's Club» նախագիծը, որը հիմնված է «Comedy Woman» նախագծի վրա։ Այն իր նախորդից տարբերվում է նրանով, որ հիմնական դերերում կին դերասանուհիներ և հումորիստներ են և «Վիտամին»–ի նորեկները։ Այն մինչ օրս եթերում է, և պահում է բավականին բարձր վարկանիշներ դիտելիության առումով, սակայն 197–րդ թողարկումից սկսած (2023թ․ դեկտեմբեր) հաղորդումը տեղափոխվել է «Շանթ» հեռուստաընկերության տաղավարից «Վիվալդի Հոլ» և թողարկվում է բացառապես Vitamin Production-ի YouTube-յան ալիքով։
Նախագծի հիմնական մասնակիցներն են․
22-րդ թողարկման համարներից մեկին մասնակցել է Արմուշը, իսկ 57-րդ թողարկման համարներից մեկում ՝ Մհեր Մխիթարյանը։ 198–րդ հաղորդմանից սկսած աղջիկներին է միանում արհեստական ինտելեկտով ռոբոտ, որը հայտնվում է նախագծի սկզբում։
{{citation}}
: CS1 սպաս․ url-status (link)