Heiðmörk

„Heiðmörk“ getur einnig átt við Heiðmörk, fylki í Noregi.
Heiðmörk er vinsæll staður til mannfagnaða en þar eru níu áningastaðir.
Heiðmörk.
Við fyrstu gróðursetninguna í Heiðmörk.
Þjóðhátíðarlundur. Stafafura.

Heiðmörk er skógræktar- og friðland við Elliðavatn austan Reykjavíkur. Svæðið er stærsta útivistarsvæði í nágrenni borgarinnar, um það bil 32 ferkílómetrar. Tæplega 90% svæðisins er gróið land og þar af um 20% ræktað skóglendi (m.a. sitkagreni, stafafura og bergfura) og 20% villtur birkiskógur og kjarr.[1] Skógræktarfélag Reykjavíkur hefur umsjón með svæðinu og hefur sinnt uppgræðslu þar allt frá stofnun félagsins árið 1946 auk lagningu göngustíga og annarra verka. Göngustígar í Heiðmörk eru nú samtals um 40 kílómetrar að lengd.[2] Heiðmörk var gerð að friðlandi 25. júní 1950 og gaf Sigurður Nordal því núverandi nafn eftir samnefndu fylki í Noregi.[3]

Í Heiðmörk eru níu reitir ætlaðir sem áningastaðir og er þar hægt að spila boltaleiki, tjalda og grilla.[4]

Ríkishringurinn svokallaði er um 12,5 km hringlaga leið um stíga sem mynda heild í gegnum Heiðmörk. Hann er kjörinn til hlaupa, hjólreiða eða jafnvel skíðagöngu þegar aðstæður leyfa.

Fólkvangurinn Rauðhólar eru eftirtektarvert kennileiti í Heiðmörk. Auk þeirra eru þar Gvendarbrunnar og önnur vatnstökusvæði Orkuveitu Reykjavíkur. En engin vatnsföll á svæðinu heldur liggja miklir grunnvatnsstraumar neðanjarðar.

Maríuhellar eru í Heiðmörk norðanverðri.

Hætta er á sinu og skógareldum í Heiðmörk í þurru veðri á vorin. Í maí 2021 brunnu um 6,6% lands á svæðinu. [5]

Fuglalíf í Heiðmörk

[breyta | breyta frumkóða]

Fuglalíf er ríkulegast í og við votlendi eins og vatnasvið Elliðavatns (Elliðavatn, Myllutjörn, Helluvatn, Hraunstúnstjörn, Kirkjuhólmatjörn, Bugða, Hólmsá og Suðurá með Silungapolli) svo og við Vífilsstaðavatn. Þéttleiki fugla er mestur í barrskógi og lúpínu og eru fjórar tegundir algengustu varpfuglarnir hrossagaukur, þúfutittlingur, skógarþröstur og auðnutittlingur. Langmest er af skógarþresti og er hann um 45% allra varpfugla. [6]

Tilvísanir

[breyta | breyta frumkóða]
  1. ↑ Kristbjörn Egilsson og Guðmundur Guðjónsson. „Gróður í Heiðmörk“ (PDF). Náttúrufræðistofnun Íslands. Sótt 8. maí 2010.
  2. ↑ Skógræktarfélag Reykjavíkur. „Heiðmörk“. Sótt 8. maí 2010.
  3. ↑ Norðurferðir. „Heiðmörk“. Sótt 8. maí 2010.
  4. ↑ Skógræktarfélag Reykjavíkur. „Áningastaðir og aðstaða“. Sótt 8. maí 2010.
  5. ↑ 2 af 30 km2 Heiðmerkur brunnir Vísir.is, skoðað 5/5 2021
  6. ↑ Jóhann Óli Hilmarsson, Fuglalíf í Heiðmörk, 2010

Tenglar

[breyta | breyta frumkóða]
Wikimedia Commons er með margmiðlunarefni sem tengist Heiðmörk.
  Þessi Íslandsgrein sem tengist landafræði er stubbur. Þú getur hjálpað til með því að bæta við greinina.