ტრინიდადი და ტობაგოს ისტორია კუნძულზე ინდიელების დასახლებით იწყება, კონკრეტულად კარიბებითა და არავაკებით. კუნძულები ქრისტეფორე კოლუმბმა 1498 წელს, მესამე მოგზაურობის დროს აღმოაჩინა. ტრინიდადი ესპანეთის შემადგენლობაში 1797 წლამდე რჩებოდა, თუმცა ძირითადად ფრანგი კოლონისტებით იყო დასახლებული. პარიზის სამშვიდობო ხელშეკრულებით 1814 წელს ის ბრიტანეთის ხელში გადავიდა. 1889 წელს ორივე კუნძული ერთ კოლონიად გაერთიანდა.[1] ტრინადადი და ტობაგომ ბრიტანეთისგან დამოუკიდებლობა 1962 წელს მოიპოვა, ხოლო 1976 წელს რესპუბლიკა გახდა.