Pagsasao nga Akin-amianan nga Alta

Akin-amianan nga Alta
Edimala
Patubo iti	Filipinas
Rehion	Luzon
Patubo a mangisasao	(200 ti nadakamat idi 2000)[1]
Pamilia	Austronesio Malayo-Polinesio Filipino Akin-amianan a Luzon Abagatan–Tengnga a Kordiliera Alta Akin-amianan nga Alta
Kodkodigo ti pagsasao
ISO 639-3	aqn
Glottolog	nort2875
ELP	Northern Alta
Lugar a naisasao ti Akin-amianan nga Alta segun ti Ethnologue

Ti Akin-amianan nga Alta (tinawtawagan pay ti Edimala) ket ti naisangayan a pagsasao nga Aeta iti kabambantayan ti akin-amianan a Filipinas. Daytoy ket saan nga asideg iti Akin-abagatan nga Alta wenno kadagiti sabali a pagsasao ti Luzon.

Da Jason Lobel ken Laura Robinson nakaaramidda pay kadagit iobra iti Akin-amianan nga Alta idi 2006 (Lobel 2013:87).

Heograpikal a pannakaiwarwaras

Adda dagiti agsasao ti Akin-amianan nga Alta nga ammo kas Edimala a nagtataeng idiay Sierra Madre kadagiti ginget ti igid ti karayan nga agayus idiay tanap ti Baler iti Probinsia ti Aurora. Naireporta pay nga agtateng ti Akin-amianan nga Alta idiay Dibut, iti aplaya nga abagatan ti ili ti Baler, ken amianan ti Dicapanisan. Nagurnong ni Reid ti datos ti Akin-amianan nga Alta (1991) manipud kadagiti agsasao iti Malabida, a nagbisbisita manipud idiay Bayanihan, ti maysa nga agsasao iti Ilongot a baranggay iti amianan ti Maria Aurora, Aurora iti igid ti Sierra Madre. Ireporta pay ti Ethnologue a naisasao ti Akin-amianan nga Alta idiay San Luis, Aurora.

Inlista ni Reid (1994)^[2] dagiti sumaganad a lokasion para iti Akin-amianan nga Alta.

• Baler, Aurora
• Ditailin, Maria Aurora, Aurora
• Malevida, Dianawan, Maria Aurora, Aurora
• Diteki, San Luis, Aurora

Dagiti nagibasaran

1. Akin-amianan nga Alta iti Ethnologue (Maika-18 nga ed., 2015)
2. Reid, Lawrence A. (1994). "Possible Non-Austronesian Lexical Elements in Philippine Negrito Languages". Oceanic Linguistics (iti Ingles). 33 (1): 37–72. hdl:10125/32986.

Adu pay a mabasbasa

• García Laguía, Alexandro-Xavier (2018). Documentation of Northern Alta: Grammar, Texts and Glossary (Tesis) (iti Ingles). Universitat de Barcelona. hdl:10803/664081.
• Reid, Lawrence A. (1991). "The Alta Languages of the Philippines" (PDF). Iti Harlow, Ray (ed.). VICAL 2, Western Austronesian and Contact Languages. Papers from the Fifth International Conference on Austronesian Linguistics (iti Ingles). Linguistic Society of New Zealand. pp. 265–297.