Hamengkubuwana IV

Sri Sultan Hamengkubuwana IV
Sri Sultan Hamengkubuwana IV
Raja Ngayogyakarta.
Miyos Yogyakarta, 3 April 1804
Séda Yogyakarta, 6 Dhésèmber 1822
Jabatan

Raja Ngayogyakarta

Sri Sultan Hamengkubuwana IV utawi Radèn Mas Ibnu Jarot (miyos ing Ngayogyakarta, 3 April 1804 – séda ing Ngayogyakarta, 6 Dhésèmber 1822 kanthi yuswa 18 taun) inggih punika ratu ingkang kaping sekawan wonten ing karaton Ngayogyakarta. Panjenengandalem jumeneng nata nggantosaken ingkang rama ing yuswa sedasa taun, inggih punika ing warsa 1814. Amargi taksih anèm sanget pramila Paku Alam I dipunpatah minangka wakildalem.

Ing salebeting mangsa pamaréntahdalem punika, panguwaosipun Patih Danureja IV tansaya ageng. Sadhèrèk-sadhèrèkipun kapatan nglenggahi kalenggahan-kalenggahan wigatos ing karaton. Kulawargi Danurejan punika misuwur tundhuk dhumateng Walandi. Kularwargi punika ugi njurung sistem séwa siti tumraping swasta. Bab punika sanget ngrugèkaken kawula alit.

Ing tanggal 20 Januari 1820 Paku Alam I sèlèh kalungguhan minangka wali raja. Pamaréntahandalem ingkang mandhiri punika namung lumampah kalih taun amargi suruddalem ing tanggal 6 Dhésèmber 1822 nalika tindak pesiyar. Sasampunipun surud lajeng angsal jejuluk Sinuhun Jarot, Séda Besiyar.

Priksani ugi

[besut | besut sumber]

Kapustakan

[besut | besut sumber]
  • M.C. Ricklefs. 1991. Sajarah Indonesia Modern (terj.). Yogyakarta: Gadjah Mada University Press
  • Purwadi. 2007. Sajarah Raja-Raja Jawa. Yogyakarta: Media Ilmu


Dipunrumiyini
déning:
Hamengkubuwana III 		Raja Kasultanan Yogyakarta
1814-1822 		Dipunlajengaken
déning:
Hamengkubuwana V