Timo Scheunemann
| Coach-timo.jpg | |||
| Pambiwara Pribadi | |||
|---|---|---|---|
| Jeneng jangkep | Timo Scheunemann | ||
| Tanggal kalaheran | Novèmber 29, 1973 | ||
| Tlatah kalaheran |
 Kediri, Jawa Wétan, Indonésia | ||
| Dhuwur | 1.90 m (6 ft 3 in) | ||
| Informasi klub | |||
| Klub mangsa iki | - | ||
| Karier senior* | |||
| Taun | Tim | Tampil (Gol) | |
| 1993-1996 1997 1998 |
Master Mustangs College Persiba Balikpapan Tampines Rovers |
| |
| Kepelatihan | |||
| 1999 2000-2010 2006-2007 2000-sekarang 2008 2010-2011 |
Los Angeles Soccer Club (Asisten Pelatih) Sekolah Internasional Wesley Fussbal Ausbildung Centrum (Asisten Pelatih) Malang Football Club (U-16 & U-21) Timnas Putri Indonésia Persema Malang | ||
| |||
Timo Scheunemann (lair ing Kediri, Jawa Timur, 29 Novèmber 1973; umur 51 taun) inggih punika salah satunggaling pelatih ingkang gadhah kewarganagaraan Jerman.[1] Timo dados pelatih klub bal-balan lokal Indonésia, Persema Malang.[2] Lajeng dados bapak kanggé Irfan Bachdim lan Kurniawan ingkang main ing Persema Malang.[2] Panjenenganipun pinter ngginakaken basa Indonésia lan basa Jawa, saéngga ndadosaken Timo kawentar ing kalangan para jurnalis.[2] Sapunika Timo dados Kapala Babagan Pemain Usia Dini PSSI. Panjenenganipun ugi naté nggaldhi timnas bal-balan putri Indonésia ing SEA Games 2009. Timo pikantuk idin kepelatihan UEFA A ing Koeln, Jerman, ing taun 2007.
Pribadi
[besut | besut sumber]
Asalipun Timo inggih punika Dau, Kabupatèn Malang. Panjenenganipun krama kaliyan Devi Schunemann lajeng kanugrahan putra kalih, inggih punika Shania Cinta Scheunemann lan Brandon Marsel Scheunemann. Timo saged micara nganggé basa Indonésia lan basa Jawa amargi miyos lan kathah nelasaken wekdalipun ing Indonésia (Kediri lan Malang) nalika taksih alit.
Karier
[besut | besut sumber]Pemain
[besut | besut sumber]Minangka pemain, Timo Scheunemann miwiti karier dados juru main profésional ing Master Mustangs College Klub saking divisi I ing Amérika taun 1993.[3] Lajeng panjenenganipun nguwataken tim Liga Indonésia, Persiba Balikpapan.[3] Ing wekdal punika namanipun Liga Kansas Indonésia taun 1997.[3] Sasampunipun satunggal taun Timo nyobi atmosfer bal-balan ing Liga Singapura sareng kaliyan klub Tampines Rovers.[3] Boten dangu, ing taun 1998 Timo pikantuk ulem kanggé nglampahi tes ing Eintracht Frankfurt lan Stuttgarter Kickers (Jerman) sarta FC Gillingham di Inggris.[3]
Pelatih
[besut | besut sumber]Minagka pelatih, Timo Scheunemann miwiti karier ing Los Angeles Soccer Club (Team semi-pro ing Amérika) dados asisten pelatih satunggal ugi dados juru main. Lajeng panjenganipun nggladhi ing Wesley International Club lan Malang Football Club lan pikantuk kathah prestasi. Ing taun 2007, Timo dados penasehat teknik tim Persikoba Batu. Ing taun 2008 dipracaya déning PSSI ngrancang timnas bal-balan putri kanggé SEA Games 2009 ing Vientiane, Laos.[4] Ing taun 2010, dipracaya Ketua Umum Persema Malang, Peni Suparto kanggé nukangi Persema Malang ing Liga Primer Indonésia mangsa 2010/11.[4] Ing Persema, penjenenganipun nindakaken perekrutan ingkang saé piyambak mawi ngrekut juru main blasteran Indonésia-Walanda, Irfan Bachdim ingkang sapunika ugi nganggé seragam Tim nasional bal-balan Indonésia.
Kajawi punika ing lingkungan PSSI Timo naté dados Executive Officer Badan Timnas Indonésia (BTN) ing sasi Mèi-Juli 2010.[4] Kathah sanget jasanipun Timo ing ngrembakanipun organisasi bal-balan ing Malang Raya mawi ngadegipun liga kanggé yuswa remaja ingkang minangka embrio saking ngadegipun organisasi Forsmarra.[4] Timo ugi nyerat buku ingkang irah-irahanipun Dasar-Dasar Sepakbola Modern, Futsal for Winner, lan 14 Ciri Sepakbola Modern, sarta mrodhuseri teknik-teknik bal-balan lan futsal lumantar audio-visual mawi wujud kepingan VCD lan DVD.
Buku paling anyar ingkang sampun kasil dipunserat déning Timo inggih punika Kurikulum Dasar Sepakbola untuk Pembinaan Usia Dini ingkang dipunwedalaken ing sasi Oktober 2012 amargi sumbangan sukarela saking elemen panyengkuyung bal-balan ingkang preduli dhateng pangrembakanipun bal-balan ing Indonésia.[5] Buku punika badhé dipunpérang dhateng sadaya sekolah bal-balan (SSB) utawi akademi bal-balan yuswa dini ing saindenging Indonésia.[5]
Pranala njawi
[besut | besut sumber]- (ing basa Indonésia) Profil Timo Scheunemann Archived 2013-07-04 at archive.ph Error: unknown archive URL
Cathetan suku
[besut | besut sumber]- ↑ Timo Scheunemann(dipunundhuh 15 Fèbruari 2013)
- ↑ a b c Profil Timo Scheunemann(dipunundhuh 15 Fèbruari 2013)
- ↑ a b c d e Timo Scheunemann Bule yang Rela Dipenjara Asal Indonésia ke Piala Dunia(dipunundhuh 15 Fèbruari 2013)
- ↑ a b c d Timo Scheunemann: Saya akan bikin 6 akademi usia muda(dipunundhuh 15 Fèbruari 2013)
- ↑ a b raga.kompasiana.com/bola/2012/05/16/buku-pembinaan-pemain-gratis-dari-coach-timo-pssi-463543.html Buku Pembinaan Pemain Gratis dari Coach Timo PSSI[pranala mati permanèn](dipunundhuh 15 Fèbruari 2013)