Pagsasao nga Umiray Dumaget

Umiray Dumaget
Patubo iti	Filipinas
Rehion	Quezon, Luzon
Patubo a mangisasao	(3,000 ti nadakamat idi 1994)[1]
Pamilia	Austronesio Malayo-Polinesio Filipino ? Umiray Dumaget
Kodkodigo ti pagsasao
ISO 639-3	due
Glottolog	umir1236

Ti Umiray Dumaget ket ti maysa a pagsasao nga Aeta iti akin-abagatan nga Isla ti Luzon.

Lokasion

Ti Umiray Dumaget ket naisasao iti igid ti aplaya ti Pasipiko iti akindaya a Luzon manipud iti bassit ti abagatan ti Baler, Aurora aginggana iti lugar ti Infanta, Quezon, ken iti akin-amianan nga aplaya ti Isla Polillo (Himes 2002:275-276). Inreporta ni Himes (2002) nga adda laeng bassit a pagdumaan iti dialekto.

Inreporta ni Reid (1994)^[2] dagiti sumaganad a lokasion para iti Umiray Dumaget (Tengnga nga Agta).

• Umiray, Quezon
• Dibut, San Luis, Aurora
• Bunbun, Panakulan, Polillo, Quezon

Pannakaidasig

Narigat a maidasig ti Umiray Dumaget. Ipagarup nga ikabil ni Himes (2002) iti koneksion ti Kalatakan a Tengnga a Filipino. Nupay kasta, namatmati ni Lobel (2013:230) a ti Umiray Dumaget ket mabalin a nangruna a sanga ti sasao a Filipino, wenno mabalin a kabagian ti sasao nga Akin-amianan a daya a Luzon, Sambali-Ayta (Tengnga a Luzon), wenno Manide ken Inagta Alabat. Segun kenni Lobel, ti Umiray Dumaget ket saan a maisubgrupo iti Tengnga a Filipino wenno kadagiti pay sanga ti Kalatakan a Tengnga a Filipino (Lobel 2013:275).

Dagiti nagibasaran

1. Umiray Dumaget iti Ethnologue (Maika-18 nga ed., 2015)
2. Reid, Lawrence A. 1994. "Possible Non-Austronesian Lexical Elements in Philippine Negrito Languages." In Oceanic Linguistics, Vol. 33, No. 1 (Jun. 1994), pp. 37-72.

• Himes, Ronald S. 2002. The relationship of Umiray Dumaget to other Philippine languages. Oceanic Linguistics 41(2):275-294.
• Lobel, Jason William. 2013. Philippine and North Bornean languages: issues in description, subgrouping, and reconstruction. Ph.D. dissertation. Manoa: University of Hawai'i at Manoa.